VOV4.Jarai - Dap Kơdư, kual lŏn drŏt hăng gru grua bôh thâo đưm lu mơta hăng glai klô sing sang, jing anih anom tum pơƀut gơnam mă mơ̆ng đang hmua phara ha jăn. Rim gơnam leng kơ dưi hmâo mơnuih ƀôn sang ruah mă, pioh mut abih pran jua pô, pơjing rai hơdôm gơnam tŭ yap OCOP. Gơnam OCOP Dap Kơdư ƀu kơnong kơ tơlơi ư-ang mơ̆ng mơnuih ƀôn sang ƀơi anai ôh mơ̆, dô̆ jing jơlan tô nao rai, ba mơngưi mơ̆ng gơnam Việt Nam nao pơ̆ tač rơngiao dong.

VOV4.Jarai-Thun anai, hơdôm rơbâo boh sang anŏ ƀun rin ƀơi kual Dap kơdư hơmâo sa bơyan čơkă thun phrâo yôm phăn, pơđao pran jua, yua hơmâo tơlơi gum djru mơng mơnuih mơnam hăng tơlơi đing nao mơng gong gai ƀon lan. Hơdôm boh sang phrâo man pơdong, hơdôm gơnam ƀơk bơyan Tết yôm phăn ƀu djơ̆ kơnong djru brơi ƀing gơñu dưi čuă thun phrâo pơđao pran jua đôč ôh mơ̆ ăt ba glăi tơlơi čang rơmang tơlơi hơdip kơñ pơgi hiam klă ƀiă.

VOV4.Jarai - Lơm hrŏ trun ƀun rin ƀơi 2 bôh să Mường Hoong, Ngọk Ling – ƀun rin hloh tơring čar Kon Tum brơi ƀuh laih bôh nik amăng pok pơhai tơlơi pơtrun pơsit mơ̆ng Ping gah, tơlơi črâo ba mơ̆ng Ping gah dêh čar amăng bruă hrŏ trun ƀun rin. Tơlơi mă bruă khut khăt hơdôm gưl ping gah, gong gai plơi pla, djru pơplih tơlơi pơmin, hơdră ngă mơ̆ng mơnuih ƀôn sang, hrŏm hăng anun lĕ hơdôm bôh than hyuh hyiăng lŏn adai gal hmâo pơtrut laih bruă hrŏ trun ƀun rin ƀơi anai truh kih rơgao kơ rơnoh čang rơmang.

VOV4.Jarai - Plơi Vi Rơ Ngheo, să Đăk Tăng lĕ sa anih anom bơngač pơdŏng plơi pla phrâo amăng krah kual dơlăm mơ̆ng tơring glông Kon Plông, tơring čar Kon Tum. Hăng pô ba jơlan hlâo A Hiền, 63 bôh sang anô̆ amăng plơi hmâo pơplih laih hơdôm tơlơi ƀu dưi jing dưi pioh pơplih drơi pô hăng jing pran ngă pơhưč pơčeh phrâo amăng pơdŏng plơi pla phrâo ƀơi kual djuai ania ƀiă tơring čar Kon Tum.

VOV4.Jarai-Jơlan hơdră tơhnal pơkă mơ̆ng dêh čar pơtrut bơwih ƀong huă mơnuih mơnam kual djuai ƀiă hăng čư̆ siăng iâu klah čun hơdră mrô 1719, dưi pok pơhai ƀơi Gia Lai tui hăng tơlơi git gai mơ̆ng jơlan hơdră mrô 29 mơ̆ng anom bruă ping gah tơring čar, hăng tơhnal pơkă phun lĕ pơsir hơdôm tơlơi či kiăng ječ ameč hloh amăng kual plơi pla mơnuih djuai ƀiă. Hơmâo tơlơi git gai, anăp ngă bruă mơ̆ng djop anom bruă ping gah, jơlan hơdră anai ƀu kơnong ba glăi tơlơi pơblih phrâo hiam klă đôč ôh, dŏ pơdah thâo tơlơi gơgrong ba yom mơ̆ng djop sang bruă, khul grup ping gah pơtrut pơblih phrâo hăng pơđĭ kyar.

