VOV.Jarai - Thun 2025 phrâo rơgao, mrô pơkă bơwih brơi mơnuih ƀôn sang hăng anom bơwih ƀong mơ̆ng tơring čar Gia Lai hơmâo 96,63 puang, dong tal 2 ƀơi dêh čar ta, dong amăng grup hơdôm boh tơring bơwih brơi ană plơi klă hloh. Pơgôp amăng tơlơi tŭ yua prong anun, hơdôm tơlơi gum pơgôp rơđah rơđông mơ̆ng gong gai să, phương, anih ƀing apăn bruă kơnuk kơna glăk bơwih brơi neh met wa djuai ania ƀiă abih hơtai boh, pran jua hăng gơgrong bruă hăng ană plơi pla. Lăi nao tơlơi hơmâo sit ƀơi Anom bruă ngă hră să Đăk Đoa, tơring čar Gia Lai, anih hơmâo rơbêh 38% mrô mơnuih djuai ania ƀiă.

VOV.Jarai-Dak Lak lĕ kual lŏn hơmâo lu tơlơi gal ngă hmua hăng lu gơnam đang hmua yôm phara hơmâo pơsit tong anăn apăn sĭ mơdrô. Amăng hơdôm hrơi akŏ thun phrâo, mơnuih ƀôn sang hăng tuai čuă ngui dưi mưn rơđah dong kơ nua gơnam mơng hơdôm gơnam OCOP amăng hơdôm rĭm gơnam pơdă ƀơ kơƀang mơñum če, ba glăi ia ƀâo mơnâo phuang mơng apur. Mơng kơphê, ia hơni, boh troh truh pơ hơdôm asar ƀong jơman, hơdôm gơnam anai djă ba ia ƀâo mơnâo mơng plơi pla, anai lĕ tơlơi kơđŏm glăi yôm phara, pơgôp ba glăi “ia ƀâo hiam bơyan bơnga” ngă jê̆ giăm rah, pơplih phrâo amăng rĭm boh sang anŏ dong.

VOV.Jarai-Mut amăng thun phrâo 2026, bruă lŏm lui ƀun rin, đĭ kyar bơwih ƀong huă ƀơi plơi Dơk Rơng, să Đăk Đoa, tơring čar Gia Lai hơmâo lu tơlơi pơplih rơđah bơngač. Hok mơak hloh lĕ mơnuih ƀôn sang djuai ania Bahnar thâo pơmin hrưn đĭ, pơklaih ƀun rin, kơtưn ngă pơdrong, akŏ pơdong tơlơi hơdip trơi pơđao, yâo mơak. Hăng tơlơi lăp đing nao tuh pơ alin mơ̆ng Ping gah,, Kơnuk kơna, tơlơi gum pơgôp hăng tơlơi gir đĭ kyar bơwih ƀong huă, mơnuih ƀôn sang plơi dơk Rơng glăk hrưn đĭ kơtang hloh.

VOV.Jarai-Yă Nay H’Wer (Djuai ania Jarai) lĕ sa čô mơnuih ba gru hăng gir run, găn rơgao tơnap tap hăng pơđĭ kyar bơwih ƀong huă amăng kual mơnuih djuai ania ƀiă ƀơi tơring čar Gia Lai, rơkơi ñu rơngiă sui laih, hajăn ñu rông 5 čô ană bă hrăm hră truh prong giong mơnuih, ƀu djơ̆ kơnong hrưn đĭ jing mơnuih ngă hmua rơgơi gưl tơring čar đôč ôh mơ̆ ñu ăt gir run mut hrŏm amăng hơdôm bruă mă amăng plơi pla, pơyơr lŏn pơkra jơlan, pơgôp amăng bruă man pơdong plơi pla phrâo. Tơlơi hơdip hăng bruă bơwih ƀong mơng yă Nay H’Wer ngă lar hyu pran gir run, tơlơi thâo thăi hăng tơlơi djru ba ană plơi pla, pơgôp ngă pơplih ƀô̆ mơta plơi pla.

