VOV4.Êđê- Lŏ dơ̆ng hdră klei bi kƀĭn tal 11, hruê anei 5/4, Quốc hội ngă hdră ruah Khua lăn čar, Khua Knŭk kna hŏng hdră mplĕ hră hgăm. Leh djŏ ruah, Khua lăn čar mrâo, Khua knŭk kna mrâo srăng ƀuăn rơ̆ng đĭ păn bruă. Khua Quốc hội Vương Đình Huệ hưn mdah hŏng Quốc hội mgơ̆ng Nguyễn Xuân Phúc kơ Quốc hội ruah ngă Khua lăn čar. Hlăm hruê anei, Khua lăn čar hưn mdah anăn kơ Quốc hội ruah Khua Knŭk kna, bi trông hlăm êpul kơ hdră mĭn tĭng mnuih mă bruă čiăng ruah Khua Knŭk kna. Tlam, Quốc hôị ruah Khua Knŭk kna hŏng hdră mplĕ hră hgăm, bi mklă mơ̆ng Hdră ruah Khua Knŭk kna. Leh kơ năn, Khua Knŭk kna ƀuăn rơ̆ng đĭ păn bruă ti anăp Quốc hôị. Ăt hlăm hruê kăm mă bruă knhal tuič hlăm klei bi kƀĭn tal 11, Quốc hội srăng brei mdei bruă leh anăn ngă hdră ruah K’iăng lăn čar, phung khua hlăm Dhar bruă Quốc hội, khua dŭm dhar bruă mơ̆ng Quốc hội, Khua čih hră Quốc hội, Khua Dhar bruă ksiêm yap Knŭk kna hŏng hdră mplĕ hră hgăm.

Pô mblang: H’Zawut Ƀuôn Yă