VOV4.K’ho - Nam 2016 lài do là nam geh bơyai lơh broă broă kuơ màng, bơta tòm ngan là pơrjum dờng Đảng dơ\ 12, te\ khà kuang bàng Quốc hội mờ kuang bàng HĐND ală kơnă tơngai bơh nam 2016 tus 2021, lơh jăt Nghị quyết pơrjum dờng Đảng kung bè tơn jơh tơngai lơh broă bơh nam 2011 tus 2016, lơh jăt broă kuang bàng Dà lơgar ală kơnă. Quốc hội kung neh geh broă tam gơl pa pràn, dơ\ sơnrờp bơyai lơh tus 3 dơ\ pơrjum, tơl^k uă nùs nhơm geh kơnòl pơgồp bal mờ anih lơh broă geh gơnoar lơh jăt khà broă dờng màng ngan, lời wơl bơta niam geh pơnrơ ngan tàm nam pa do. Tàm dơ\ tìp măt ală anih lơh broă sră [ăo di satềp Đinh Dậu, Tổng thư ký Quốc hội Nguyễn Hạnh Phúc neh yal wơl 10 bơta niam geh pơnrơ ngan tàm broă bơyai lơh bal mờ broă lơh Quốc hội dê tàm nam 2016.

1. Bơyai lơh geh cồng nha dơ\ te\ khà kuang bàng Quốc hội mờ kuang bàng HĐND ală kơnă tơngai bơh nam 2016 tus 2021 kờ` lơh tơngu me lơh jăt broă kuang bàng Dà lơgar tàm tơngai lơh broă pa.

2. Bơyai lơh tơnkah 70 nam ngai te\ khà sơnrờp ngan ngai (06/1/1946-06/1/2016).

3. Dơ\ sơnrờp Quốc hội lơgar he geh cau ùr lơh Chủ tịch Quốc hội, bơh tu\ hơ\ tơl^k broă lơh di pal tàm broă lơh ring bal cau klao mờ cau ùr, tơnguh gơnoar, bơta pràn, đơng lam, sền gàr dà lơgar cau ùr dê.

4. Dơ\ sơnrờp, tơnơ\ mờ tu\ geh pồ, ală kuang bàng lam bồ ală anih lơh broă Dà lơgar lơh jăt nền nòn broă yal guh at gơnoar tàm Quốc hội jăt kơrnoăt bơh Hiếp pháp nam 2013 dê, tàm hơ\ geh Chủ tịch lơgar, Chủ tịch uốc hội, Thủ tướng Chính phủ mờ Chánh án TANDTC.

5. Dơ\ sơnrờp Quốc hội tơl^k ală rơndăp broă di mơ tơngai geh nùs nhơm tơrgùm bal bè priă jền mờ bơcri priă, geh broă pơgồp bal nền nòn geh bal tàm tơngai ờ jo\, di mơ mờ jo\ tơngai.

6. Quốc hội bơyai lơh sền gròi dờng màng “Bè broă lơh jăt khà dà lơgar bơ\t bơtàu [òn lơgar pa tơngai bơh nam 2010 tus 2015, pơgồp bal mờ bơ\t bơtàu wơl broă lơh sa suơn sre”.

7. Quốc hội pơn jăt tai tam gơl pa, rơhời tam gơl bơh Quốc hội cri bơyai tus Quốc hội tàm kơndang mờ broă ală kuang bàng gơtùi pờ phan tàm kơn dang, cri bơyai tơn.

8. Dơ\ sơnrờp Chủ tịch Quốc hội lơgar Việt Nam tus bal pơrjum dờng ală cau ùr Chủ tịch Quốc hội dunia.

9. Nam 2016 là nam sơnrờp Tổng Thư ký Quốc hội, Ban thư ký lơh broă jăt kơrnoăt pa.

10. Tam gơl 63 Văn phòng mpồl kuang bàng Quốc hội càr, [òn dờng bơh Văn phòng mpồl kuang bàng Quốc hội mờ HĐND càr, [òn dờng rê Văn phòng Quốc hội.

Kung tàm dơ\ tìp măt, Tổng Thư ký Quốc hội ồng Nguyễn Hạnh Phúc neh đơs loh: “Gơtùi go\ tàm 10 bơta niam tàm broă bơyai lơh mờ lơh broă Quốc hội dê tàm nam 2016 ndrờm geh broă tus bal bơh ală anih lơh broă sră [ăo. Sră [ăo mùl màl gơs là gah lơh broă kuơ màng bơh Quốc hội mờ cau te\ khà, ai tơl^k broă yal tơng^t mờ pơgồp bal 2 đah bơh cau te\ khà mờ Quốc hội”. Ồng Nguyễn Hạnh Phúc đơs tòm mờ kơ\p kờ` geh pơn jăt tai dờp geh broă dong kờl mờ lơh broă bal bơh sră [ăo dê.

    Cau cih mờ yal tơng^t Ndong Brawl