VOV4.Êđê- Tlam mbruê 2/4, hŏng lu ênoh hră mplĕ, Quốc hội bi mklă Hdră mtrŭn brei Nguyễn Phú Trọng mdei ngă Khua lăn čar Ala čar Yang ƀuôn ngă phŭn Việt Nam. Hdră mtrŭn mâo Quốc hội bi mklă: Brei Nguyễn Phú Trọng mdei ngă Khua lăn čar ala čar Yang ƀuôn ngă phŭn Việt Nam wưng thŭn 2016-2021. Hdră mtrŭn mâo klei dưi dưn hluê ngă yap mơ̆ng leh Quốc hội ruah Khua lăn čar mrâo. Hlăm wưng păn bruă, Khua lăn čar Nguyễn Phú Trọng mđing gĭt gai bruă mkŏ mjing Đảng, mkŏ mjing bruă kđi čar doh mngač, kjăp ktang, mbĭt anăn gĭr jih ai tiê hlăm hdră gang mkhư̆ klrei ƀơ̆ng ngăn, luič liê mang. Ăt hlăm tlam mbruê, Dhar bruă Quốc hội hưn mdah anăn mgơ̆ng asei čiăng Quốc hội ruah khua lăn čar. Leh anăn, phung bi ala bi trông hlăm êpul kơ hdră mĭn tĭng mnuih pioh ruah ngă Khua lăn čar.

Pô mblang: H’Zawut Ƀuôn Yă