VOV4.K’ho - Geh 1 bơta ờ di pal gam gơbàn, ală anih lơh sa kă bro ờ tơl cau lơh broă, mơya jăt Bộ Lao động Thương binh mờ Xã hội yal, kờp tus bồ nam do, gùt lơgar geh di pơgăp 200 rơbô nă cau cử nhân ờ geh broă lơh. Khà cau lơh broă neh jơh bơsram Cao đẳng, đại học rơlao hờ đang ờ geh broă lơh tơngo\ gơguh mờ gơs mpồl geh khà cau ờ geh broă lơh uă ngan tàm ală gah bơsram broă lơh dê. Broă cau cử nhân sền is bơta ngăc ngar să tòm uă rơlao mờ bơta ngăc ngar kờ` di mờ broă lơh tàm mùl màl kung là 1 tàm ală bơta tòm lơh cau bơsram dờng jơh bơsram ờ geh broă lơh sơlơ ngai sơlơ gơnguh uă.

Tơnơ\ mờ uă nam khà priă cao su gơmù tàm khà uă ngan den 2, 3 nhai pa do neh tơnguh wơl mờ tu\ do neh geh di pơgăp 50 tơlăk priă tàm 1 tấn. Tềng đăp mờ khà priă bơsơ\t cao su gơnguh uă, bă ù còr bơsơ\t uă, ală anih lơh sa kă bro tam cao su tàm Tây Nguyên ờ geh cau lơh broă. Bè tàm xã Ia Puch, kơnhoàl Cư\ Prông, càr Gia Lai mờ uă ù tiah cao su rơlao 10 rơbô lồ, tàm kàl còr bơsơ\t cao su bè tu\ do kờ` geh di pơgăp bơh 5 tus 6 rơbô nă cau lơh broă. Mơya, tu\ do khà cau lơh broă mìng di pal mờ 30%. Tàm kàl p^c plai kơphe, tiêu, Tây Nguyên kung sùm tàm bơta ờ tơl cau lơh broă uă.

Cau lơh broă g^t tàm broă lơh mờ ală anih lơh sa kă bro kờ` den gam ờ tơl. Mùl màl do gam lơh ờ di pal mờ broă gùt lơgar geh di pơgăp 200 rơbô nă cau cử nhân neh jơh bơsram tàm hìu bơsram Cao đẳng, đại học ờ geh broă lơh. Jăt 1 khà kờp pà go\, tàm 10 nă cau bơsram dờng geh khà jơh bơsram, geh tus 6 nă cau ờ wă tàm broă lơh mờ ờ g^t dà Mỹ; tàm 10 nă cau neh geh khà jơh bơsram, geh tus 4 nă cau ờ g^t bè broă lơh. Bè hơ\ den tàng, tàm 10 anih lơh sa kă bro rơwah cau lơh broă, geh tus  anih lơh sa kă bro ờ di nùs mờ bơta niam bơto bơtê tàm hìu bơsram cao đẳng, đại học mờ tơnơ\ mờ đại học. Tài bơsram mờ lòt bal mờ lơh broă, den tàng geh uă cau neh geh khà jơh bơsram đại học ha là thạc sĩ gơbàn kal ke mờ ờ g^t lơh bè lơi tềng đăp mờ ală jơnau lùp mùl màl bơh cau rơwah cau lơh broă. Bi Trần Văn Đông, geh khà jơh bơsram gah công nhệ thông tin tàm hìu bơsram đại học mơya lơh broă gah kă bro pà g^t: “Tàm nam pa do a` geh tam gơl broă lơh. Tu\ do, ală công ty rơwah cau lơh broă kờ` uă bè bơta ngăc ngar, broă lơh, broă mờng chài mờ boh bơr. A` kung kơ\p kờ` jòi geh 1 anih lơh broă pa, kơ\p kờ` là a` gam kơnòm, gam pràn den lơh broă tàm ală anih lơi a` kung lơh mờ ndrờm geh bơta niam lơm”.

