VOV4.Êđê -  Lŏ dơ̆ng hdră mă bruă mơ̆ng Klei bi kƀĭn tal 11, hruê anei, Quốc hội mă bruă ti Sang bi kƀĭn prŏng lehanăn pioh jih mmông bi trông kơ hdră bruă knuă druh, bi mklă mnuih mă bruă ti lu anôk bruă mơ̆ng Quốc hội. Hŏng Khua kiă kriê Quốc hội, Vương Đình Huệ - Khua hlăm Phŭn bruă kđi čar, Khua bruă Đảng ƀuôn prŏng Hà Nội, Khua knơ̆ng gĭt gai ƀuôn prŏng phŭn, Khia êpul bi ala Quốc hội ƀuôn prŏng Hà Nôị jing pô dưi hưn mthâo čiăng kơ Quốc hôị ruah păn ngă bruă bi hrô kơ aduôn Nguyễn Thị Kim Ngân mâo leh Quốc hội brei mdei bruă.

Ti anôk mă bruă aguah anei, Khua hlăm anôk bruă kiă kriê Quốc hội hưn mthâo leh hŏng Quốc hội kơ boh tŭ hdră bi trông ti Êpul lehanăn hlak mblang, tŭ mă klei blŭ mơ̆ng phung bi ala Quốc hội kơ hdră bruă knuă druh čiăng ruah Khua kiă kriê Quốc hội, Khua êpul hgŭm ruah khua ala čar. Leh kơnăn, Quốc hội bi trông čhai, bi mklă anăn knuă druh lehanăn ruah Khua kiă kriê Quốc hội, Khua êpul hgŭm ruah khua ala čar hŏng hdră mplĕ hră hgăm. Ăt ti anôk bi kƀĭn tal aneu, Dhar bruă gĭt gai Quốc hội hưn mdah hŏng Quốc hôị brei mdei bruă hŏng K’iăng khua Quốc hội mbĭt anăn ba mdah anăn knuă druh bi hrô dŭm anôk bruă anăn./.

H Nêč pô mblang