VOV4.K’ho - Poh lài, tàm càr Gia Lai neh bơyai lơh pơrjum tơn jơh 10 nam lơh jăt pang sră lơh ngan bơh kra [òn ală jơi bơtiàn kòn cau Tây Nguyên. Pơrjum geh mpồl cau dờng sơnam lơgar Việt Nam pơgồp bal mờ Bộ Quốc phòng, Bộ kuang àng, Uỷ ban Dân tộc, càr Gia Lai bơyai lơh. Tus pơrjum geh 224 nă kra [òn geh pơnrơ jăk ală jơi bơtiàn kòn cau tàm Tây Nguyên, ală cau jăk chài bơh brê bơnơm Tây Nguyên neh geh cồng nha jăk chài tàm broă lơh jăt pang sră lơh ngan.

Tus pơrjum mờ geh jơnau đơs tàm pơrjum, Chủ tịch Quốc hội mò Nguyễn Thị Kim Ngân neh dờp mờ đơs niam ală broă pơgồp bal dờng màng bơh làng bol ală jơi bơtiàn kòn cau Tây Nguyên, tàm hơ\ geh gơnoar kuơ màng bơh ală kra [òn tàm broă tơnguh bơtàu lơh sa ală càr Tây Nguyên đơs is mờ gùt lơgar đơs bal.

Pang sră lơh ngan geh 5 tơngu me, tàm hơ\ geh: Bơ\t bơtàu mờ tơnguh nùs nhơm pin dờn mờ Đảng, mờ Bác Hồ bal mờ Dà lơgar; tơnguh nùs nhơm tam klăc bal, tus bal lam sồr làng bol bơ\t bơtàu mờ sền gàr Dà lơgar; lam sồr, ngui broă gơguh jăk khoa học tàm broă lơh sa, gàr niam mờ tơnguh bơta niam chài rơgơi kòn cau; tơnguh jơnau g^t wă, rơcang lài, tam dră mờ ală mpồl pơrlơ\ dră; tơnguh gơnoar cau dờng sơnam.

Chủ tịch Quốc hội mò Nguyễn Thị Kim Ngân pà phan ală kra [òn in

Tàm 10 nam lơh jăt pang sră lơh ngan, ală kra [òn neh tus bal lam sồr làng bol ală kòn cau kis tàm ală càr Tây Nguyên prăp gàr mờ tơnguh bơta niam chài rơgơi kòn cau, prăp gàr bơta chài rơgơi cing mồng, ba` tăc lơh roh phan lời wơl chài rơgơi niam krơi is; mờ tus bal bơto đơs dà yoan ai oh kòn kòn cau mờ gàr ù tiah, sền gàr brê; sền gàr bơta lơngăp lơngai dà lơgar, bơ\t bơtàu nùs nhơm tam klăc bal gùt jơi bơtiàn kòn cau, tơnguh jơnau g^t wă tàm broă lơh jăt gùng dà broă lơh bơh Đảng, adăt boh lam bơh dà lơgar, tàm hơ\ uă ngan là broă lơh đah mặt trận, broă lơh kòn cau.

Mò Ksor H’ Lâm, kis tàm tiah nhàr dà lơgar [òn Krông, xã Ia Mơr, kơnhoàl Cư\ Prông, càr Gia Lai là cau ùr lơh kra [òn ờ hoan geh ngan tàm ù tiah Tây Nguyên do. Mò kra [òn geh uă ngan nùs nhơm niam, mờ jơnau g^t wă bal mờ bơngă pin dờn bơh să tòm neh geh làng bol pin dờn, sơlèt uă ngan mờ g^t nđờ bơhiàn ờ niam kờ` lơh cau lam bồ [òn lơgar. Boh bơr mờ bol a`, mò kra [òn Ksor H’ Lâm yal ngan bè ală kal ke bơh să tòm:

