VOV.Jarai-Să Đăk Pxi, tơring čar Quảng Ngãi, hơmâo akŏ pơdong yua hơmâo pơmut hơdôm boh să Đăk Pxi hăng să Đăk Long (tơring glông Đăk Hà, tơring čar Kon Tum hơđăp). Pơ anai lĕ kual ataih yaih, să hơmâo giăm 90% mrô mơnuih djuai ania ƀiă, hăng 10 boh plơi tơnap tap biă mă. Khă hnun, hăng tơlơi tuh pơ alin abih bang mơ̆ng Kơnuk kơna, tơlơi gum djru ha pran jua mơ̆ng mơnuih ƀôn sang, tơdơi kơ pơmut hrŏm anom bruă kơnuk kơna, akŏ pơdong gong gai bơwih brơi mơnuih ƀôn sang, Đăk Pxi glăk kjăp tơkai mut amăng rơwang thun pơđĭ kyar phrâo.

VOV.Jarai-Plơi gru grua đưm djuai ania K’Ho anăn plơi Klong Trao 1, să Di Linh, tơring čar Lâm Đồng, dưi pơphun mă bruă, mă yua glăi hăng anăn bruă phrâo mơ̆ng blan 9 thun hlâo, rơnoh prăk tuh pơ alin man pơdong lĕ 12 klai prăk. Anai jing ring bruă djă pioh gru grua hiam đưm amăng Kơčăo bruă 6 Jơlan hơdră dêh čar pơkă brơi djă pioh hăng pơđĭ tui rơnoh yom gru grua hiam djuai ƀiă lir hơbit hăng pơđĭ kyar bruă tuai čuă ngui hơđong kơjăp ƀơi tơring čar Lâm Đồng.

VOV.Jarai-Tơring čar Quảng Ngãi, kual lŏn gru grua ngă hơkrŭ, anai lĕ anih hơđŏm glăi hơdôm tơlơi dưi prong amăng 2 rơnuk blah wang. Găn rơgao 50 thun, mơng kual lŏn ngă hơkrŭ ƀơi Ba Tơ truh pơ kual blah wang kơtang hloh Vạn Tường, kual lŏn hing ang sông kơtang anai glăk pơplih ƀô̆ mơta phrâo.

VOV.Jarai-Yang hrơi lê̆, hơdôm boh plơi pla ƀơi kual giăm guai gah yŭ tơring čar Gia Lai bang rơđah bơngač mơng hơdôm apui kơđen pil hrĭp pơ-iă yang hrơi yua Binh đoàn 15 dưm truă amăng jơlan hơdră “Bơngač rơđah amăng plơi pla”. Hơdôm boh apui kơđen anai ƀu djơ̆ kơnong ba glăi tơlơi hok mơ-ak, pơhlôm tơlơi hơdip hơđong brơi mơnuih ƀôn sang đôč ôh mơ̆ ăt pơgôp ngă pơlir pran khăp pap tơhan-mơnuih ƀôn sang, pơgôp pơjing pran mut hrŏm wai pơgang rơnuk rơnua ƀơi kual giăm guai lŏn ia.

VOV.Jarai - Să Gào ( amăng plơi prong Pleiku hlâo adih) gah Yŭ tơring čar Gia Lai, jing kual lŏn ngă hơkrŭ hmư̆ hing. Pơtrut tui gru kơdrưh kơ-ang anun, ră anai, mơ̆ng sa kual lŏn tơnap tap, să Gào glăk pơplih kơtang biă, hrưn đĭ amăng abih bang bruă, jing kual rơđah bơngač kơ bruă man pơdong plơi pla phrâo hăng đĭ kyar bơwih ƀong huă - mơnuih mơnam.

VOV.Jarai - Hmâo ha tal lĕ kual ngă hơkrŭ đưm H5 gơgrong amăng blah ngă, ră anai să Ea M’droh, tơring čar Dak Lak glăk buh đĭ drơi ƀô̆ mơta phrâo. Hơdôm bôh sang klă hiam rŭ đĭ plah nao rai sang dlông, hơdôm ară jơlan tuh kơsu, jơlan ƀê tông tô nao rai, tơlơi hơdip mơda neh wa jai hrơi jai pơplih phrâo. Bruă pơdŏng plơi pla phrâo glăk ba glăi tơlơi hơdip phrâo kơ plơi pla kual ngă hơkrŭ đưm.

VOV.Jarai-Boh kruăi dŭng klĭ mơtah hăng gơnam đang hmua phara hơjăn kah hăng boh durian (sầu riêng), pơtơi, boh mit mơ̆ng plơi pla djuai ƀiă čư̆ siăng Khánh Hòa hlăk amăng bơyan pĕ boh, adai bơyan gêh găl, djru kơ gơnam OCOP mơ̆ng plơi pla dưi pơtruh brơi ƀing tuai amăng mông hyu ngui mơak čơkă lơ 2/9 Hrơi akŏ pơdong kơnuk kơna lŏn ia.

VOV.Jarai-Ƀơi Gia Lai, lu ƀing hlăk ai ruah mă hơdră pơphun bruă mă mơ̆ng gru gru đưm či plơi pla. Mơ̆ng jơlan hơdră anun, gơñu hơmâo bluh nao jua phrâo kơ rơnoh yom pơmin lĕ či rơngiă hĭ yơh, kiăng pơkra ming gơnam sĭ mơdrô phrâo hăng tơlơi pơmin pơčeh rai gơnam mơ̆ng ia rơgơi tơlơi kơhnâo, djru hrŏm ĕp tơlơi bơwih ƀong huă hơđong kơjăp laih anun kiăng djă pioh gru grua hiam đưm amăng plơi pla. Hơdôm tơlơi gir run sơ̆n pran jua anun, hlăk pơtrut đĭ yua hơmâo jơlan hơdră djru ba sit nik mơ̆ng gong gai kơnuk kơna kual plơi pla, pok jơlan nao phrâo hơmâo lu tơlơi čang rơmang biă mă kơñ pơgi ni anăp.

VOV.Jarai-Tơring čar Dak Lak hlăk pok pơhai kơtang biă mă pơblih yua mrô, lăng anai kah hăng hơdră phun yom pioh pơđĭ tui boh tŭ yua kơ bruă mă amăng kơnuk kơna dua gưl, anăp nao akŏ pơdong bruă mă kơnuk kơna rơgơi phrâo, kơhnâo kơhnăk, bơwih brơi kơ mơnuih ƀôn sang jai hrơi klă hloh. Bruă ba yua boh thâo ia rơgơi mrô amăng plơi pla ƀu kơnong ngă gêh găl brơi kơ git gai wai lăng đôč ôh, dŏ djru mơnuih ƀôn sang tŭ mă boh thâo ia rơgơi tơlơi pơhing hmar hloh, bơwih brơi bruă mă beč bal hloh, tŭ yua sit.

VOV.Jarai - Tha plơi K’Brệp, djuai ania K’Ho ƀơi plơi Kala Kròt, să Bảo Thuận, tơring čar Lâm Đồng ƀu kơnong kơ ba jơlan hlâo amăng bruă ngă đang hmua, ñu dô̆ jing mơnuih rơgơi mơbruă, abih pran jua pơtô glăi bruă mơñam bung bai đưm gah djuai ania K’ho dong. Hrŏm hăng anun, ñu ăt gum hơgôp yôm phăn mơn amăng bruă pơdŏng plơi pla phrâo ƀơi plơi pla.