VOV4.K’ho – Kuang gơs gơnăp gơnoar atbồ hơđang rlau jơh dà lơgar pa ki\ Kơrnoat bè ai càn priă ai kơnòm bơsram, cau bơsram dờng bơsram gah lơh sơnơm tơnơ\ tu\ neh jơh bơsram in, tàm tơngai bơtê lơh broă tàm ală hìu sơnơm nàng geh pà sră cơng tàng ai lơh broă.

Cau geh ai càn priă hơ\ là kơnòm bơsram, cau bơsram dờng bơsram gah lơh sơnơm geh rài kis kal ke tơnơ\ tu\ jơh bơsram ală hìu bơsram kai dờng, cao đẳng mờ trung cấp mờ tàm ală hìu bơsram bơto lơh sơnơm geh crơng gơs mờ lơh broă jat jơnau cih bơh kơrnoat boh lam Việt Nam dê tàm tu\ tơngai bơtê lơh broă tàm ală hìu sơnơm nàng geh pà sră cơng tàng ai lơh broă jat jơnau cih bơh Adat kham sơm kòp (cau bơsram dờng tơnơ\ tu\ jơh bơsram), tàm hơ\ geh:

1- Cau bơsram dờng tơnơ\ tu\ jơh bơsram kòn đời jơh mè mờ bèp halà mìng kòn đời bèp halà kòn đời mè, mơya cau gam kis ờ geh tơl pràn lơh broă.

Ală cau do geh ai càn tơn priă tàm Anih priă jền dong kờl cau r[ah tiah hìu sơnơm lơh broă mờ cau bơsram dờng tơnơ\ tu\ jơh bơsram bơtê lơh broă.

2- Cau bơsram dờng tơnơ\ tu\ jơh bơsram là cau bơh hìu bơnhă gơ wèt dùl tàm ală cau tơnơ\ do: Hìu bơnhă r[ah jat tơl khà geh cih bơh kơrnoat boh lam dê; hìu bơnhă lơh sa geh priă jền kờp bal dùl nă cau uă ngan rlau jơh ndrờm mờ 150% khà priă lơh geh kờp bal dùl nă cau bơh hìu bơnhă r[ah jat jơnau cih bơh kơrnoat boh lam dê.

3- Cau bơsram dờng tơnơ\ tu\ jơh bơsram mờ hìu bơnhă gơtìp kal ke bè priă jền tài bơh rềs àr, kòp tê jê să, trồ tiah lơh aniai, ồs sa, kòp pluh tàm tơngai bơtê lơh broă geh sră ki\ bơh Anih duh broă làng bol ntum, sơnah [òn mờ [òn drà tiah ơm kis dê.

Bàr mpồl cau 2 mờ 3 geh hìu bơnhă càn priă mơ he in. Cau ala mat hìu bơnhă là cau càn tơn priă mờ geh kơnòl tơm dồs Anih priă jền dong kờl cau r[ah in.

Bơta pal geh nàng ai càn priă mờ khà priă ai càn

Cau bơsram dờng tơnơ\ tu\ jơh bơsram geh sền sơ wì càn priă tu\ lơh geh tơl ală bơta tơnơ\ do:

- Cau bơsram dờng tơnơ\ tu\ jơh bơsram (mơya ờ go\ di jo\ rlau ir 12 nhai kờp bơh ngai jơh bơsram) mờ geh tơl ală bơta pal geh pa yal; halà cau tàm hìu bơnhă mờ gam ơm kis tàm hìu bơnhă ơm kis dipal mờ kơrnoat boh lam tàm [òn lơgar tiah ai càn priă, geh tơl ală bơta pal geh (2) mờ (3) pa yal.

- Pal ki\ mat bơh hìu sơnơm dê, bè: Tơngai bơtê lơh broă, priă bơtê lơh broă; ờ hềt geh sră hơ lơh broă halà sră hơ lơh broă bơh hìu sơnơm dê tàm tơngai bơtê lơh broă.

Khà priă ai càn uă ngan rlau jơh ndrờm mờ khà priă ai càn uă ngan rlau jơh jat Kơrnoat sồ 157 ki\ ai ngui ngai 27/09/2007 bơh Kuang gơs gơnăp gơnoar atbồ hơđang rlau jơh dà lơgar dê bè ai càn priă ai kơnòm bơsram mờ cau bơsram dờng in halà ală sră nggal tam gơl, bơtơl Kơrnoat sồ 157 (dilah geh) jat tơl tu\ tơngai (tu\ do khà ai càn uă ngan rlau jơh ai kơnòm bơsram in là 1 tơlak 250 rbô đong pah nhai tàm dùl nă kơnòm bơsram).

Anih priă jền dong kờl cau r[ah ai khà ai càn ngan ngồn ai cau bơsram dờng in tơnơ\ tu\ jơh bơsram jat tàm khà priă tă bơtê lơh broă bơh tơl hìu sơnơm dê, mờ priă ngui sa mơya ờ go\ di uă rlau ir mờ khà ai càn jat jơnau cih bơh kơrnoat boh lam dê.

Priă cồng ai càn ndrờm bal mờ priă cồng ai càn gam ngui tu\ do gơ wèt mờ broă ai càn priă ai kơnòm bơsram, cau bơsram dờng in geh ai jat tơl tu\ tơngai. Priă cồng dồs jo\ ir tơngai tơm geh kờp ndrờm mờ 130% priă cồng tu\ ai càn.

Geh gi\t lài hơ\, rơndăp cih kơrnoat do neh geh lùp jơnau đơs bơh ală gah geh gơrềng dê, kung bè cih loh kơnòl bơh tơl gah lơh broă dà lơgar dê.

Tàm hơ\, Gah Lơh sơnơm dà lơgar geh kơnòl sồr ală hìu sơnơm pơgồp bal mờ Anih duh broă làng bol tiah hìu sơnơm lơh broă mờ Anih priă jền dong kờl cau r[ah lam lơh jat kơrnoat do.

Anih priă jền dong kờl cau r[ah bơto pơlam lơh sră càn priă, tơngai hơ tơm priă càn, khà ai tu\ tơngai dồs, tơn jo\ dồs, tam gơl dồs jo\ ir tơngai tơm ai cau bơsram dờng tơnơ\ tu\ jơh bơsram in jat jơnau cih bơh kơrnoat boh lam dê.

Cau cih mờ yal tơngi\t- Lơ Mu K’ Yến