VOV4.Jarai - Tŏ tui bruă akŏ pơdong plơi pla Đăk Hà jai hrơi pơdrong sah, rơgơi, ană mơnuih Đăk Hà “Gum pơgôp, hơdeč hmar, pơčeh phrâo, jê̆ giăm, thâo djru nao rai”; akŏ pơdong tơring glông Plơi pla prhâo amăng thun 2025 - jing tơlơi pơsit mơ̆ng ƀing khua tơring glông Đăk Hà, tơring čar Kon Tum ƀơi mông ngă lơphet 30 thun Hrơi akŏ pơdong tơring glông (lơ 24/3/1994-24/3/2024) phrâo hơmâo pơphun.

VOV4.Jarai - Thun blan rơgao, tơring glông Buôn Đôn, tơring čar Dak Lăk glăk ngă lu mơta bruă bơwih brơi tuai čuă ngui, amăng anun hơmâo tuai čuă ngui nao lăng đang hmua, plơi pla. Lu hơbô̆ bruă tuai čuă lăng đang hmua hơmâo akŏ pơjing, pơtrut tui boh tŭ yua, jing anih ngă pơhưč ƀing tuai, djru đĭ kyar bơwih ƀong mơ̆ng plơi pla.

VOV4.Jarai - Hơdôm tơlơi gir run hăng lu hơdră djru lŏm lui tơlơi rơmon akŏn rin mơ̆ng tơring čar Dak Nông ba glăi boh than rơdah rơđông. Amăng 20 rơgao, Dak Nông jing sa amăng 10 boh tơring čar hơmâo rơnoh hrŏ trun ƀun rin tañ hloh amăng dêh čar, nao hlâo amăng kual Dap Kơdư.

VOV4.Jarai – Tơring glông Phú Thiện lĕ anih anom hmâo neh wa djuai ania ƀiă lu, hmâo hmua pơdai prong hloh nao hrŏm hăng anăn păn hmư̆ hing braih blung a mơ̆ng tơring čar Gia Lai. Pơphun mơ̆ng Tơlơi pơtrun pơsit 05 – NQ/HU thun 2012 mơ̆ng Ping gah tơring glông Phú Thiện, truh ră anai, tơdơi rơbêh kơ 10 thun pok pơhai pơjing anăn păn braih pơdai, Phú Thiện hmâo laih hơdôm blah hmua pơdai prong, mă yua măi mok phrâo, ba glăi tơlơi hơdip mơda trơi pơđao kơ neh wa djop plơi pla.

VOV4.Jarai - Tơdơi kơ giăm 40 thun ngă bruă pơtô hrăm, thun 2018 lơ̆m pơdơi thun lơtret, ơi Liêng Jrang Ha Tương, plơi Đa Tế, să Dạ M’rông, tơring glông Dam Rông, tơring glông Dam Rông hơmâo plơi pla đăo kơnang, jao bruă ngă Khua grup ping gah plơi. Hăng bruă mă phrâo, pơtrut tui tơlơi grong bruă mơ̆ng mơnuih ping gah, hrăm hăng hla tui tơlơi pơmin, pran jua Hồ Chí Minh, ñu lêng kơ nao hlâo, ngă hlâo, iâu pơthưr mơnuih ƀôn sang, pơphun djŏp bruă či pơđĭ kyar bơwih ƀong huă mơnuih mơnam, akŏ pơdong plơi pla jai hrơi hơdip rơgơi, pơdrong sah.

VOV4.Jarai - Tơlơi gir run hăng hrơi blan pơđĭ kyar djuai pơdai Briêt, Anom ngă ƀong hrŏm Hrŏ trun ƀun rin Ea Súp, tơring čar Dak Lăk glăk pơphun pok pơhai prong hơbô̆ bruă ngă pơdai hơdjă ƀu hơmâo mă yua jrao gun ba glăi nua pơmă.

VOV4.Jarai-Kiăng pơtrut pran mă bruă, pơplông khăp kơ lŏn ia, gir run bơwih ƀong huă, tơdơi kơ hơdôm hrơi pơdơi tê̆t Giáp Thìn, abih bang 10 boh tơring glông, plơi prong amăng tơring čar Kon Tum hơmâo pơphun ha wŏt bruă man pơdong plơi pla phrâo hăng plơi prong hiam klă.

VOV4.Jarai – Mơguah lơ 20/2, Jơnum min mơnuih ƀôn sang tơring glông Ia H’Drai, tơring čar Kon Tum pơphun ngă Lơphet lăi pơthâo tơlơi pơsit tŭ yap să Ia Đal djơ̆ hăng plơi pla phrâo.

VOV4.Jarai-Tơring čar Kon Tum hơmâo năng ai 54% mrô mơnuih ƀôn sang djuai ƀiă, amăng anun 7 djuai ania phun hơđăp kah hăng: Sedang, Jeh-Triêng, Bahnar, Jarai, Brâu, Rơmăm hăng Hrê. Hăng tơlơi ngă tui khut khăt râo pơdưh anŏ gêh găl pioh pơđĭ kyar, tơring čar Kon Tum hơmâo pơblih tui ƀơƀrư̆ akŏ pơjing ming pơkra gơnam sĭ mơdrô kơ tuai hyu ngui, blơi yua mơ̆ng gơnam gru grua hiam đưm djop djuai ania, djru mơnuih ƀôn sang pơhrui glăi ngă hơđong tơlơi hơdip mơda.

VOV4.Jarai – Hăng rơbêh kơ 95% mrô sang anô̆ neh wa djuai ania Bahnar dô̆ hơdip mơda mơ̆ng lu thun hăng anai, plơi Đăk Mông, să Đăk Rong, tơring glông Đăk Đoa, tơring čar Gia Lai lĕ sa amăng hơdôm bôh plơi ƀuh rơđah amăng ngă tui Jơlan hơdră pơkă mơ̆ng lŏn ia gah pơdŏng plơi pla phrâo. Hrŏm hăng gong gai plơi pla, mơnuih ƀôn sang amăng plơi hmâo gir run amăng bruă ngă đang hmua, pơjing rai bôh tơhnal mơ̆ng bruă mă sit nik nao hrŏm hăng rơnăk lu gru grua bôh thâo đưm pioh djru ƀô̆ mơta plơi pla jai hrơi pơplih phrâo, anăp nao sa bôh plơi pla phrâo ngă gru.