VOV4.Êđê -  Aguah hruê 19/4, Khua hlăm Anôk bruă Đảng gưl dlông, K’iăng khua bruă Đảng čar, Khua anôk bruă sang čư̆ êa čar Dak Nông Nguyễn Đình Trung gĭt gai leh Knăm hưn mthâo bruă ruah Trần Văn Diêu păn ngă Khua adŭ bruă mơ̆ng Anôk bruă sang čư̆ êa čar Dak Nông.

Ti knăm anei, Khua anôk bruă sang čư̆ êa čar Dak Nông Nguyễn Đình Trung čih yap, bi mni dŭm klei đru mguôp mơ̆ng Trần Văn Diêu hlăk păn ngă leh lu anôk bruă mdê mdê, dưi bi leh jăk jih bruă klam mâo kčah jao. Hŏng klei đua klam lehanăn klei thâo kơ bruă mơ̆ng pô, hlăm wưng ti anăp, Trần Văn Diêu brei lŏ gĭr ktưn hĭn, mđĭ lar ai tiê hgŭm mguôp, đua klam hrăm mbĭt hŏng êpul êya knuă druh Adŭ bruă mơ̆ng Anôk bruă sang čư̆ êa čar bi leh jih bruă klam mâo kčah jao./.

H Nêč pô mblang