VOV4.K’ho - Ală mpồl lơh sa kă bro mờ hìu lơh sa, kă bro tàm càr Dak Nông gam tơnguh wơl broă lơh tơnơ\ mờ tơngai gơtìp ơm ing tài kòp Covid-19. Ngân hàng Nông nghiệp mờ Phát triển Nông thôn (Agribank) neh đơng lam ală mpồl lơh broă bal tàm càr lơh jăt ală broă dong kờl mùl màl bè: tơnjo\ tơngai tơm dồs, tơmù priă cồng, dong kờl priă càn sa priă cồng ờ uă kờ` dong kờl mpồl lơh sa kă bro, hìu lơh sa, kă bro sơrlèt mờ kal ke.

Hìu lơh plai màk tăc mờ lơgar bơdìh bơh hìu bi Lê Trường Đinh, kis tàm [òn 3 xã Dăk Sin, kơnhoàl Dak Rlấp neh lơh broă bè ờs wơl. Bơdìh mờ 10 lồ ù tam tiêu, kơphe, bi Đinh neh bơcri priă lơh hìu lơh plai màk tăc mờ lơgar bơdìh, ai broă lơh 10 nă cau in geh broă lơh sùm mờ rơlao 40 nă cau lơh broă jăt kàl. Tơnơ\ mờ tơngai tam cah is, hìu lơh plai màk mhar lơh broă wơl là kơnờm mờ broă dong kờl di tu\ bơh Ngân hàng Agribank kơnhoàl Dak Rlấp.

                                     Hìu lơh plai màk tăc mờ lơgar bơdìh bơh ồng Đinh dê

Bi Đinh pà g^t, tu\ do kờp jơh khà priă càn bơh hìu nhă bi là 4 tơmàn đong. Bi neh geh ngân hàng lơh sră tơnjo\ tơngai tơm dồs mờ tơmù priă cồng.

-Càn priă tàm Agribank den geh sền gròi, tu\ tus tàm hơ\ den oh mi lơh broă nggal mhar ngan.

Ồng Đỗ Ích Chiến, Phó Chủ tịch UBND xã Dăk Sin pà g^t: Xã Dak Sin geh 2 rơbô hìu, mơya tus rơlao 4 rơbô lồ phan tam jo\ tơngai, tàm hơ\ geh 2 rơbô lồ kơphe, 700 lồ tiêu mờ 990 lồ cao su. Kờ` bơcri priă lơh, sền gàr bă ù tam phan jo\ tơngai do, ală hìu nhă ndrờm càn priă bơh Ngân hàng Nông nghiệp mờ Phát triễn Nông thôn. Priă geh tơl nă cau tàm xã geh rơlao 48 tơlăk đong tàm 1 nam.

Dăk Sin tu\ do mìng gam ờ hềt tus 5% khà hìu rơ[ah. Ồng Chiến đơs: Ngân hàng Nông nghiệp mờ Phát triễn Nông thôn là anih dong kờl kờ` làng bol kis tàm do brồ guh geh rài kis tơl ngui tơl sa mờ pas gơs.

-Bè ngân hàng Agribank den tàm tơngai do neh lơh jăt khà dong kờl ai làng bol tàm tơngai kòp gơtòp. Bơdìh hơ\ tai den Ngân hàng Nông nghiệp gam pơgồp bal dờng màng tàm broă dong kờl làng bol lơh broă sa tàm xã Dăk Sin geh priă kờ` bơcri tàm broă lơh sa, mu\t lơh sa wơl, dong kờl làng bol geh càn priă kờ` tơnguh bơtàu lơh sa. Rài kis làng bol kơnờm mờ khà priă do den tàng geh tơnguh.

