Jăt khà kờp, ală anih lơh sa kă bro cau 1 nă să lơh is tàm lơgar he geh ală broă tơnguh bơtàu pràn, bơh mờr 63 rơbô anih lơh sa kă bro lơh broă tàm nam 2002 lài do tus di pơgăp 550 rơbô anih lơh sa kă bro lơh broă tàm lồi nam lài. Tàm tơngai bơh nam 2006 tus 2015, đah lơh sa cau 1 nă să lơh is geh pơgồp 40% khà GDP gùt lơgar dê, 30% khà phan geh lơh bơh khà lơh sa mờ măy mo\k dê, mờr 80% khà ntrờn phan kă bro bal mờ broă lơh drơng ơla, 64% kờp jơh khà phan kă bro. Kuơ màng ngan, đah lơh sa cau 1 nă să lơh is hòi jà geh di pơgăp 85% khà cau lơh broă tàm gùt lơgar mờ pah nam geh ai broă lơh di pơgăp 1 tơlăk 200 rơbô nă cau lơh broă in. Mơya, broă lơh sa cau 1 nă să lơh is mìng gam là hìu lơh sa kă bro cau 1 nă să lơh is, 97% khà anih lơh sa kă bro cau 1 nă să lơh is dềt mờ dềt ngan. Jăt ồng Nguyễn Hữu Thập, Chủ tịch Mpồl tam klăc anih lơh sa kă bro dềt mờ di mơ càr Tuyên Quang yal, broă kal ke tus mờ broă tơnguh bơtàu đah anih lơh sa kă bro cau 1 nă să lơh is là broă mu\t bal tàm drà kă bro; tìp mờ jơnau tơng^t, priă mờ ù tiah:

- Kal ke dờng màng ngan bơh ală anih lơh sa kă bro tu\ do dê là tìp mờ priă ai broă lơh sa kă bro in, broă ờ pràn bè phan bơna kờ` càn priă, broă tìp mờ broă dong kờl ù tiah tus mờ anih lơh sa kă bro kal ke. Bơdìh hơ\ tai là broă sền kờ` g^t khà phan bơna bơh ngân hàng ờ hềt di pal. Ală anih lơh sa kă bro geh bơta ngăc ngar ờ pràn mờ ờ tơl bè broă sền gàr anih lơh sa kă bro, sền gàr broă lơh sa, ờ hềt ngui công nghệ jăk chài. Dà lơgar tơrgùm uă tàm broă lơh sa, mơya geh uă phan geh lơh bơh anih lơh sa kă bro lơgar he dê bè khà măt, bơta niam, khà priă tu\ do kal ke kờ` tam pơlòng mờ ală lơgar ndai tàm tiah do.

Tàm tu\ hơ\, uă anih lơh sa kă bro đơs là, priă tă mùl màl gam lơh kơrian ală anih lơh sa kă bro cau 1 nă să lơh is tơnguh bơtàu. Broă sơgràm gơnoar atbồ, sơgràm broă sền gròi bơh ală anih lơh broă sền gàr dà lơgar kung lơh uă anih lơh sa kă bro pal tơnguh khà priă tă ờ mùl màl, lơh broă bơcri priă lơh sa anih lơh sa kă bro dê ờ tơl niam, geh uă bơta gơbàn rềs àr. Ồng Phạm Đình Đoàn, Chủ tịch Tập đoàn Phú Thái pà g^t:

- Gơwèt mờ anih lơh sa kă bro tàm broă tơnguh bơtàu gam tìp uă kal ke bè broă lơh ờ di pal. Uă anih lơh sa kă bro kung kơ\p kờ` gơnoar atbồ geh nùs nhơm lơh broă di pal, iăt mờ lơh niam wơl. Mơya, broă do sùm lơh lơyài, kal ke ngan. Tu\ anih lơh sa kă bro lơh ngan kờ` gàr cồng nha neh geh mờ di gơlan ờ hềt geh kuơ tus mờ anih lơh sa kă bro dê, den tàng uă anih lơh sa kă bro pal dờp. Uă anih lơh sa kă bro geh broă lơh lobby, tơm priă ờ mùl màl. Di lah bè hơ\ den broă lơh sa ờ niam mờ kal ke kờ` tơnguh bơtàu tu\ dà lơgar gam tơrgùm bal lơh sa uă.

