VOV4.Jarai - Tơdơi kơ rơbêh 5 thun pok pơhai, jơlan hơdră rĭm boh să sa gơnam hơmâo ngă lar hyu kơtang amăng djop plơi pla amăng tơring čar Dak Lak. Truh ră anai, Dak Lak hơmâo tŭ yap 143 gơnam mơng 94 anih anom OCOP mơng 3-4 asar pơtŭ.

VOV4.Jarai – Hăng kual hmâo lu mơnuih ƀôn sang dô̆ lĕ djuai ania K’ho, tơlơi bơwih ƀong tơnap tap, mrô sang anô̆ ƀun rin lu, samơ̆ gơnang kơ pơplih tơlơi pơmin, khin hơtai ngă juăt hăng mă yua bôh thâo amăng bruă bơwih ƀong huă hăng tơlơi hơdip mơda, triăng bơwih ƀong, hrŏm hăng tơlơi lăng ba gum djru, tuh pơplai mơng Ping gah hăng Kơnuk kơna, să Lộc Nam, tơring glông Bảo Lâm hmâo tañ tơtlaih laih mơ̆ng ƀun rin, jing kual lŏn pơdrŏng asah hăng pơđĭ kyar.

VOV4.Jarai - Ră anai, mơng gơnong glông truh pơ ƀon lan glăk ječ ameč ngă tui hơdôm hơdră pơsir hĭ tơnap tap, pơtrut pok pơhai ngă tui 03 jơlan hơdră tui hơnong pơkă dêh čar. Kơnuk kơna ăt hơmâo akŏ pơjing 26 grup mă bruă tơl anih kiăng pơsir hĭ tơnap tap brơi hơdôm boh ƀon lan.

VOV4.Jarai – Ƀơi să Glar, tơring glông Đak Đoa, tơring čar Gia Lai, lu mơnuih ping gah djuai ania ƀiă ba gru hlâo na nao amăng hơdôm bruă bơkơtưn khăp kơ lŏn ia, pơdah pran jua bruă mă thâo gơgrong hăng plơi pla, djru pơđĭ kyar bơwih ƀong mơnuih mơnam hăng pơgang bôh thâo phiăn juăt. Hơdôm tơlơi gum hơgôp mơng gơñu hmâo djru laih să Glar truh akô̆ jơlan hơdră pơdŏng plơi pla phrâo thun 2017 hăng glăk pơdŏng plơi pla phrâo tui hơdôm tơhnal pơkă pơđĭ dlông dong.

VOV4.Jarai – Jơlan hơdră rim să sa gơnam tam (OCOP) hmâo djru yôm phăn laih amăng tơlơi pơđĭ kyar bơwih ƀong kual plơi pla mơng hơdôm anih anom amăng kual Dap Kơdư. Jơlan hơdră ăt lĕ jơlan pơsir yôm phăn pioh hơdôm bôh să ngă giong, pơđĭ tui tơhnal pơkă pơdŏng plơi pla phrâo.

VOV4.Jarai-Tơdơi kơ 5 thun pok pơhai ngă tui tơlơi črâo trun mrô 12-CT/TU, lơ 13/2/2018 mơng Khul apăn bruă Ping gah tơring čar Gia Lai kơtưn git gai mơng djop gưl Ping gah amăng man pơdong plơi pla phrâo ƀơi kual djuai ania ƀiă, djop plơi pla hơmâo tơlơi pơplih kơtang mơ̆ng man pơkra anih anom; truh tơlơi pơmĭn hăng tơlơi hơdip hrưn đĭ.

VOV4.Jarai-Hơdôm thun rơgao, yua kơ đing nao tuh pơ alin mơng Ping gah hăng Kơnuk kơna kơ djop mơta mơng hơdôm jơlan hơdră tui hơnong pơkă dêh čar, hrŏm hăng pran gir hrưn đĭ, pơplih tơlơi pơmĭn, thâo pơplih phun pla, mă yua boh thâo phrâo amăng ngă hmua, tơlơi hơdip amăng djop plơi pla kual ataih, kual mơnuih djuai ania ƀiă ƀơi Lâm Đồng pơđĭ kyar.

VOV4.Jarai - Ƀơi tơring glông Tu Mơ Rông, tơring čar Kon Tum, yua kual lŏn plung kơdư, hmua pơdai anet đôč, anun jing ƀu thâo man pơkra dơnao kŏng ia prong ôh, hăng pran jua ƀu tơguan kơ Kơnuk kơna djru pơkra ôh, neh met wa djuai ania Sêdang amăng tơring glông prăp rơmet, pơkra mă hơdôm pluh ring bruă dơnao kŏng ia anet ba ia glăi pơ hmua.

VOV4.Jarai-Amăng jơnum lok 5, Khua pơ ala mơnuih ƀon sang dêh čar tal 15, Khua ding jum, Khua jơnum min djuai ania Hầu A Lềnh lăi glăi tơlơi tơña hơdôm boh tơhnal bơdjơ̆ nao hơdôm jơlan hơdră tui hơnong pơkă dêh čar (hơmâo man pơdong plơi pla phrâo). Anai lĕ boh tơhnal hơmâo lu mơnuih đing nao, sit biă ñu kual ataih, asuek, kual mơnuih djuai ania.

VOV4.Jarai-Hăng anih yôm biă mă, tơring glông Ngọc Hồi, Kon Tum hơmâo jơlan guai dêh čar sô̆ hăng lŏn ia Lao hang Kur. Rơnuk blah ayăt Mi pơklaih rơngai lŏn ia, kual lŏn tơkuh klâo jơlan guai dêh čar anai sa drơi mơnŭ tơdjô̆ klâo boh dêh čar hmư̆ hrom jing anih anom blah ayăt Mi-ngŭi kơtang tit yua gơñu pơgăn hĭ jơlan amur Hồ Chí Minh.