VOV4.Jarai-Jơlan guai dêh čar glông ataih 292 km sô̆ hăng guai dêh čar Lao, Kur ƀơi tơring čar Kon Tum, hăng tơlơi gir run ƀu pơdơi ôh mơ̆ng gong gai kơnuk kơna, mơnuih ƀôn sang laih anun ƀing khua mua, ling tơhan pơgang guai dêh čar, truh abih thun 2022, hơmâo 6 amăng mrô 13 boh să guai dêh čar tơring čar ngă djơ̆ tơhnal pơkă plơi pla phrâo.

VOV4.Jarai-Rơnuč blan 10 thun 2022 rơgao, ƀrô tal hơdor glăi 35 thun hrơi akŏ pơjing tơring glông Lâm Hà, Jơnum min mơnuih ƀon sang Lâm Đồng hơmâo pơphun mông tŭ mă hră pơsit tơring glông plơi pla phrâo, tŭ mă Miđai mă bruă mrô III. Anai lĕ pơdah tơlơi đing nao mơng Ping gah hăng Kơnuk kơna, pran gum pơgôp, gir run mơng djop djuai ania.

VOV4.Jarai-Ƀơi kual giăm guai tơring glông Dak Mil hăng Čư̆ Jŭt, anih anai lŏn pơtâo, čư̆ čan, khăng khăi rơga ƀu jing mơnong đơi ôh, să Dak Găn arăng lăng kah hăng lŏn khăng khăi sat hloh ƀơi Dak Nông.

VOV4.Jarai - Amăng rơnuk blah ayăt Mi, să Hà Đông, tơring glông Đăk Đoa, tơring čar Gia Lai lĕ kual ngă hơkrŭ. Ngă tui gru grua sông kơtang, mơnuih ƀon sang să Hà Đông tŏ tui hrưn đĭ man pơdong plơi pla phrâo jai hrơi pơđĭ kyar.

VOV4.Jarai - Čơkă thun phrâo 2023 anai, să ƀơi guai dêh čar Ia Mơr, tơring glông Čư̆ Prông, tơring čar Gialai hmâo gôm đĭ laih drơi pô ao phrâo hăng jơlan nao rai, apui lơtrik, sang hră, sang ia jrao dưi tuh pơplai pơkra giong, jai hrơi jai klă hiam hloh.

VOV4.Jarai-Jơnum min mơnuih ƀôn sang Dak Lak jơnum pôr pơthâo hră pơtrun mơ̆ng Khua dêh čar, tŭ yap plơi prong Ƀuôn Ma Thuôt ngă giong tơhnal pơkă man pơdong plơi pla phrâo; tŭ mă Miđai Mă bruă mrô klâo mơ̆ng Khua mir sir.

VOV4.Jarai - Hrơi blan giăm anai, bruă pơphun bruă ƀơi Dak Lak glăk lu dong tơdơi kơ hrơi blan hơdư̆ hĭ yua klin Covid-19.Yua khin hơtai, thâo pơmĭn khin ngă, lu hlăk ai ƀơi Dak Lak lui hĭ tơlơi pơmĭn sô hơđăp kiăng pơphun bruă tui tơlơi thâo thăi. Ƀing gơñu ăt hơmâo pơlir hơbit hăng hơdôm khul grup, kiăng dưi ba gơnam tơbiă hyu djop anih.

VOV4.Jarai-Amăng hơdôm thun giăm anai, tơhan pơgang guai dêh čar tơring čar Dak Lak pok pơhai lu ring bruă, bruă mă djru mơnuih ƀôn sang tŭ yua biă mă hăng hơmâo tơlơi yôm hiam klă. Sa amăng hơdôm bruă anun lĕ, ƀing tơhan akă grăt mơtah pok pơhai ring bruă pơkra jơlan, gong apui lơtrik bơngač plơi pla.

VOV4.Jarai – Nao pơ̆ plơi pla ră anai, jơlan amăng plơi pla kual čư̆ siăng agaih hiam hloh lu biă. Anai ăt lĕ sa amăng hơdôm tơhnal ba tơbiă pơdŏng plơi pla phrâo ƀơi hơdôm bôh plơi pla ră anai ƀơi tơring čar Lào Cai hăng lu anih anom.

VOV4.Jarai-Prô̆ tơdăm prăm dra ƀơi anih plơi pla juăt hrip mơnâo ia kơphê mơ̆ng amĭ pô hna ama pô ming ia kơphê mơñum rĭm mơguah ƀơi tơpur apui, Y Pôt Niê thun tơkeng 1988, ƀôn Kla, să Dray Sap, tơring glông Krông Ana, tơring čar Dak Lak pơmin na nao pơkra ming tơpung kơphê, pơđĭ tui rơnoh sĭ mơdrô djuai phun pla anai.