VOV4.K’ho - Càr Dak Nông tu\ do geh rơlao 1 rơbô nă cau bơsram dờng neh joh bơsram tàm ală hìu bơsram Trung cấp, Cao đẳng, hìu bơsram dờng ờ hềt geh broă lơh. Oh kòn làng bol kòn cau ờ geh broă lơh uă, mơya khà rơwah 20% khà kuang bàng lơh broă tàm ală anih lơh broă dà lơgar tàm càr Dak Nông là kòn cau den ờ geh lơh jăt, tài gah bơto mờ bơsram ờ di pal mờ broă kờ` cau lơh broă tàm càr do dê. Mơya cau te\ khà kơ\p kờ` càr Dak Nông geh ală broă dong kờl mùl màl rơlao kờ` oh kòn làng bol kòn cau tơnơ\ mờ tu\ neh jơh bơsram den geh jòi broă lơh di pal, pơgồp bal tàm broă bơ\t bơtàu [òn lơgar.

Oh K’Tông, jơh bơsram gah lý luận chính trị, tàm hìu bơsram dờng Tây Nguyên nam 2013, tu\ do gam lơh broă ing tàm gah lơh broă, cau ling sồt să mờ mpồl bơtiàn ntum Dak Nia, [òn drà Gia Nghĩa, càr Dak Nông. Broă lơh ờ di mờ gùng dà bơsram den tàng oh kung tìp uă ngan kal ke, oh K’ Tông đơs: “Oh kơ\p kờ` Đảng, Dà lơgar ai tơl bơta niam ai cau bơsram dờng pa jơh bơsram, tàm hơ\ uă ngan là cau bơsram dờng là kòn cau bè bol oh, tơnơ\ mờ tu\ neh jơh bơsram geh broă lơh di mờ broă neh bơsram, kờ` di pal mờ broă lơh bal mờ pơgồp bal tàm broă tơnguh bơtàu lơh sa mpồl bơtiàn tàm [òn lơgar”.

Bu\ lah ờ hềt di mờ jơnau kơ\p kờ`, mơya geh broă lơh bè oh K’ Tông neh là bơtoah ngan, tài mìng is ntum Dak Nia neh geh tus 30 nă oh bơsram jơh trung cấp, cao đẳng, hìu bơsram dờng, hơ\ sồng ơm tàm hìu dong kờl hìu nhă lơh mìr sre. Mò Quản Thị Ngọc, kuang jăt jơng atbồ anih duh broă làng bol ntum Dak Nia pà g^t, anih duh broă làng bol ntum mìng geh bơsong ai 2 nă cau mu\t lơh broă, khà gam tai den càr pal geh ală broă lơh jo\ jòng rơlao: “Pa do, gah kòn cau càr kung tus sền bè broă kòn cau tàm ntum, den bol a` kung neh yal là khà kơnòm bơsram làng bol kòn cau pa jơh bơsram mờ ờ hềt geh broă lơh geh uă ngan. Dan mờ càr kung bè gah kòn cau geh jơnau đơs, jơnau dan, geh broă dong kờl ală konòm do geh boă lơh tơnơ\ mờ tu\ neh jơh bơsram, mìng là oh kòn làng bol kòn cau kis bơh jo\ tàm do mơ”.

Tàm ntum Trường Xuân, kơnhoàl Dak Song, càr Dak Nông, do là tiah geh tus 22 jơi bơtiàn kòn cau ơm kis bal. Ồng Nguyễn Văn Anh, kuang atbồ đơng lam Đảng ntum Trường Xuân pà g^t, bu\ lah ntum gam ờ tơl uă ngan kuang bàng kòn cau geh bơsram tus gùng tus dà lơh broă, mơya ntum do kung mìng dờp ai lơh broă 1 nă cau. Gam rơlao 10 nă kung neh jơh bơsram tàm ală gah lơh pơgru bơto văn học, lịch sử, y dược, kế toán… rê tàm ntum ờ gơtùi ai broă lơh: “Tài broă tơnwèt gùng dà broă lơh lài do bơh ală oh ờ geh niam, den tàng geh ờ uă oh lòt bơsram tàm ală gah mờ tu\ do broă kờ` mpồl bơtiàn dê ờ gam geh tai, tàm tu\ dà lơgar den gam kờ` tơmù khà cau lơh broă. Mờ rê tàm ntum den ờ gơtùi ai broă lơh, tài gah bơsram bơh ală oh dê ờ di pal. Tàm tu\ tàm ntum den ală gah bè lơh sa suơn sre, tơnguh bơtàu [òn lơgar, ha là bè broă lơh sră nggal den ờ geh cau lơh”.

