VOV4.Êđê - Việt Nam ngă leh, lehanăn hlăk dôk ngă, čiăng bi sĭt jih jang klei leh ƀuăn, lehanăn dŭm klei mĭn mâo čoh čuăn leh hlăm thŭn 2020, hlăm anăn mđing kơ bruă mkŏ hŏng dŭm mta bruă năng ngă tal êlâo hlăm thŭn ASEAN 2021 mâo Brunei bi êdah”. Anei jing klei Nguyễn Bá Hoan k’iăng khua phŭn bruă mnuih ngă bruă, phung knap mñai lač ti anôk bi kƀĭn Êpul hgŭm dhar kreh yang ƀuôn (ASCC) tal 25 mâo mkŏ mjing hlăm hdră trực tuyến mâo Brunei kiă kriê. Ti anôk mkŏ hŏng Việt Nam, hlăm bruă klam jing anôk kiă kriê klei bi kƀĭn Êpul hgŭm dhar kreh yang ƀuôn ti Việt Nam, k’iăng khua phŭnbruă mnuih ngă bruă lehanăn phung mnap mñai Nguyễn Bá Hoan lač: Việt Nam čang hmăng jing jang 15 anôk bruă thơ̆ng kơ dhar kreh yang ƀuôn ASEAN srăng hyuă kjăp hĭn klei bi mguôp hŏng dhar kreh yang ƀuôn ASEAN hlăm klei mkŏ mjing lehanăn bi leh djăp mta hdră pô wưng thŭn 2021 – 2025, yap jih jang hdră mâo mta mrâo, lehanăn klei pô ngă tal êlâo anăn jing mdrơ̆ng hŏng klei ruă tưp, lehanăn lŏ krŭ wĭt bruă duh mkra, mghaih msir jih jang klei ktrŏ hlăm yang ƀuôn, kơ klei bi mlih yăn adiê, lehanăn bruă tuh tia 4.0./.

Y Khem pô mblang