VOV4.Êđê - Tlam hruê 6/4, Quốc hội bi mklă leh Hdră mtrŭn ruah K’iăng khua lăn čar Việt Nam yang ƀuôn ngă phŭn wưng thŭn 2016-2021. Hdră mtrŭn lač klă, Quốc hội gưl XIV ruah leh aduôn Võ Thị Ánh Xuân, Khua hlăm Anôk bruă Đảng gưl dlông, Khua bruă Đảng čar, Khua Êpul bi ala Quốc hội gưl XIV čar An Giang, păn ngă K’iăng khua lăn čar Việt Nam yang ƀuôn ngă phŭn wưng thŭn 2016-2021.

Aduôn Võ Thị Ánh Xuân kkiêng hruê 8/1/1970, ƀuôn sang ti să Thới Sơn, kdriêk Tịnh Biên, čar An Giang. Hnơ̆ng hriăm: Cử nhân Khoa học, hriăm Sư phạm Hóa học; Thạc sỹ kriê dlăng bruă knŭk kna. Aduôn Võ Thị Ánh Xuân jing Khua mkăp hlăm Anôk kiă kriê bruă Đảng gưl dlông tal XI, Khua hlăm Anôk kiă kriê bruă Đảng gưl XII, XIII; pô bi ala Quốc hội gưl XIV./.