-Kal ke lài ngan là bè hìu nhă. He là cau ùr den pal rơcang tru\ piang, gơm biăp, bơngàn glo\ glah tàm hìu nhă. Lòt lam sồr uă tu\ kung go\ kal ke. Dùl bơnah là tài să jan tai, jê kồ jơng kồ tê den tàng broă lòt rê kal ke ngan. Ală broă gam lơh ngan mờ rơndăp săp sèng broă hìu nhă tai. Tu\ gơbàn kòp tê jê să den ơm b^c. Tu\ pràn gơtùi lòt rê den geh jơnau lơi hơ\ sồng he tus, he bơsong mờ mblàng làng bol in g^t.

Ồng kra [òn Krung Dam Veo, kis tàm thị trấn Đăk Đoa, kơnhoàl Đăk Đoa, càr Gia Lai den đơs là, kờ` lơh jăk pang sră do, kra [òn pal geh nùs nhơm niam mờ làng bol, sền gròi tus mờ bơta pràn kơl dang să jan cau dờng sơnam, bơto bơtê oh kòn kòn sao, gàr niam bơta lơngăp lơngai ờ do ờ dă [òn lơgar. Mờ kra [òn Krung Dam Veo, broă kal ke ngan là broă tơnguh bơtàu lơh sa, lam sồr ngui bơta gơguh jăk khoa học tàm broă lơh sa:

-Kal ke ngan là tơn jơh jơgloh tơmù rơ[ah, tơnguh bơtàu [òn lơgar, bơsong tơl broă, bơsong dùl dơ\ ờ jai, geh bơta niam làng bol tàm ală tiah, ală xã krơi is pal geh broă pơgồp bal, geh broă đơng lam nền nòn bơh Đảng, broă lơh bal bơh ală mpồl tàm hơ\ geh cau dờng sơnam pal lam lài, bơta pràn gam tai lời lơh jơh.

Tus pơrjum, ala măt kuang bàng đơng lam Đảng, Dà lơgar, Chủ tịch Quốc hội mò Nguyễn Thị Kim Ngân neh dờp mờ đơs niam ală broă pơgồp bal kuơ màng bơh làng bol ală jơi bơtiàn kòn cau Tây Nguyên dê, tàm hơ\ geh gơnoar kuơ màng bơh ală kra [òn tàm broă tơnguh bơtàu lơh sa mpồl bơtiàn ală càr Tây Nguyên đơs is mờ gùt lơgar đơs bal.

Kờ` pơn jăt tai lơh ngan geh cồng nha uă rơlao tàm broă tam klăc bal mờ tơnguh bơtàu Tây Nguyên, Chủ tịch Quốc hội kơ\p kờ`, ală kra [òn bal mờ cau dờng sơnam tàm Tây Nguyên pơn jăt tai bơto bơtê oh kòn kòn sao, lam sồr làng bol ală jơi bơtiàn kòn cau tàm Tây Nguyên lơh jăt gùng dà, broă lơh bơh Đảng, adăt boh lam bơh Dà lơgar:

-Dan mờ ală kra [òn tus bal lam sồr oh kòn kòn sao sền gàr, tơnguh ală bơta niam chài rơgơi ờs mờng niam bơne\ bơh tơl jơi bơtiàn kòn cau; sơbì bơhiàn ờ niam, pin dờn ờ geh kuơ mờ tu\ do gam geh lơh ờ niam tus mờ broă tơnguh bơtàu bơh tơl jơi bơtiàn kòn cau mờ broă tơnguh bơtàu bal mpồl bơtiàn dê; ba` tơrkă khà bao, ba` bao gờ`, ba` bao rềp jơi nòi bal; ba` bơyai lơh ies cau chơ\t jo\ ngai ir, `ô sa dờng…

