VOV.Jarai - Să Gào ( amăng plơi prong Pleiku hlâo adih) gah Yŭ tơring čar Gia Lai, jing kual lŏn ngă hơkrŭ hmư̆ hing. Pơtrut tui gru kơdrưh kơ-ang anun, ră anai, mơ̆ng sa kual lŏn tơnap tap, să Gào glăk pơplih kơtang biă, hrưn đĭ amăng abih bang bruă, jing kual rơđah bơngač kơ bruă man pơdong plơi pla phrâo hăng đĭ kyar bơwih ƀong huă - mơnuih mơnam.

VOV.Jarai - Hmâo ha tal lĕ kual ngă hơkrŭ đưm H5 gơgrong amăng blah ngă, ră anai să Ea M’droh, tơring čar Dak Lak glăk buh đĭ drơi ƀô̆ mơta phrâo. Hơdôm bôh sang klă hiam rŭ đĭ plah nao rai sang dlông, hơdôm ară jơlan tuh kơsu, jơlan ƀê tông tô nao rai, tơlơi hơdip mơda neh wa jai hrơi jai pơplih phrâo. Bruă pơdŏng plơi pla phrâo glăk ba glăi tơlơi hơdip phrâo kơ plơi pla kual ngă hơkrŭ đưm.

VOV.Jarai-Boh kruăi dŭng klĭ mơtah hăng gơnam đang hmua phara hơjăn kah hăng boh durian (sầu riêng), pơtơi, boh mit mơ̆ng plơi pla djuai ƀiă čư̆ siăng Khánh Hòa hlăk amăng bơyan pĕ boh, adai bơyan gêh găl, djru kơ gơnam OCOP mơ̆ng plơi pla dưi pơtruh brơi ƀing tuai amăng mông hyu ngui mơak čơkă lơ 2/9 Hrơi akŏ pơdong kơnuk kơna lŏn ia.

VOV.Jarai-Ƀơi Gia Lai, lu ƀing hlăk ai ruah mă hơdră pơphun bruă mă mơ̆ng gru gru đưm či plơi pla. Mơ̆ng jơlan hơdră anun, gơñu hơmâo bluh nao jua phrâo kơ rơnoh yom pơmin lĕ či rơngiă hĭ yơh, kiăng pơkra ming gơnam sĭ mơdrô phrâo hăng tơlơi pơmin pơčeh rai gơnam mơ̆ng ia rơgơi tơlơi kơhnâo, djru hrŏm ĕp tơlơi bơwih ƀong huă hơđong kơjăp laih anun kiăng djă pioh gru grua hiam đưm amăng plơi pla. Hơdôm tơlơi gir run sơ̆n pran jua anun, hlăk pơtrut đĭ yua hơmâo jơlan hơdră djru ba sit nik mơ̆ng gong gai kơnuk kơna kual plơi pla, pok jơlan nao phrâo hơmâo lu tơlơi čang rơmang biă mă kơñ pơgi ni anăp.

VOV.Jarai-Tơring čar Dak Lak hlăk pok pơhai kơtang biă mă pơblih yua mrô, lăng anai kah hăng hơdră phun yom pioh pơđĭ tui boh tŭ yua kơ bruă mă amăng kơnuk kơna dua gưl, anăp nao akŏ pơdong bruă mă kơnuk kơna rơgơi phrâo, kơhnâo kơhnăk, bơwih brơi kơ mơnuih ƀôn sang jai hrơi klă hloh. Bruă ba yua boh thâo ia rơgơi mrô amăng plơi pla ƀu kơnong ngă gêh găl brơi kơ git gai wai lăng đôč ôh, dŏ djru mơnuih ƀôn sang tŭ mă boh thâo ia rơgơi tơlơi pơhing hmar hloh, bơwih brơi bruă mă beč bal hloh, tŭ yua sit.

VOV.Jarai - Tha plơi K’Brệp, djuai ania K’Ho ƀơi plơi Kala Kròt, să Bảo Thuận, tơring čar Lâm Đồng ƀu kơnong kơ ba jơlan hlâo amăng bruă ngă đang hmua, ñu dô̆ jing mơnuih rơgơi mơbruă, abih pran jua pơtô glăi bruă mơñam bung bai đưm gah djuai ania K’ho dong. Hrŏm hăng anun, ñu ăt gum hơgôp yôm phăn mơn amăng bruă pơdŏng plơi pla phrâo ƀơi plơi pla.

VOV.Jarai-Kiăng djru kơ ƀing čơđai muai ƀơi kual ataih tơring čar Dak Lak kiăng prăp brơi tơlơi thâo luai ia hăng pơhlom pơgang ƀlung ia, lu bruă mă hrăm gah rơngiao, pơtô hrăm luai ia hơmâo pơphun amăng bơyan pơdơi prong thun anai. Bruă ngă anai ƀu kơnong prăp lui tơlơi thâo thăi pioh kơ ƀing čơđai muai hơmâo mông ngui ngor mơak amăng bơyan pơdơi prong đôč ôh, dŏ pơjing anih hrăm, tơlơi ngui ngor djơ̆ hơdră mơak mơai tŭ yua kơ ƀing čơđai muai.

VOV4.Jarai-Tơdơi kơ rơbêh ha wŏt hrơi tơjuh pok pơhai tơdơi kơ dưm dăp, bruă ngă hră pơ-ar ƀơi hơdôm boh să, phường amăng tơring čar Lâm Đồng hơmâo pơphun hruaih, lăp djơ̆ hăng tơlơi rơkâo djru brơi mơnuih ƀôn sang.

VOV4.Jarai-Djop hơdră tơhnal pơkă mơ̆ng dêh čar pơhrŏ ƀun rin, pơđĭ kyar bơwih ƀong huă mơnuih mơnam kual mơnuih djuai ƀiă hăng čư̆ siăng, akŏ pơdong plơi pla phrâo hlăk pơđĭ kyar tŭ yua klă amăng kual giăm guai dêh čar tơring čar Lâm Đồng, tơring čar Dak Nông hlâo adih. Hăng akŏ bruă tuh pơ alin nao kơ kơčăo bruă phun, yom djru kơ lu plơi pla, să kual ataih, kual djuai ƀiă hrưn đĭ kơtang hloh.

VOV4.Jarai - Hơdôm thun jê̆ hăng anai, tơring čar Dak Nông hơđăp, (gah tơring čar Lâm Đồng phrâo) na nao ba jơlan hlâo kual Dap Kơdư hăng jing sa amăng hơdôm anih anom ba jơlan hlâo amăng đơ đam dêh čar hrŏ trun ƀun rin. Bruă hrŏ trun ƀun rin brơi ƀuh hơdôm bôh tơhnal sit nik mơ̆ng bruă git gai črâo ba truh hơdôm bruă mă mơ̆ng hơdôm khul grŭp ping gah plơi pla, hơdôm grŭp ping gah hăng ƀing mơnuih ping gah ƀơi plơi pla.