Jăt Viện trưởng Viện kơlôi sơnơng sền gàr broă lơh sa dà lơgar ồng Nguyễn Đình Cung yal, mờ cơ chế sền gàr dà lơgar bè tu\ do, ală anih lơh broă sền gàr dà lơgar geh gơnoar tus bal tàm broă lơh sa kă bro bơh ală anih lơh sa kă bro lơi. Dùl bơta kal ke tai là anih lơh sa kă bro đah cau 1 nă să lơh is ờ khin yă kờ` sền gàr gơnoar khăt gơboh, gơnoar ngui să tòm dê. Den tàng, anih lơh broă dà lơgar gam pơn jăt tai tus sơmòm tàm broă kă bro mờ geh ală cau ờ di tài bơta kuơ bal mờ tài bơta kuơ să tòm is bơh ală cau lơh jăt broă dà lơgar dê. Den tàng, gơl^k geh khà priă tă ờ mùl màl. Do kung là bơta lơh kal ke, lơh ală anih lơh sa kă bro kal ke mờ ờ kờ` tơnguh bơtàu. Ồng Nguyễn Đình Cung đơs là, kờ` tam pơlòng niam, tơmù ờ uă ngan ală khà priă tă ờ mùl màl den broă lơh jăt adăt boh lam mờ nùs nhơm lơh broă bơh đah lơh broă sền gàr dà lơgar pal geh broă tam gơl niam. Kờ` lơh geh bơta do, pal sền mùl màl tàm ală kal ke tus mờ broă tơnguh bơtàu lơh sa cau 1 nă să lơh is kờ` bơsong broă:

- Pal tam gơl cơ chế tam pà cau lơh broă. Kờ` lơh geh bơta do den pal tơnguh bơtàu broă kă bro priă, drà lơh broă, ơla cơ chế dan, ai tàm broă tam pà cau lơh broă. Broă dơ\ 2 tai pal lơh là broă lơh niam wơl anih lơh sa kă bro dà lơgar kờ` ai tơl bơta niam, ai broă lơh sa kă bro tus mờ ală anih lơh sa kă bro, ală anih loưh sa kă bro cau 1 nă să lơh is. Dơ\ 3 là kes priă dà lơgar pal nền nòn rơlao, tơmù uă broă bơcri priă sùm, tơnguh broă bơcri priă tơnguh bơtàu broă lơh, bơta cau lơh broă.

Uă cau jăk chài, cau jăk gah lơh sa đơs là, kờ` lơh sa cau 1 nă să lơh is gơtùi tơnguh bơtàu pràn rơlao tàm tơngai tus, pal geh uă anih lơh sa kă bro di mơ mờ dờng, tơl pràn ai ală anih lơh sa bơcri priă bơh lơgar bơdìh, tăc phan mờ lơgar bơdìh bal mờ dong kờl anih lơh sa kă bro dềt. Mờ pal geh jơnau hơ bal bơh Chính phủ, ală Bộ, gah lơh broă dà lơgar bè broă ring bal, bè tiah bơcri priă, tơl^k kơrnoăt adăt boh lam... lơh jăt Chính phủ liêm chính pal geh lơh tàm dà lơgar, ală càr, [òn dờng bal mờ [òn lơgar. Tiah lơh sa kă bro mùl màl ring bal, sơbì ală kal ke tus mờ đah lơh sa kă bro cau 1 nă să lơh is tơnguh bơtàu. Phó Giáo sư, Tiến sĩ Nguyễn Văn Thạo, Phó Chủ tịch Hội đồng lý luận Dà lơgar đơs là:

- Bol he pal pơn jăt tai lơh gơs thể chế, kuơ màng là tơrgùm sơbì ală kal ke bơh broă lơh sa cau 1 nă să lơh is in. Ai tơl^k tiah lơh broă [uơn tus mờ anih lơh sa cau 1 nă să lơh is tơnguh bơtàu. Pơn jăt tai lơh mờ tơnguh bơtàu ală broă lơh, tơnguh bơtàu mờ tơnguh niam bơta geh khoa học công nghệ dà lơgar mờ kuơ màng là tơnguh bơtàu kờ` bơ\t bơtàu khà cau lơh broă jăk chài anih lơh sa kă bro in, bơceh pa tơnguh bơtàu, bơ\t bơtàu broă sền gàr dà lơgar pa mờ bơ\t bơtàu broă drơng ơla geh cồng nha.

Cồng nha broă lơh sa cèng geh bơh đah lơh sa cau 1 să lơh is là loh làng, den tàng, broă tus bal bơh ală gah, mpồl lơh broă geh gơnoar kờ` tơnguh jơh o7ta pràn đah lơh sa do dê là pal geh kờ` gàr niam bơta kuơ tàm tiah lơh sa kă bro. Tàm hơ\, pal hòi jà jơh ală bơta pràn pràn kờ` pơgồp bal tiah lơh sa do gơs mpồl lơh sa bal kờ` cèng wơl bơta kuơ lơh sa uă rơlao.

Cau cih mờ yal tơng^t Ndong Brawl