Pơn jăt tai tơnguh nùs nhơm tam klăc bal, bơ\t bơtàu [òn lơgar lơngăp lơngai mờ ngai sơlơ tơnguh bơtàu; tus bal ală broă “Gùt làng bol sền gàr bơta lơngăp lơngai dà lơgar”, sơndră mờ cau tìs, bơta ờ niam mpồl bơtiàn; sùm tơnguh nùs nhơm rơcang lài, tam dră mờ nùs nhơm ờ niam “Lơh gơbàn ờ geh bơta ring lơngai” bơh ală cau geh nùs nhơm kờ` pơrlơ\ dră tàm lơgar bal mờ lơgar bơdìh kờ` tam dră mờ broă tam gơl pa dà lơgar dê, tam cah is mpồl tam klăc bal ală jơi bơtiàn kòn cau; lơh jăt poan ờ “ờ iăt, ờ dờn, ờ lơh jăt mờ ờ ngòt” cau ờ niam bơchồt.

Gơwèt mờ cấp uỷ, gơnoar atbồ ală cấp, Chủ tịch Quốc hội sồr pal sền gròi, lam sồr, pơn jờng di tu\ ală broă pơgồp bal bơh ală kra [òn geh bơngă pin dờn, ai tơl bơta niam, bơta [uơn rơlao kờ` ală kra [òn tơnguh gơnoar tàm ală gah broă rài kis mpồl bơtiàn; pơgồp bal kuơ màng tàm broă lơh jăt kơrnoăt làng bol lơh tòm tàm ală tiah, ala măt bồ tơngoh ngăc ngar lơh tòm làng bol in, là cau tơrbo\ bal bơh jơnau kơ\p kờ` làng bol ală jơi bơtiàn kòn cau tus mờ ală cấp uỷ Đảng, gơnoar atbồ, mờ tus bal pơgồp mùl màl tàm ală broă tơnguh bơtàu lơh sa mpồl bơtiàn, sền gàr bơta lơngăp lơngai dà lơgar, bơ\t bơtàu nùs nhơm pin dờn tàm làng bol kòn cau mờ Đảng, Dà lơgar.

Bơdìh hơ\ tai, pal sền gròi broă ai rơndăp broă lơh, bơto bơtê, bơtơl, ngui kuang bàng cau kòn cau tàm ală anih lơh broă Đảng, Dà lơgar, mặt trận mờ ală mpồl lơh broă chính trị mpồl bơtiàn. Chủ tịch Quốc hội mò Nguyễn Thị Kim Ngân đơs:

-A` pin là mpồl tam klăc bal ală jơi bơtiàn kòn cau Tây Nguyên geh sùm bơtơl, kơl jăp, pơgồp bal tàm broă bơ\t bơtàu Tây Nguyên pas gơs bè broă lơh sa, niam bè bơta chài rơgơi mpồl bơtiàn, kơl jăp bè chính trị, pràn bè sền gàr bơta lơngăp lơngai dà lơgar, lơh làng bol ală kòn cau Tây Nguyên geh bồ tơngoh ngăc ngar, kơl jăp, geh rài kis hờm ram mờ gơboh gơbài, jơi bơtiàn lơi kung geh kuang bàng ala măt, tơnguh bơhiàn niam chài rơgơi niam bơne\, gờ` tơmù broă lơh ờ ndrờm bal, lơh jăt broă ring bal cau klao mờ cau ùr mờ tam klăc bal mùl màl bơh ală jơi bơtiàn kòn cau tàm dùl mpồl jơi bơtiàn kòn cau lơgar Việt Nam di mờ nùs nhơm bơh ală kra [òn Tây Nguyên geh cih tàm pang sră lơh ngan.

Hơ\ là: lơgar Việt Nam là dùl, jơi bơtiàn kòn cau Việt Nam là dùl, ù tiah Tây Nguyên là ù tiah dà lơgar Việt Nam dê, cau Tây Nguyên là cau lơgar Việt Nam dê, Tây Nguyên tài gùt lơgar, gùt lơgar tài Tây Nguyên.

Cau mblàng Ndong Brawl