Jăt khà kờp bơh mpồl kuang bàng tàm Gơnoar ala măt dà lơgar càr Dak Nông yal, tàm càr do gam geh rơlao 1 rơbô nă cau bơsram dờng neh jơh bơsram tàm hìu bơsram Cao đẳng, hìu bơsram dờng ờ hềt geh broă lơh. Tàm khà mờr 200 nă cau bơsram dờng geh rơwah ai lòt bơsram neh jơh bơsram rê, den gam rơlao 100 nă ờ gơtùi ai broă lơh. Sơlơ\u wơl, uă gah lơh broă tàm càr Dak Nông gam ờ tơl cau lơh broă geh bơsram tus gùng tus dà, bè ală gah lơh sa suơn sre, nhơl chờ, pơgru bơto kơnòm pa lòt bơsram, kai bơsram 1… Tềng đăp mờ bơta do, ồng Điểu Xuân Hùng, kuang atbồ gah tề lam gùng dră bal càr Dak Nông đơs: “Bè cau geh rơwah lòt bơsram den jăt a` kơlôi là lơh di, mơya lơh jăt den jăt tiah mờ càr ờ rơwah cau lòt bơsram uă, mờ pal rơwah cau lòt bơsram bơh tàm ală tiah, tu\ lơi bơsram jơh neh geh anih lơh broă mờ geh rài kis sơlơ ngai sơlơ niam rơlao. Tu\ do, càr gam ờ tơl uă ngan cau lơh broă geh bơsram tus gùng tus dà, mờ tềng đăp măt là gah bơto bơtê mờ bơsram, tàm hơ\ ờ tơl uă ngan là cau pơgru bơto kơnòm pa lòt bơsram, tàm tiah sar lơgar ngài, tus tàm do pal attê bơto broă, tài geh ngăc ngar tàm tu\ pa lòt bơsram hơ\ sồng guh tus kai bơsram 1, kai bơsram 2 ală oh kòn cau hơ\ sồng ờ gơbàn kal ke, tài g^t đơs mờ ờ g^t cih, g^t cih mờ ờ g^t đơs dà yoan.

10 nam lài, càr Dak Nông ai tơl^k khà tus nam 2015 geh rơwah cau kòn cau mu\t lơh broă tàm ală anih lơh broă dà lơgar geh 20% khà kuang bàng lơh broă. Bu\ lah bè hơ\, tus tu\ do, khà do mìng rơ\p geh 4%. Jơnau kờ` đơs ngan là càr gam ờ tơl kuang bàng kòn cau geh bơsram tus gùng tus dà, mơya khà oh kòn làng bol kòn cau neh jơh bơsram tàm ală hìu bơsram Trung cấp, cao đẳng, bơsram dờng rê gam ờ geh broă lơh, tài gah mờ ală cau bơsram do ờ di pal mờ broă lơh. Cau te\ khà kơ\p kờ`, càr Dak Nông pal geh ală gùng dà tơwèt broă lơh loh làng, di pal mờ broă tơnguh bơtàu lơh sa mpồl bơtiàn càr dê, mờ ală broă dong kờl ai broă lơh, broă ai khà kuang bàng là kòn cau di mờ mùl màl rơlao. Geh bè hơ\, oh kòn làng bol kòn cau kis tàm càr Dak Nông hơ\ sồng geh uă bơta niam kờ` lơh ngan bơsram sră mờ lơh broă, pơgồp bal tàm broă bơ\t bơtàu [òn lơgar.

    Cau cih mờ yal tơng^t Ndong Brawl