Tài ală cau ờ hềt g^t bè ală bơta kuơ tàm anih lơh broă, den tàng sùm sơbì broă tu\ go\ geh broă lơh ndai [uơn rơlao mờ geh priă nhai uă rơlao, tàm hơ\ geh bal broă lơh ờ di mờ broă neh bơsram. Bu\ lah do là broă di pal bơh cau lơh broă dê, mơya ờ di pal mờ broă kờ` rơwah bơh ală công ty dê. Mò Nguyễn Thu Thuỷ, kuang bàng lơh broă rơwah cau lơh broă Công ty cổ phần crăp phan Viễn thông tam pà, geh uă ală cau neh geh khà jơh bơsram mìng g^t wă tàm pang sră, ờ g^t wă tàm broă lơh bal mờ broă mờng chài tàm broă lơh mùl màl, mơya kơ\p kờ` dan geh lơh broă niam mờ khà priă nhai uă. Jăt mò Nguyễn Thu Thuỷ, cau bơsram dờng pa geh khà jơh bơsram pal dờp mờ kal ke den hơ\ sồng geh bơta niam tàm anih lơh boă mờ kơl jăp tàm broă lơh tơnơ\ do: “Tu\ geh khà jơh bơsram đại học, cau lơi kung kơ\p kờ` geh mu\t tàm công ty dờng lơh broă mờ khà priă nhai uă, mơya broă mờng chài ờ hềt geh den ală bơyô ờ hềt g^t. Tu\ rơwah ală bơyô ờ hềt g^t broă mờng chài lơh broă tàm công ty, den khà priă nhai ờ hềt gơtùi uă, den tàng uă bơyô lơh 2, 3 nhai den ơm. Ală hìu bơsram kung pal tơnwèt gùng dà ai cau bơsram dờng in loh làng sơl, ală bơyô gam tàm tiah lơi mờ tu\ ờ hềt geh broă mờng chài den pal roh ờ uă ngan tàm 1 nam, tu\ neh mờng chài den hơ\ sồng geh lơh broă, tàm hơ\ uă ngan là tàm broă lơh bè kỹ thuật”.

Cau geh khà jơh bơsram đại học lòt tăc phan ha là mìng dờp geh sră dờp jơh bơsram trung cấp kờ` lơh broă là geh uă. Rơwah ờ di broă, nggui ờ di hìu bơsram là bơta tòm lơh cau bơsram dờng tu\ neh geh khà jơh bơsram ờ geh broă lơh sơlơ ngai sơlơ uă. Kờ` geh broă lơh niam, cau lơh boă pal g^t is broă kờ` lơh să tòm dê bơh tàm bơta ngăc ngar, bơta pràn kơl dang, bơh tu\ hơ\, geh bơtơl ală broă gam ờ tơl bè tơnguh broă bơsram, tàp ală bơta ngăc ngar geh kuơ, di pal mờ broă kờ` lơh broă anih rơwah cau lơh broă dê. Mờ là cau lam bồ anih lơh broă dà lơgar tàm gah lơh broă, broă lơh, Bộ trưởng Bộ Lạo động Thương binh mờ Xã hội ồng Đào Ngọc Dung đơs tòm, geh ai tơl bơta niam tơnguh bơtàu anih lơh sa kă bro mờ lam sồr anih lơh sa kă bro dờ ơruh pơnu, cau bơsram dờng mu\t lơh broă: “A` kơ\p kờ` jơh ală bơyô bơsram dờng tìp mờ ală bồ tơngoh ngăc ngar pa. Broă lơh ờ di là mìng geh mu\t tàm anih lơh broă dà lơgar ha là tàm hìu lơh broă hìu măy. Kuơ màng rơlao jơh, tơl nă cau pal jòi să tòm in ală broă lơh, broă lơh di pal, geh priă nhai, pơgồp bal ring niam tàm rài kis, tơnguh rài kis hìu nhă, tơnguh bơtàu mpồl bơtiàn”.

            Tu\ do, Bộ Lao động Thương binh mờ xã hội gam bơ\t bơtàu rơndăp broă “Lòt lơh broă hờ lơgar bơdìh geh bơta ngăc ngar tơngai bơh nam 2017 tus 2020, wèt tus nam 2025” kờ` yal mờ Chính phủ. Do geh sền là bơta niam ai rơlao 200 rơbô nă cau neh geh khà jơh bơsram, thạc sĩ ờ geh broă lơh jòi gì geh broă lơh hờ lơgar bơdìh, dong kờl ală cau do geh bơta niam tus bal mờ ală broă lòt lơh broă hờ lơgar bơdìh, jòi geh broă lơh.

              Cau cih mờ yal tơng^t Ndong Brawl