VOV4.Êđê- Hruê 4/5, ti Hà Nội, Phŭn bruă kahan ksiêm mkŏ mjing klei bi kƀĭn Anôk bruă gĭt gai Hdră bruă mkŏ mjing hră mơar ala čar kơ mnuih ƀuôn sang leh anăn Hdră mkra mjing, mkăp leh anăn kriê dlăng hră kak asei mnuih ƀuôn sang. Hluê si klei hâo hưn, hdră hluê ngă hdră bruă hră mơar mnuih ƀuôn sang ala čar mguôp mbĭt hlăm hdră êbeh 98 êklăk čô mnuih hlăm ala leh anăn hlăk dôk hlăm wưng bi leh klei hâo hưn hŏng hdră kñăm mkăp mrô bi mklă anăn kơ jing jang mnuih ƀuôn sang êlâo hruê 1/7/2021. Yap truh hruê 27/4, ênoh hră mơar hrui mă hră kak asei mnuih ƀuôn sang mơ̆ng kahan ksiêm 63 alŭ wăl jing giăm 34 êklăk hră mơar, mâo giăm 68% mkă hŏng hnơ̆ng kčah êbeh 50 êklăk hră mơar. Hŏng bruă bi mkŏ, kah mbha hră mơar, ară anei Phŭn bruă kahan ksiêm bi hgŭm hŏng Bảo hiểm yang ƀuôn Việt Nam, Phŭn bruă Hdră bhiăn, Knơ̆ng bruă ksiêm dlăng hră mơar - Adŭ bruă knŭk kna, Dhar bruă jia - Phŭn bruă ngăn prăk bi trông čhai dŭm hdră kơ bruă mkŏ bi đru.

Pô mblang: H’Zawut Ƀuôn Yă