VOV4.Êđê - Mb^t ho\ng brua\ hluê nga\ ja\k brua\ hâo hưn mtô mblang ho\ng klei blu\ mnuih djuê ana [ia\ ti kr^ng Dap kngư, êbeh 10 thu\n êgao, sang mđung asa\p blu\ Việt Nam dôk jưh ti kr^ng Dap kngư lo\ bi mje\ mjing  ho\ng [uôn Bhôk, sa\ Yang Tao, kdriêk La\k, ]ar Daklak, k`a\m mtru\t mjhar mnuih [uôn sang hluê nga\ ja\k du\m hdra\ êlan mtru\n mơ\ng Đảng leh ana\n hdra\ bhia\n mơ\ng Knu\k kna, ga\n hgao dja\p klei dleh dlan, g^r ktưn kpưn đ^ hla\m klei hd^p. Boh nik, mrâo anei, Knơ\ng brua\ mâo iêu mtru\t leh Anôk brua\  jing Knơ\ng brua\ Trách nhiệm hữu hạn Duh bi liê Hdra\ brua\ Mễ Trì, mâo anôk brua\ ti Hà Nội iêo mguôp mâo êbeh 400 êkla\k pra\k ]ia\ng nga\ mkra sang kha\p ]ia\ng brei kơ 5 go\ sang dleh dlan.

      Mơ\ng êlâo kơ Tit Nguyên đán Bính Thân thu\n 2016, [uôn Bhôk, sa\ Yang Tao, kdriêk La\k, c\ar Daklak mâo klei m’ak: mâo 5 go\ êsei mnuih djuê [ia\ sra\ng dưi brei mđup  sang bi kha\p c\ia\ng. Knơ\ng brua\ Sang mđung asa\p blu\ Việt Nam dôk jưh ti kr^ng Dap Kngư bi hgu\m ho\ng brua\ Đảng, brua Knu\k kna alu\ wa\l sa\ Yang Tao  mb^t ho\ng knua\ druh [uôn Bhôk nao duah dla\ng bi kla\ ruah ma\ 5 go\ sang kla\ s^t dleh dlan kơ sang dôk c\ia\ng đru. Hla\m ana\n go\ sang amâo H’Bak Teh  jing sa hla\m du\m go\ sang knap êdi. Hla\m sang t^ rưc\ huâng kduâng, 3 c\ô anak bi r^t bi rin kyua k[ah mnơ\ng [ơ\ng hua\, rua\ dua\m, amai amâo ai tiê blu\ hra\m ho\ng êpul nao duah dla\ng ôh, [ia\ hla\m ai tiê adih hơ\k leh mơ\ng ai kyua dơ\ng mâo sang dôk mrâo. “ Leh hmư\ hing lac\,  go\ sang kâo mao anan dưi ru\ mkra brei sang dôk, jih sang hơ\k mơ\ng ai. Sang  mtih kđuh, tôl gơ\ rai leh mơh adiê mđia\ mtrang, êa hjan [rôc\  knap sna\k. Ara\ anei mâo sang mrâo doh siam kơ go\ sang kâo dôk jing m’ak êdi, 2 ung mo# lac\ jak kơ Sang mđung asa\p blu\ Việt Nam nga\ brei sang dôk kơ hmei, leh sang 2 ung mo# hmei sra\ng g^r duh [ơ\ng bi ja\k c\ia\ng rông ba anak nao sang hra\ m’ar, mdrao brei klei rua\ kơ anak, kao m’ak êdi amâo truh lo\ blu\ ôh.”