VOV4.Jarai - Kual neh wa djuai ania ƀiă ƀơi Bình Thuận hmâo lu gơnam djơ̆ hăng anăn OCOP 3 asar bôh pơtŭ. Tết tui phiăn juăt Ất Tỵ 2025 glăk či truh laih, ăt jing hơdôm hrơi đing nao pơkra rai gơnam tam pioh kơ tal Tết, amăng anun hmâo gơnam pơkra mơ̆ng lŏn Čăm Sơn Hòa ƀơi să Phan Hiệp hăng añăm rơmô čơhmu ha pơ-iă ƀơi să Phan Hòa, tơring glông Bắc Bình, tơring čar Bình Thuận.

VOV4.Jarai - Tơlơi pơtrun pơsit Jơnum Khua pơ ala đơ đam dêh čar tal 13 mơ̆ng Ping gah ba tơbiă tơhnal hrŏ trun sang anô̆ ƀun rin đơ đam dêh čar ƀơi rơnoh 1%-1,5% hăng hrưn đĭ truh thun 2030 phun ñu ƀu dô̆ sang anô̆ ƀun rin, să tơnap tap. Ba tơlơi pơtrut pơsit mơ̆ng Ping gah mă yua amăng bôh nik ñu, ƀơi tơring čar Kon Tum, bruă hrŏ trun ƀun rin dưi pok pơhai khut khăt mơ̆ng akô̆ rơwang bruă mơtăm, mă 2 bôh să Mường Hoong hăng Ngọk Linh (tơring glông Đăk Glei) lĕ să ƀun rin hloh tơring čar ngă pơphô hlâo. Mơ̆ng hơdră bruă djơ̆, mơnuih apăn bruă pơphun ngă hăng pran jua gơgrong mơ̆ng mơnuih ping gah, 2 bôh să ƀun rin hloh tơring čar Kon Tum - mơ̆ng mrô sang anô̆ ƀun rin rơbêh kơ 70%, ƀu kơnong kơ tơtlaih mơ̆ng ƀun rin đô̆č ôh mơ̆ mơnuih ƀôn sang dô̆ hrưn đĭ ngă pơdrŏng dong.

VOV4.Jarai - Hăng bruă mă rơđah pơplih phrâo hơdră “3 agaih” lĕ sang agaih, gah anăp sang agaih, pur gŏ agaih jing hơdôm bruă mă rơđah, đah kơmơi Dak Lak glăk djru klă ngă tui hơdôm tơhnal pơkă kơ anih anom dô̆ hăng pơhlôm gơnam ƀong huă, gum tơngan hrŏm gong gai plơi pla pơdŏng plơi pla phrâo.

VOV4.Jarai - Hơdôm thun rơgao, Khul ling tơhan hơđăp tơring glông Đak Đoa, tơring čar Gia Lai hmâo pok pơhai ngă tui lu hơdră ngă đang hmua, bruă pơphun bơkơtưn sit nik, kah hăng: “Ling tơhan hơđăp ba gru hlâo”, “Ling tơhan djru nao rai tơdruă hrŏ trun ƀun rin, bơwih ƀong huă rơgơi”… Rơgao kơ anun, hmâo lu mơnuih ba gru hlâo amăng plơi pla, ƀu kơnong kơ djru pơđĭ kyar bơwih ƀong mơnuih mơnam ƀơi plơi pla ôh mơ̆ dô̆ pơtô pơhrăm phiăn juăt ngă hơkrŭ kơ rơnuk hlăk ai hrăm tui dong.

VOV4.Jarai-Hơdră man pơdong plơi pla phrâo hơmâo ba glăi boh tơhnal tŭ yua hiam klă ƀơi tơring čar Dak Nông hăng hơdôm kual plơi pla pơblih phrâo hiam. Djop gưl, djop anom bruă amăng tơring čar hlăk gir run kiăng tañ ngă giong tơhnal pơkă mơ̆ng thun 2021-2025, pơjing pran kơtang brơi mơnuih ƀôn sang amăng kual plơi pla pơđĭ kyar na nao hơdôm thun tŏ tui.