VOV4.Êđê - Lŏ dŏng hdră bi kƀĭn tal 11, klei bi kƀĭn kluôm ti Sang bi kƀĭn hruê 26/3 Quốc hội bi trông leh kơ Hră hâo mdah hdră mă bruă gưl 14 mŏng Quốc hội, dŭm hră hưn mdah hdră mă bruă gưl 14 mŏng Dhar bruă Quốc hội, Êpul hgŭm djuê ana, dŭm dhar bruă mŏng Quốc hội. Klei blŭ hrăm mŏng phung bi ala Quốc hội mñă klă, lŏ dlăng wĭt ktuê êlan 5 thŭn, Quốc hội gưl 14 mđĭ lar nanao ai tiê đua klam, gĭr ktưn čiăng bi leh jih bruă mâo kčah jao.

Wưng păn bruă Quốc hội gưl 14 ba wĭt leh klei tŭ jing hŏng dŭm boh tŭ dưn kluôm dhuôm hlăm djăp mta bruă mŏng bruă čih mkra hdră bhiăn, bruă ksiêm dlăng, msir mghaih dŭm bruă yuôm bhăn mŏng lăn čar truh kơ bruă hŏng tač êngao, đru kơ lăn čar drei găn klei dleh dlan, mjing lu klei bi mlih jăk siam hlăm klei hdĭp, bruă duh mkra - ala ƀuôn, bruă răng mgang klei êđăp ênang, bruă hŏng tač êngao, mkra mđĭ klei hdĭp mnuih ƀuôn sang. Dŭm hdră mtrŭn mŏng Quốc hội kbiă hriê mŏng klei mĭn čiăng mŏng mnuih ƀuôn sang, klei tŭ dưn mŏng ala čar, mŏng djuê ana, kbiă hriê mŏng klei mâo sĭt hlăm ala čar./.

H Nêč pô mblang