Ồng Phạm Hiển, kuang atbồ Công ty TNHH kă bro mờ bơ\t bơtàu Minh Khoa tàm xã Nhân Cơ, kơnhoàl Dăk Rlấp pà g^t: tàm tơngai kòp Covid-19 gơtòp, công ty ồng dê gơtìp kal ke uă ngan, bơta do di lah jo\ den gơlan gơtìp ờ gơtùi lơh broă tai. Tu\ do, công ty neh lơh broă wơl, mơya kung gam tàm bơta lơh nggùl gơl, gơtìp hoàc huơr.

                     Cau năc càn priă tus càn priă tàm Ngân hàng Agribank Dak Nông

-Tàm tơngai kòp Covid-19 pa do mpồl lơh sa kă bro kung tìp uă ngan kal ke. Ngân hàng tàm kơnhoàl Dak Rlấp kung neh tìp mờ bol a` mờ neh ai bơta niam, di lah kờ` priă den gơtùi dong kờl tai. Mờ sồr pal ai jơnau tơng^t, sră nggal kờ` dong kờl broă tơmù khà priă cồng di tu\. A` go\ do là dùl broă neh lam sồr ală mpồl lơh sa kă bro. Mpồl lơh sa kă bro kung iang nùs ngan sơl.

Ồng Nguyễn Thành Tâm, kuang atbồ Ngân hàng Agribank tàm kơnhoàl Dak Rlấp pà g^t:

-Gơwèt mờ tơl nă cau den geh ală broă dong kờl krơi is, bè tơnjo\ tơngai dồs, lơh wơl dồs, ờ sa ha là tơmù priă cồng, priă mờ ai càn sa priă cồng ờ uă. Tàm tơngai tus, ngân hàng Agribank Dak Rlấp pơn jăt tai bơto sồr lơh ală sră nggal kờ` ală cau năc gơtìp aniai bơh kòp Covid-19 gơtùi geh càn khà priă dong kờl bơh ngân hàng Agribank dê kờ` pơn jăt tai lơh sa kă bro.

Kờ` dong kờl cau năc geh sùm broă lơh sa mờ tơnguh bơtàu lơh sa kă bro, Ngân hàng Agribank Dak Nông ai lài broă lơh ndrờm bal khà priă kờ` bơcri ai càn wơl gơwèt mờ ală cau geh khà priă dồs neh tus tơngai. Mờ pơn jăt tai ai càn gơwèt mờ ală cau tàm gah lơh sa suơn sre, [òn lơgar, mpồl lơh sa kă bro dềt mờ di mơ.

Bơh bồ nam tus tu\ do, ală mpồl lơh broă gơwèt Ngân hàng Agribank Dak Nông neh ai càn mờ khà 5 rơbô 199 tơmàn đong, tơnguh khà priă jơnkah dồs tàm gùt càr tus 9 rơbô 179 tơmàn đong.

Ồng Trần Hữu Trinh, Phó kuang atbồ Ngân hàng Agribank càr Dak Nông pà g^t: Tus tu\ do, ngân hàng Agribank Dak Nông neh lơh gơs sră nggal mờ ngui ală broă dong kờl ai 458 nă cau in mờ kờp jơh khà priă càn là 395 tơmàn đong. Tu\ do geh 779 nă cau càn mờ khà priă jơnkah dồs 984 tơmàn đong, gơtìp aniai bơh kòp Covid-19. Ală cau do neh ngui ală broă lơh kờ` tơmù kal ke.

-Bol a` geh dong kờl, bơ\t bơtàu wơl tơngai tơm dồs. Lơh jăt broă ờ sa ha là tơmù sa priă cồng, ai càn mờ khà priă cồng ờ uă tus 2,5% jăt broă lơh 100 rơbô tơmàn đong bơh ngân hàng Agribank.

Tu\ do, bol a` neh bơcri geh 5 rơbô 200 tơmàn đong. Tàm tơngai tus bol a` kung pơn jăt tai lơh jăt nền nòn ală khà priă dong kờl sa priă cồng  uă kờ` dong kờl hìu lơh sa cau dùl nă să is, mpồl lơh sa kă bro gơtùi sơrlèt mờ ală kal ke.

Cau mblàng Ndong Brawl