VOV.Jarai-Hơdôm hrơi rơgao, ƀing hơdôm anih pơkra, sĭ mơdrô gơnam đang hmua amăng tơring čar Dak Lak glăk pơtrut ječ ameč bruă pơkra gơnam, pơplih hruh anung, pơhlôm gơnam sĭ mơdrô brơi lu mơnuih kiăngh blơi yua. Sit biă ñu lĕ ƀơi kual Ngŏ tơring čar, mah bơdjơ̆ nao kơtang yua hơjan ia dăo, lu anih anom, sit biă ñu lĕ ƀơi hơdôm anih pơkra gơnam OCOP, hơmâo ječ ameč rŭ glăi pơkra gơnam pơhlôm gơnam sĭ lu amăng bơyan ƀong tết anai.

VOV.Jarai-Tơdơi kơ jơnum ruah khua ping gah dêh čar tal XIV, pran jua mă bruă pơblih phrâo, tơlơi kiăng mă bruă pơyơr drơi pô pioh pơtrut kơtang amăng khul hlăk ai djuai ƀiă tơring čar Lâm Đồng hăng Dak Lak. Ƀing hlăk ai djuai ania Bơnông hur har ngă bruă djă pioh gru ama grua amĭ, laih anun jing ƀing hlăk ai anai kơsung nao hlâo pơkơtưn mă bruă amăng kual plơi pla.

VOV.Jarai-Ngă tui jơlan hơdră, hră pơtrun mơ̆ng Ding jum kơđi čar brơi man pơdong sang hră đôm lăm ƀơi djop să guai dêh čar ƀơi kơdư hang mơ̆ng thun 2025-2026, tơring čar Dak Lak dưi hơmâo gơnong dlông djru  389 klai prăk tuh pơ alin man pơdong 3 boh sang hră đôm lăm ƀơi hơdôm să Ƀuôn Đôn, Ia Lôp hăng Ia Rơvê. Tơdơi kơ 3 blan man pơdong, lu sang bruă pô man pơdong ngă giong 1/3 rơwang bruă laih. Jơnum min mơnuih ƀôn sang tơring čar Dak Lak hlăk git gai pô sang bruă tuh pơ alin, anom bruă man pơdong hăng djop să, plơi pla pơtrut hmar hloh bruă man pơdong, kiăng gir run ngă giong hăng jao glăi ring bruă mă yua amăng blan 8 thun anai.

VOV.Jarai - Mơ̆ng đưm laih, phun pơđung hơdip pơ kual lŏn čuah ƀơi thôn 7, să Hàm Thuận, tơring čar Lâm Đồng. Anai ăt jing djuai phun ƀuh tơlơi pơplih mơ̆ng kual lŏn anai, jing phun pơ ala brơi pran jua gir kơtir, găn rơgao tơnap tap mơ̆ng neh met wa pơ anai. Bruă rông mơnŭ gah yŭ phun pơđung mơ̆ng ayong Lê Văn Thuận, să Hàm Thuận, tơring čar Lâm Đồng glăk tŭ yua, hơmâo prăk lu hloh mơn.

VOV.Jarai - Mơ̆ng hơdôm blah đang pla añăm mă yua boh thâo phrâo, truh kơ hơbô̆ bruă pơtruh pơkra gơnam, jơlan hơdră man pơdong plơi pla phrâo hơmâo ngă hăng glăk pơplih rơđah biă ƀô̆ adung mơta plơi pla añăm Đơn Dương (tơring glông Đơn Dương hơđăp), tơring čar Lâm Đồng. Mơnuih ƀôn sang yơh sit jing pô yom hloh amăng mông đĭ kyar, ƀơ ƀrư̆ ba bruă ngă hmua mut tui ruăi đĭ kyar nua gơnam, pơđĭ tui prăk pơhrui hăng hơdip jơnap hloh.

VOV.Jarai - Thun 2025, amăng hrơi mông tơlơi bơwih ƀong dŏ hơmâo lu tơlơi tơnap, tuai čuă ngui Khánh Hòa ăt dŏ đĭ kyar hơđong mơn, pơƀuh tơlơi gơgrong bruă jing gong tơmeh phun mơ̆ng tơlơi bơwih ƀong pơ tơring čar anai. Mut amăng thun 2026, anom bruă čơkă tuai hyu ngui tơring čar glăk prăp rơmet hơdôm tơlơi klă hloh, gêh găl hloh, kjăp bruă čơkă tuai hyu ngui amăng hrơi mông mơak mơai, rơnuk rơnua hăng klă hloh.