VOV4.Êđê- Thŭn 2021, Sang hră Đại học Tây Nguyên mâo klei čoh čuăn hrŏng ruah truh 3.340 čô hđeh hriăm gưl chính quy, hŏng 35 mta bruă hriăm hlăm 8 anôk mjuăt bi hriăm, jing leh sang hră mâo ênoh hrŏng ruah prŏng hĭng hlăm alŭ wăl. Hlăm anăn lu êdi mâo Y Khoa; Klei Ăngle, bruă mdrao mgŭn mnơ̆ng rông, bruă duh mkra, bruă kiă kriê klei mnia mblei, bruă tĭng mkă ngăn prăk, bruă mjuăt bi hriăm klei ktang asei mlei. Hdră hrŏng ruah thŭn 2021 mâo dăp hlăm 4 hdră: Ksiêm dlăng boh tŭ dưn klei bi lông jih gưl 3 thŭn 2021; ksiêm dlăng boh tŭ dưn klei bi lông hnơ̆ng thâo thŭn 2021 mơ̆ng sang hră Đaị học ƀuôn prŏng Hồ Chí Minh; ksiêm dlăng klei thâo hră mơar hlăm 3 thŭn gưl 3, hrŏng ruah mŭt klă tui si klei bhiăn hrŏng ruah thŭn 2021. K’iăng nai prŏng – nai prĭn Võ Phương Đại Nguyên, Khua adŭ bruă mjuăt bi hriăm sang hră đại học, mơ̆ng sang hră đaị học Tây Nguyên brei thâo: Hdră mjuăt bi hriăm thŭn 2021 mơ̆ng sang hră čiăng kơ jih jang hđeh hriăm mâo hriăm klei mrâo mrang, bi năng djŏ hŏng phung čiăng yua bruă tơdah leh ruĕ hriăm./.

Pô mblang: Y-Khem Niê