VOV4.Jarai - Lu thun rơgao, Khul ling tơhan hơđăp plơi prong Ayun Pa, tơring čar Gia Lai ngă tui ba glăi bôh tơhnal bruă “Ling tơhan hơđăp ngă gru hlâo” pơdŏng hăng pơđĭ kyar bơwih ƀong. Hăng pran jua ƀu huĭ kơ tơnap, glêh glar, lu ling tơhan hơđăp jing laih gru ba jơlan hlâo mă bruă ngă đang hmua, pơđĭ kyar bơwih ƀong sang anô̆, lar hyu tơlơi kiăng khăp mă bruă amăng plơi pla.

VOV4.Jarai-Amăng 2 wŏt hrơi tơjuh pơphun bơyan pơdơi prong mơtah ƀơi Dak Lak, hơdôm grup hlăk ai djru mơnuih mơnam hrŏm hăng gong gai ƀon lan hơmâo man pơkra giong hơdôm ring bruă, hơdôm bruă sit nik. Hăng pran jua hur har, hơdeč hmar ba jơlan hlâo, ƀu hŭi glêh tơnap, ƀing hlăk ai hơmâo kơđŏm glăi tơlơi hiam amăng pran jua mơnuih ƀôn sang kual plơi pla ƀơi Dak Lak.

VOV4.Jarai-Hơdôm thun rơgao, tơring glông Ia Grai, tơring čar Gia Lai, pơtum pran jua, mơnuih mă bruă ngă hrŏm jak iâu ană plơi pơyơr lŏn sang đang hmua pioh čuk pơkra jơlan nao rai klă hiam. Anai lĕ tơring glông blung a ƀơi Gia Lai ba bruă jak iâu ană plơi pơyơr lŏn pioh pơkra jơlan čih amăng hră pơtrun mơ̆ng anom bruă ping gah tơring glông laih anun akŏ pơjing khul git gai pơčrâo yôm phara kơ bruă pơyơr lŏn sang đang hmua mơ̆ djơ̆ hĭ anăp čuk pơkra jơlan.

VOV4.Jarai-Ngă tui bruă ngă giang mah hăng hơdôm boh plơi pla djuai ania ƀiă, hơdôm sang bruă, anom bruă amăng tơring čar Dak Lak hơmâo lu bruă mă klă, lăp djơ̆ hăng bruă jao hăng tơlơi dưi mơng anih anom, djơ̆ hăng tơlơi sit nik mơng djop plơi pla. Hơdôm rơtuh sang bruă, khul grup, anom bơwih ƀong sĭ mơdrô ngă giang mah pơgôp prong amăng bruă djru brơi mơnuih ƀôn sang hrưn đĭ tơlơi hơdip mơda. Pơlir hơbit hăng gơgrong amăng bruă hơkrŭ pran gum pơgôp amăng abih bang mơnuih.

VOV4.Jarai-Hơdôm mơta gơnam arăng lui hĭ laih, lu đah kơmơi ƀơi Dak Lak mă yua pioh pơkra ming rai lu mơta gơnam sĭ mơdrô, ĕp prăk pơhrui glăi áng anŏ. Bruă ngă anai dŏ djru hrŏm amăng bruă pơgang ayuh hyiăng anih hơdip jum dar, anăp nao bruă mă pơgang anŏ mơtah mơda.

VOV4.Jarai – Amăng hơdôm thun rơgao, lu bruă bơkơtưn khăp kơ lŏn ia hăng hơdôm bruă pơsur mơ̆ng Jơnum min djop djuai ania mơnuih mơnam Việt Nam hơdôm gưl ƀơi Châu Thành, Sóc Trăng hăng khul ding kơna pok phun, pok pơhai ngă tui bôh tơhnal klă hăng lar hyu dơlăm amăng mơnuih ƀôn sang. Biă ñu, bruă pơtrut kơtang ngă tui pơsur “Abih bang mơnuih ƀôn sang gum hrŏm hơbit pơdŏng plơi pla phrâo, plơi prong thâo rơgơi” hăng jơlan gah “Mă pran mơnuih ƀôn sang bơwih brơi tơlơi hơdip mơda kơ mơnuih ƀôn sang” hmâo djru ngă “pơplih phrâo” ƀô̆ mơta plơi pla hăng plơi prong mơ̆ng tơring glông; tơlơi hơdip mơda gơnam tam hăng pran jua, anô̆ klă tơlơi hơdip mơ̆ng mơnuih ƀôn sang hmâo tơlơi pơplih rơđah.

VOV4.Jarai-Mơguah (3/6), ƀơi Đồng Nai, Kơ-iăng Khua dêh čar ơi Trần Lưu Quang nao pơhmư̆ mông tŭ yap tơring glông Xuân Lộc đĭ plơi pla phrâo tui kru hle thun 2023.

VOV4.Jarai-Mơng hơdôm añăm ƀong jơman rĭm hrơi, gơnam ƀong huă mơng djuai ania Êđê ră anai hơmâo tơnă hơbai hrŏm amăng hơdôm sang ƀong huă ƀơi plơi prong Buôn Ma Thuột, tơring čar Dak Lak, pơhưč lu tuai nao ƀong huă.

VOV4.Jarai - “Pap kơ arăng kar hăng pap drơi pô”, lu mơnuih, khul grup juăt djru mơnuih tơnap ƀơi plơi prong Pleiku, tơring čar Gia Lai pơphun tơnă hơbai brơi đôč asơi huă añăm ƀong kơ mơnuih duam ruă hăng sang anŏ kiăo tui wai tơnap tap, rin rơpa. Bruă ngă hiam anun hơmâo djru ba lu mơnuih rin plai ƀiă tơnap, laih dong bang hyu prong biă bruă gum djru anai amăng mơnuih ƀôn sang či plơi prong Pleiku.

VOV4.Jarai-Ƀơi tơring čar Gia Lai, giăm ha thun laih rơgao, rĭm mơmŏt mlăm, grup gum djru “Glông jơlan rơnuk rơnua” gum tơngan hrŏm pơkra ming, dăp glăi hơdôm ară jơlan răm rai, pơgôp ngă lar hyu bruă hiam klă amăng mơnuih mơnam.