VOV4.Êđê - Ti sa\ knông la\n Ma\ng M’rai, kdriêk Sa Thầy, ]ar Kontum mâo sa boh sang hra\ ma\ ana\n Võ Nguyên Giáp, kyua mơ\ng Binh đoàn 15 ( Phu\n brua\ l^ng khan) ru\ mdơ\ng. Mb^t ho\ng sang hra\ anei, Binh đoàn 15 a\t duh bi liê ru\ mkra du\m êtuh boh sang hra\ mka\n ti tuê knông la\n Dưr kr^ng Dap kngư, mjing klei ga\l kơ anak aneh mnuih [uôn sang djuê [ia\ dưi nao sang hra\ m’ar.

Hlăm krah kmrơ\ng pro\ng kr^ng knông lăn Măng Mrai, mâo sa boh sang hra\ ma\ ana\n Đại tướng Võ Nguyên Giáp, bi êdah kơ sa klei ru\ mdơ\ng pro\ng siam, ti krah kr^ng lăn dleh dlan anei. Mmông mdei, du\m êtuh ]ô phung hđeh hriăm hra\ bi kbia\ kơ ta] ho\ng klei hlăp tlao mơak m`ai ngă [rơ\k mdih klei `a\t kriêp hla\m kr^ng taih kbưi ê’io\ êya\ng anei hlăm kmrơ\ng dliê ]ư\ ]hia\ng. Tống Khánh Linh, sa ]ô hđeh hriăm hra\ mnuih djuê ana Mường, dôk hriăm adu\ 9, mâo leh lu thu\n mtam mâo ma\ klei pah mni hđeh hriăm hra\ thâo, yăl dliê: “ Mâo hriăm hlăm sa boh sang hra\ mâo ana\n Đại tướng Võ Nguyên Giáp jing sa klei hưn ktưn pro\ng êdi hlăm kâo. Kâo srăng g^r hriăm hra\ bi thâo ]ia\ng kơ mgi dih mâo đru mguôp sa kdrê] mơ\ng ai tiê pô, tui hriăm knhuah siam mơ\ng Đại tướng, pioh ru\ mdơ\ng lăn ]ar”.

Sang hra\ gưl I, gưl II Võ Nguyên Giáp mâo giăm 350 ]ô phung hđeh, jing anak aneh du\m djuê ana, mơ\ng mnuih ngă brua\ hlăm đang ksu Êpul duh mkra brua\ l^ng khan mrô 78, hlăm Binh đoàn 15. Anei jing sang hra\ mâo mko\ mjing klei hua\ [ơ\ng kơ phung hđeh yang hruê dơ\ng. Nai mtô Nguyễn trung Hưng, k’ia\ng khua sang hra\ brei thâo, êlâo dih, brua\ mtô lehana\n hriăm hlăm kr^ng anei bo\ ho\ng klei dleh dlan. Hđeh hriăm hra\ bi nao hriăm kbưi, bi phung nai suăi êmăn iêu jak phung hđeh nao sang hra\ m’ar, ]ia\ng mâo nanao ênoh phung hđeh ênu\m nao sang hra\ m’ar. Mơ\ng leh mâo sang hra\ anei mơ\ng Binh đoàn 15 đru ru\ mdơ\ng, snăn brua\ mtô lehana\n hriăm jăk găl h^n. Klei sa ai mơ\ng phung l^ng khan đru leh kơ phung nai mtô ti Măng Mrai lo\ mâo ai tiê thâo g^r h^n, ]ia\ng dưi găn hgao klei dleh dlan, bi leh jăk brua\ k]ah jao kơ pô hla\m kr^ng knông lăn: “ Mâo klei myun êdi leh Sang hra\ mâo dja\ ana\n Đại tướng Võ Nguyên Giáp, anei jing klei pưng myưng pro\ng mơ\ng jih jang phung nai, lehana\n hđeh hriăm hra\ mơ\ng sang hra\. Mđ^ h^n klei jăk siam ana\n, sang hra\ srăng [rư\ hruê [rư\ mghaih msir djăp mta klei dleh dlan, ]ia\ng kơ knư\ hruê knư\ mđ^ hnơ\ng kjăp klei mjua\t bi hriăm. Kha\dah tăp hnơ\ng klei dleh dlan, ăt g^r hlăm klei bi ktưn mtô jăk, hriăm jăk”.

