VOV4.Êđê - Tui ngă klei dưi mtrŭt mjhar bruă ruah khua mơ̆ng pô, 10 čô mgơ̆ng asei ngă pô bi ala Quốc Hội gưl 15 lehanăn 85 čô mgơ̆ng asei ngă pô bi ala HĐND čar Kon Tum dôk ngă bruă bi tuôm hŏng mnuih ƀuôn sang hlăm dŭm alŭ wăl hlăm čar. Bruă mkŏ mjing čiăng kơ 10 čô mgơ̆ng asei ngă pô bi ala Quốc Hội gưl 15 lehanăn 85 čô mgơ̆ng asei ngă pô bi ala HĐND čar Kon Tum wưng thŭn 2021-2026 dưi tui ngă klei dưi mtrŭt mjhar bruă ruah khua mơ̆ng pô dưi mâo dhar bruă mặt trận čar Kon Tum mkŏ mkra jăk lehanăn djŏ hŏng hdră bhiăn.

Bruă gang mkhư̆ klei ruă tưp Covid-19 hlăm dŭm anôk bi tuôm hŏng phung mplĕ hră dưi mâo klei rơ̆ng kjăp mơ̆ng knơ̆ng bruă mdrao mgŭn. Jih jang phung nao mplĕ hdră leh mâo klei êmuh lač, dŭm čô mgơ̆ng asei ngă pô bi ala Quốc Hội lehanăn pô bi ala HĐND mâo sơăi klei jĕ giăm, klah čŭn hdră êlan bruă ngă, dưi bi êdah bruă klam mơ̆ng pô leh mâo klei đăo knang mơ̆ng phung nao mplĕ hră lehanăn mâo klei čuăn ruah jing pô bi ala Quốc Hội lehanăn HĐND čar.