     Gơ\ amâo ja\k leh asei mlei  êbat hiu dleh dlan, Amai H’Hoa {uôn Krông ti {uôn Bhôk lo\ le\ hla\m klei “djiê ung, anak êr^t”. Ung djiê he\ mơ\ng ưm, anak dôk điêt, `u  sua\i êma\n duah [ơ\ng hiu ma\ brua\ mưn sna\n kơh mâo êsei hua\ djam [ơ\ng, ana\n pưk sang bi lui dôk sang t^ rưc\ yơh. Hla\k hmư\ khua [uôn hưn mthâo sra\ng dưi mâo ru\ mkra brei sang dôk, sna\n ai tiê amai m’ak mơ\ng ai, kyua mơ\ng ara\ anei sra\ng amâo mâo lo\ dôk hla\m klei adiê hjan êa [rôc\, adiê mđia\ yang hruê mtrang hlơr, ang^n thut hla\m yan ê’a\t. Hnêc\ ho\ng yan bhang adiê không, êpul nga\ mkra sang mjêc\ ru\ mkra, amai a\t g^r du\ klo\ [r^k đru mguôp ai nga\ mkra sang mơ\ng pô. Amai H’Hoa lac\:“  Nao nga\ brua\ kâo kno\ng c\ia\ng dja\l jih mmông w^t kơ sang, đru phung dôk nga\ mkra sang bi leh. Sang hđa\p gơ\ jhat rai leh yan hjan sna\n [rôc\, yan bhang le\ [hu\l mtu\k mtu\l hlơr sna\k anak kâo gơ\ amâo thâo p^t ôh, 2 am^ anak knap êdi. Kâo hdơr knga êdi kơ Sang mđung asa\p blu\ Việt Nam, bi mje\ mjing gra\p thu\n ba nnao mnơ\ng kơ anak kâo đa [ê` keo, ara\ anei lo\ brei sang le\ kơ 2 am^ anak hmei, kâo m’ak êdi.”

    {uôn Bhôk ara\ anei mâo 229 go\ êsei ho\ng gia\m 900 c\ô mnuih leh ana\n lu jing mnuih [uôn sang M’Nông. Hla\m du\m thun êgao, kha\gơ\ mâo klei mđing dla\ng duh bi liê mơ\ng Đảng, Knu\k kna leh ana\n brua\ knu\k kna du\m gưl ti alu\ wal, [ia\ truh kơ ara\ anei ênoh go\ êsei [un knap hla\m [uôn a\t truh êbeh 50%. Sui ho\ng anei êbeh 10 thu\n, hluê nga\ hdra\ êlan mtru\n mơ\ng brua\ Đảng c\ar Daklak, [uôn Bhôk mâo 2 anôk brua\ bi mje\ mjing, ana\n jing Knơ\ng brua\ Sang mđung asa\p blu\ Việt Nam dôk jưh ti kr^ng Dap Kngư leh ana\n Sang hra\ Cao đẳng Nghệ thuật c\ar Daklak. Gra\p thu\n, dua anôk brua\ khăng mâo nnao brua\ nao c\ua\ c\hưn êmuh hra\m bi mje\ mjuk, brei mđup mnơ\ng, mtru\t ai tiê mnuih [uôn sang bi mje\ mjing. Mơ\ng ana\n đru mguôp bi mđ^ kja\p ai tiê bi hgu\m mguôp, g^r ga\n hgao klei dleh dlan, kpưn đ^ hla\m klei hd^p. Y’Grô` {uôn Krông, Khua dla\ng brua\ Đảng sa\ Yang Tao, kdriêk La\k lac\:

      “ Đảng, Knu\k kna mâo hdra\ êlan mtru\n jing kah mbha du\m anôk brua\ bi mje\ mjing hriê c\ia\ng đru kơ mnuih [uôn sang djuê [ia\ dul [ia\ klei dleh knap. Wưng êgao, du\m anôk brua\ bi mje\ mjing ho\ng [uôn bi êdah leh brua\ ho\ng hdra\ hla\m du\m hruê kna\m m’ak, tit hat sna\n bi mko\ mjing klei hriê c\ua\ c\hưn brei mđup mnơ\ng mtru\t mđ^ ai tiê, đru mguôp rơ\ng kriê kja\p klei êđa\p ênang hla\m [uôn sang.”