Sa\ Măng Mrai kbưi ho\ng krah ]ar Kontum hlăm brô 80km t^ng kơ Yu\ Dhu\ng. {ia\dah ]ia\ng dưi truh kơ kr^ng anei, lu] mkrah hruê kơh găn lu kdrê] êlan ]ư\ ]hia\ng, dhu\ng êlam boh tâo êga, êa hnoh. Klei dleh dlan kơ êlan klông yơh jing klei dleh ktro\ pro\ng êdi kơ klei mđ^ kyar hlăm kr^ng knông lăn Măng Mrai, hlăm năn mâo wa\t brua\ sang hra\ m’ar. {uh klei anei, dua thu\n êlâo, Êpul duh mkrá mơ\ng l^ng kahan mrô 78, hlăm Binh đoàn 15 ]o\ng nao ma\ brua\ ho\ng sang ]ư\ êa lehana\n dhar brua\ sang hra\ m’ar alu\ wa\l, ru\ mdơ\ng dua boh sang hra\ gưl I, lehana\n gưl II ma\ ana\n Đại tướng Võ Nguyên Giáp. Đại tá Nguyễn Thăng Thanh, khua brua\ Đảng Êpul brua\ duh mkra khan mrô 78 brei thâo, brua\ ru\ mdơ\ng sang hra\ anei đru leh kơ mnuih ngă brua\ đang ksu amâo lo\ m’^t anak pô w^t hriăm kơ [uôn sang pô ôh mse\ ho\ng êlâo. Du\m thu\n êgao, Êpul duh mkra l^ng khan mrô 78 ba ako\ nanao mơ\ng Binh đoàn 15 kơ klei duh mkra pla mjing. Đại tá Nguyễn Thăng Thanh, la]:

“ Leh mâo sang hra\ m’ar giăm anôk mnuih dôk, snăn phung hđeh dơ\ng bi nao mu\t hriăm hlăm sang hra\ mâo ana\n Đại tướng. Mơ\ng ana\n, h’^t leh ai tiê, s^t suôr ho\ng brua\ ngă hlăm kr^ng lăn dôk hlăm klei dleh dlan anei. Mnuih ngă brua\ hur har ma\ brua\ knua\ đru bi ru\ mdơ\ng wa\l anôk dôk mrâo, mơ\ng ana\n đru mko\ mjing sa knơ\ng brua\ đ^ kyar”.

Mb^t ho\ng sang hra\ mâo ana\n Đại tướng Võ Nguyên Giáp ti sa\ knông lăn Măng Mrai, ktuê knông lăn dua ]ar Gialai, lehana\n Kontum, lo\ mâo du\m êtuh boh sang hra\ hđeh điêt, sang rông hđeh, du\m pluh boh sang hra\ gưl I, gưl II, lehana\n gưl III mâo binh đoàn 15 ru\ mdơ\ng pioh kơ brua\ mjua\t bi hriăm anak mnuih. La] kơ brua\ êpul êya l^ng kahan duh  bi liê brua\ sang hra\ m’ar, Thiếu tướng Đặng Anh Dũng, Khua kia\ kriê Binh đoàn 15 brei thâo: “ Digơ\ knap m`ai, gigơ\ băng kơ drei, truh kơ anei ]ia\ng tlaih mơ\ng klei knap m`ai, si thâo lui he\ anak digơ\ amâo mâo thâo hra\. Kyuana\n bi mâo sang hra\ mơar, mtô bi hriăm. Dơ\ng mơ\ng sang hra\ gưl 1 ]iêm rông hlăm sang hra\, truh kơ phung hđeh đ^ pro\ng snăn hriăm gưl 3, hmei lo\ mdơ\ng. Dah guôn prăk mơ\ng knu\k kna, dôk guôn prăk mơ\ng alu\ wa\l snăn dleh mâo. Kno\ng kha\ bi mko\ mjing sang hra\, ba hriê phung kia\ kriê, phung nai mtô đu]. Amâodah klei phung hđeh mnuih djuê [ia\ ]ia\ng mâo anôk rông hđeh, mâo anôk doh ê[a\t, mâo nai mjua\t bi hriăm, mâo klei hlăp… Ba rôk hlăm sang rông hđeh phung hđeh mâo hriăm klei yuăn, truh kơ thu\n đ^ hriăm hra\ gưl 1, phung hđeh amâo mâo đei lo\ suăi dleh ôh, lehana\n tui tio\ hmao [^ng găp. Ti anôk mâo mnuih khua ti ana\n mâo hđeh, phung hđeh đ^ hriê kơ pro\ng jia\ knhuah gru dhar kreh kơ anei, ti anôk đue# hiu ăt srăng hdơr lehana\n lo\ w^t ru\ mdơ\ng, tơl đa am^ ama, aê aduôn hlo\ng dơr klang ti anei. Mơ\ng phung ana\n yơh srăng jing phung răng kriê knông lăn. Snăn brua\ drei ngă anei jing djo\ ho\ng klei m^n mơ\ng Đảng, Knu\k kna jing ba mnuih [uôn sang dôk ktuê knông lăn”.

Ktuê knông lăn Dưr Lăn Dap Kngư, brua\ duh mkra lehana\n mjua\t mjing anak mnuih hlăm du\m pluh thu\n êgao mơ\ng l^ng khan Binh đoàn 15 mâo mjing leh đang ksu pro\ng lia\ lia, ho\ng du\m boh [uôn trei mđao, lehana\n mâo lu gưl ]ô anak bo\ ho\ng klei ]ang hmang. Sa ]uê mtah pro\ng mơ\ng đang ksu, sa ]uê mâo klei hd^p, ]a\t jing leh ti anei pioh răng mgang kjăp klei êđăp ênang knông lăn./.

                                               H’Nga pô ]ih mkra.