VOV4.Êđê- Tlam mbruê, 20-5, Quốc hội bi trông trực tuyến kơ bruă bi mklă Klei bi kuôl kă bruă mnia blei êngiê plah wah Việt Nam leh anăn Êpul hgu\m Châu Âu (EVFTA) leh anăn bruă bi mklă Klei bi kuôl kă răng mgang bruă duh bi liê plah wah Việt Nam leh anăn sa t^ng jing Êpul hgu\m châu Âu, du\m ala ]ar hlăm êpul hgu\m châu Âu (EVIPA). Ti anôk bi trông, phung bi ala Quốc hội bi êdah klei ]ia\ng êdi hnưm bi mklă klei kuôl kă EVFTA leh anăn EVIPA, leh anăn mpu\ tu\ yap klei g^r mơ\ng êpul bi trông Knu\k kna, du\m Phu\n dhar bruă djo\ tuôm ngă leh bruă hlăm bo\ 8 thu\n êgao ]ia\ng dưi mâo klei kuôl kă ho\ng EU kơ dua klei kuôl kă anei. Bruă hnưm bi mklă klei kuôl kă EVFTA leh anăn EVIPA  hlăm klei bi k[^n Quốc hội tal anei srăng mjing klei găl kơ du\m anôk bruă mnia blei Việt Nam hnưm dưi mâo anôk ba ]h^ mnơ\ng ti châu Âu hlăm boh klei anôk khăng mưng ba ]h^ hlăk tuôm ho\ng klei dleh dlan kyua klei ruă tưp, k`ăm đru mnơ\ng dhơ\ng Việt Nam mâo lu klei găl ruah anôk ba ]h^ leh anăn phung blei yua mrâo.

H'Zawut {uôn Yă mblang