VOV4.K’ho - Bơh ngai 1 nhai 6, adăt kòn dềt 2016 geh mu\t ngui. Geh uă bơta pa geh tơl^k loh tàm adăt do kờ` sền gàr kòn dềt. Tềng bơdìh hìu pơrjum Quốc hội, ală kuang bàng đơs là, adăt geh mu\t ngui geh là broă lơh adăt boh lam kuơ màng kờ` sền gàr kòn dềt.

Ồng Trần Văn Mão, mpồl kuang bàng Quốc hội càr Nghệ An đơs là, 1 tàm ală gơnoar kuơ màng là rùp rài kòn dềt kung pal geh sền gàr niam jăt mờ kơrnoăt tàm adăt boh lam dê. Den tàng, tàm ală broă lơh gơrềng bal tus mờ broă tơl^k, yal ha là ală broă lơh ndai gơrềng tus mờ broă lơh gơbàn bơta ờ niam tus rùp rài kòn dềt tàm ală anih yal tơng^t, tàm internet ha là broă lơh ndai mờ tìs mờ kơrnoăt adăt boh lam gơnoar kòn dềt pal lơh glài nền nòn jăt adăt sền gàr kòn dềt dê. Bè nùs nhơm di pal adăt dê, ồng Trần Văn Mão pà g^t:

- Tu\ lơh adăt den ală kơrnoăt tàm adăt neh kơlôi tus mờ nùs nhơm di pal tàm mùl màl, geh tơl adăt boh lam mờ kuơ màng là ală sră nggal bơto sồr mùl màl bè adăt sền gàr gơnoar kòn dềt. Bè hơ\, geh ai tơl^k tơngu me adăt boh lam kờ` lơh jăt, geh tơngu me kờ` lơh glài tus mờ ală broă lơh sơgràm aniai tus gơnoar rùp rài kòn dềt.

Jăt mò Phạm Khánh Phong Lan, mpồl kuang bàng Quốc hội [òn dờng Hồ Chí Minh yal, den broă ai rùp, jơnau tơng^t bơh kòn dềt tơl^k tàm internet geh lơh uă bơta ờ niam tus mờ kòn dềt. Tàm bơta ndai, broă geh ai tơl^k jơnau tơng^t kòn dềt pal geh kòn dềt ring bal, geh tơngo\ broă g^t jơnau yal tus mờ kòn dềt mờ dong kờl kòn dềt lơh tòm, lơh is. Den tàng, tơl^k adăt pal geh kuơ:

- Lài do ờ hềt geh internet, mơya tu\ do geh uă cau mè, cau bèp kờ` tơl^k rùp kòn kờ` pơn jờng, broă do lơh gơbàn rồn bơklơn tus mờ kòn dềt, ală bơyô kòn dềt go\ mờ tơnhial… kung gơbàn uă bơta ờ niam ndai. Loh làng, kờ` tơl^k rùp kòn dềt den pal geh jơnau ring bal bơh kòn dềt bal mờ cau lam bồ kờ` pleh mờ bơta sơgràm broă lơi kung kung tơl^k lơh gơbàn ờ niam tus mờ nùs nhơm kơlôi sơnơng kòn dềt dê.

Kal ke tàm do là kòn dềt gam dềt ir, den tàng kờ` ngui kal ke ngan. Ờ hềt kờp di lah gơbàn tìs den cau lơi yă, lời kòn dềt lòt yă bè gơtùi. Mơya kung dờp do là 1 tàm ală broă lơh kờ` wèt tus tơnguh gơnoar kòn dềt in.

Ồng Mùa A Vàng, kuang bàng tàm Quốc hội càr Điện Biên đơs là, tơl^k broă lơh gơbàn kơrian tàm adăt do neh loh làng ngan kờ` gàr niam gơnoar kòn dềt geh sền gàr mờ g^t jơnau bal. Kơrian tơl^k ală jơnau tơng^t bè rài kis krơi is, ndơ\p ndơr să tòm kòn dềt dê mờ ờ geh jơnau ring bal bơh kòn dềt bơh 7 sơnam rơlao hờ đang mờ mè, bèp, cau sền gàr kòn dềt, jăt ồng Mùa A Vàng đơs, broă geh tơl^k do geh tơnguh nùs nhơm g^t wă bal, geh kơnòl bal tàm broă sền gàr kòn dềt:

- A` kơlôi broă do di pal ngan, tài geh ală cau tơl^k rùp kòn dềt tàm internet tu\ ờ hềt geh jơnau ring bal bơh mè, bèp, hìu nhă bal mờ să tòm kòn dềt dê. A` kơ\p kờ` dơ\ do geh gơrềng uă ngan tàm mpồl bơtiàn kờ` ală cau lơh jăt niam gơnoar kòn dềt dê.

 Bè hơ\, geh gàr niam jơnau tơng^t gơnoar să tòm kòn dềt dê bal mờ nùs nhơm g^t wă tus mờ ală cau in bè kơnòl să tòm tàm broă sền gàr kòn dềt jăt mờ kơrnoăt adăt boh lam dê.

Cau cih mờ yal tơng^t Ndong Brawl