VOV4.Jarai - Tơdơi kơ giăm 40 thun ngă bruă pơtô hrăm, thun 2018 lơ̆m pơdơi thun lơtret, ơi Liêng Jrang Ha Tương, plơi Đa Tế, să Dạ M’rông, tơring glông Dam Rông, tơring glông Dam Rông hơmâo plơi pla đăo kơnang, jao bruă ngă Khua grup ping gah plơi. Hăng bruă mă phrâo, pơtrut tui tơlơi grong bruă mơ̆ng mơnuih ping gah, hrăm hăng hla tui tơlơi pơmin, pran jua Hồ Chí Minh, ñu lêng kơ nao hlâo, ngă hlâo, iâu pơthưr mơnuih ƀôn sang, pơphun djŏp bruă či pơđĭ kyar bơwih ƀong huă mơnuih mơnam, akŏ pơdong plơi pla jai hrơi hơdip rơgơi, pơdrong sah.

VOV4.Jarai - Tơlơi gir run hăng hrơi blan pơđĭ kyar djuai pơdai Briêt, Anom ngă ƀong hrŏm Hrŏ trun ƀun rin Ea Súp, tơring čar Dak Lăk glăk pơphun pok pơhai prong hơbô̆ bruă ngă pơdai hơdjă ƀu hơmâo mă yua jrao gun ba glăi nua pơmă.

VOV4.Jarai-Kiăng pơtrut pran mă bruă, pơplông khăp kơ lŏn ia, gir run bơwih ƀong huă, tơdơi kơ hơdôm hrơi pơdơi tê̆t Giáp Thìn, abih bang 10 boh tơring glông, plơi prong amăng tơring čar Kon Tum hơmâo pơphun ha wŏt bruă man pơdong plơi pla phrâo hăng plơi prong hiam klă.

VOV4.Jarai – Mơguah lơ 20/2, Jơnum min mơnuih ƀôn sang tơring glông Ia H’Drai, tơring čar Kon Tum pơphun ngă Lơphet lăi pơthâo tơlơi pơsit tŭ yap să Ia Đal djơ̆ hăng plơi pla phrâo.

VOV4.Jarai-Tơring čar Kon Tum hơmâo năng ai 54% mrô mơnuih ƀôn sang djuai ƀiă, amăng anun 7 djuai ania phun hơđăp kah hăng: Sedang, Jeh-Triêng, Bahnar, Jarai, Brâu, Rơmăm hăng Hrê. Hăng tơlơi ngă tui khut khăt râo pơdưh anŏ gêh găl pioh pơđĭ kyar, tơring čar Kon Tum hơmâo pơblih tui ƀơƀrư̆ akŏ pơjing ming pơkra gơnam sĭ mơdrô kơ tuai hyu ngui, blơi yua mơ̆ng gơnam gru grua hiam đưm djop djuai ania, djru mơnuih ƀôn sang pơhrui glăi ngă hơđong tơlơi hơdip mơda.

VOV4.Jarai – Hăng rơbêh kơ 95% mrô sang anô̆ neh wa djuai ania Bahnar dô̆ hơdip mơda mơ̆ng lu thun hăng anai, plơi Đăk Mông, să Đăk Rong, tơring glông Đăk Đoa, tơring čar Gia Lai lĕ sa amăng hơdôm bôh plơi ƀuh rơđah amăng ngă tui Jơlan hơdră pơkă mơ̆ng lŏn ia gah pơdŏng plơi pla phrâo. Hrŏm hăng gong gai plơi pla, mơnuih ƀôn sang amăng plơi hmâo gir run amăng bruă ngă đang hmua, pơjing rai bôh tơhnal mơ̆ng bruă mă sit nik nao hrŏm hăng rơnăk lu gru grua bôh thâo đưm pioh djru ƀô̆ mơta plơi pla jai hrơi pơplih phrâo, anăp nao sa bôh plơi pla phrâo ngă gru.

VOV4.Jarai-Hơdră dêh čar pơtrun kơ bruă man pơdong plơi pla phrâo, hơmâo ngă gêh găl kơ tơlơi pơblih kơtang biă mă ƀơi lu plơi pla tơring čar Dak Lak. Mơ̆ng bruă ngă anai, ƀô̆ mơta plơi pla phrâo jai hrơi pơblih hiam, mơak, rơguăt hăng pran jua hur har mă bruă djă pioh, pơđĭ tui gru grua hiam đưm jing anŏ đing nao djă pioh ƀơi lu plơi pla lăp dŏ hơdip biă mă amăng kual plơi pla ră anai.

VOV4.Jarai – Ngă gru hrăm tui bruă mă yua hơdră phrâo măi mok laih anun pok pơhai truh mơnuih apăn bruă, mơnuih ping gah hăng mơnuih ƀôn sang hrăm tui, ngă tui. Anun lĕ hơdră mơ̆ mơnuih git gai ping gah, ping gah kual tơnap tap ƀơi Sơn La hmao kiăo tui hăng tơlơi pơplih phrâo bruă măi mok 4.0. Rơgao kơ anun djru ngă brơi hơdôm tơlơi pơtrun pơsit mơ̆ng Ping gah mut amăng tơlơi hơdip mơda, amăng anun hmâo tơlơi pơtrun pơsit kơ pơdŏng plơi pla phrâo. Hơdră anai ƀơi tơring čar Sơn La lăp dưi hrăm tui, pơhư prong biă.

VOV4.Jarai - Guai dêh čar să Ia Nan, tơring glông Đức Cơ, tơring čar Gia Lai jing kual tơnap tap, 100% mrô mơnuih lĕ djuai ania ƀiă. Yua tơlơi bơwih ƀong dŏ tơnap, mơnuih ƀôn sang aka ƀu thâo pơmin anun jing bruă hrăm hră mơ̆ng ƀing čơđai ăt tơnap mơn. Hrơi blan rơgao, djŏp gưl, gong gai, anom bruă biă ñu tơhan pơgang guai hơmâo ngă hrŏm hăng sang hră, ba tơbiă lu hơdră djru ba čơđai sang hră dưi nao hrăm.

VOV4.Jarai-Tŭ mă ba yua boh thâo ia rơgơi phrâo, lu mơnuih ngă hmua djuai ania Yao dŏ ƀơi să Čư̆ Suê, tơring glông Čư̆ Mgar, tơring čar Dak Lak dưi pơblih tui tơlơi pơmin hơdră mă bruă ngă hmua pla pơjing, lir hơbit ngă hrŏm bơwih ƀong, hơduah ĕp anih anom sĭ mơdrô, pơkra ming gơnam sĭ mơdrô hiam klă pioh pơđĭ rơnoh, ba glăi boh tơhnal tŭ yua bơwih ƀong huă.