     Hluê si Anôk brua\ iêo lac\ mtru\t mjhar mnuih [uôn sang c\ar Daklak, ara\ anei mâo êbeh 170 anôk brua\, knơ\ng brua\ mơ\ng c\ar leh ana\n Gưl dlông mje\ mjing ho\ng gia\m 150 boh [uôn mnuih [uôn sang djuê [ia\ mơ\ng alu\ wa\l. Du\m anôk brua\ anei mâo leh lu brua\ nga\ s^t êdi, đru kơ du\m boh [uôn mđ^ ai tiê bi hgu\m mguôp, bi h’^t kja\p brua\ klđi c\ar, mđ^ kyar brua\ duh mkra yang [uôn, kriê pioh leh ana\n bi mđ^ lar boh yuôm knhuah dhar kreh mdê hja\n djuê ana. Amâo djo\ kno\ng du\m anôk brua\ nga\ brua\ duh mkra đuic\ ôh, [ia\ wa\t du\m anôk brua\ hra\ m’ar a\t đru mơh kơ anôk anơ\ng kdra\p mnơ\ng yua mơ\ng  du\m klei đru mguôp phung knua\ druh, mnuih nga\ brua\ leh ana\n iêo mguôp mơ\ng du\m phung mai ai tiê kmah thâo pap đa. Bohnik mơ\ng leh Tit Nguyên đán Bính Thân thu\n 2016 truh kơ ara\ anei, Knơ\ng brua\ Sang mđung asa\p blu\ Việt Nam dôk jưh ti kr^ng Dap Kngư po\k nga leh brua\ ru\ mkra 5 boh sang bi kha\p c\ia\ng ma\ mơ\ng phu\n pra\k đru mguôp mơ\ng Knơ\ng brua\ TNHH Duh bi liê Mễ Trì kơ du\m go\ sang [un knap ti [uôn Bhôk, kdriêk La\k jing brua\ nga\ mâo klei yuôm bha\n êdi, Aduôn H’Kim Hoa {uôn Ya\, Khua anôk brua\ iêo lac\ mtru\t mjhar mnuih [uôn sang, brua\ Đảng c\ar Daklak lac\: “ Brua\ đru sang dôk ho\ng du\m go\ êsei amâo mâo ôh sang dôk jing c\ia\ng êdi, gru hmô anei c\ia\ng bi mlar truh kơ dum knơ\ng brua\, anôk brua\. C|ia\ng mâo lu brua\ nga\ pioh đru kơ mnuih [un knap kơ sang dôk. Hla\m du\m thu\n êgao, Sang mđung asa\p blu\ Việt Nam mâo leh lu hdra\ nga\ brua\ hluê si Anôk brua\ iêo lac\ mtru\t mjhar mnuih [uôn sang c\ar mơ\ng thu\n 2004 truh kơ ara\ anei [uh jing ja\k êdi.”

     Hla\m ai êwa kluôm ala mâo lu brua\ nga\ bi hdơr 41 thu\n hruê Mtlaih êngiê kwar Dhu\ng- Hluh mlir la\n c\ar hruê 30/4, mnuih [uôn sang du\m djuê ana ti [uôn Bhôk, sa\ Yang Tao, kdriêk La\k lo\ mâo klei m’ak hja\n pô. Kyua mơ\ng ara\ anei, lo\ mâo 5 go\ sang hla\m [uôn dưi dôk hla\m sang mrâo kja\p siam. Du\m go\ êsei anei lo\ mâo Sang hra\ Cao đẳng Nghệ thuật Daklak brei mđup tivi đ^ dôk sang mrâo. Anei jing du\m mnơ\ng brei mđup bi kha\p c\ia\ng mơ\ng Knơ\ng brua\ Sang mđung asa\p blu\ Việt Nam dôk jưh ti kr^ng wa\l Dap Kngư leh ana\n phung mâo ai tiê thâo pap jing Knơ\ng brua\ TNHH Duh bi liê Mễ Trì m’^t brei kơ mnuih [uôn sang, bi êdah klei hdơr knga leh ana\n bi mguôp ho\ng mnuih [uôn sang du\m djuê ana hla\m da\l pluh du\m thu\n ti kr^ng la\n anei.

                                          H’Nga pô ]ih hlo\ng ra\k.