VOV4.K’ho - Lài do, mìng geh ală hìu rơ[ah geh dờp uă broă dong kờl bơh Gơnoar atbồ lơgar dê, tàm hơ\ uă ngan là bè broă ai càn priă, den ală hìu ndrờm mờ rơ[ah ờ geh dờp broă dong kờl lơi bu\ lah rài kis kung ờ tơl ngan sơl rơlao mờ hìu rơ[ah. Kờ` tơmù bơta do, Gơnoar atbồ lơgar neh tơl^k broă dong kờl ai hìu ndrờm mờ rơ[ah in càn priă, dong kờl ală hìu do in klàs mờ rơ[ah kơl jăp. Tàm jơnau “Gơnoar atbồ lơgar mờ làng bol” poh do geh yal bè cồng nha broă dong kờl ai càn priă hìu ndrờm mờ rơ[ah in tàm càr Dak Lak.

Là 1 hìu nhă gam kơnòm, tơnơ\ mờ tu\ bao, ùr bơklao lo\ Võ Thị Hạnh, kis tàm [òn Liên Kết 1, ntum Buôn Triết, kơnhoàl Lăk, càr Dak Lak tìp uă ngan kal ke. Ùr bơklao lo\ geh mè bèp tam pà 1 bă ù kờ` tơl lơh hìu mờ di pơgăp mờr 5 sào sre lơh kòi, lo\ ơm tàm hìu lơh sre, bơklao den geh broă lơh lơi lơh broă hơ\ den tàng kal ke ngan. Hơ\ sồng ală kòn ùr bơklao lo\ deh sơlơ lơh rài kis hìu nhă neh kal ke rơlao.

Tềng đăp mờ rài kis hìu nhă ùr bơklao bè hơ\, mpồl ai càn priă [òn Liên Kết 1 neh dong kờl ùr bơklao lo\ geh càn priă bơh anih priă jền dong kờl cau rơ[ah kờ` geh priă tơnguh bơtàu lơh sa mờ khà priă geh càn là 15 tơlăk priă, ùr bơklao lo\ neh blơi 1 nơm kơnrồ me kờ` ròng. Kơnờm mờ nùs nhơm tơriang tơriồng tàm broă lơh sa, bal mờ khà priă geh càn bơh anih priă jền dong kờl cau rơ[ah, tơnơ\ mờ 3 nam hìu nhă lio\ neh klàs mờ rơ[ah. Mơya lo\ Hạnh yal, bu\ lah tàm hìu nhă neh geh 3 nơm kơnrồ me, geh sền là hìu neh klàs mờ rơ[ah, mơya mùl màl là rài kis rơ[ah kung gam geh sùm tàm hìu nhă lo\ dê. Tài klàs mờ rơ[ah ndrờm bal mờ broă ờ geh càn priă mờ priă cồng ờ uă, mơya kung ờ geh ai càn bơh ală anih priă jền ndai tài ờ tơl ală jơnau kờ` bơh anih priă jền ai tơl^k. Tàm tu\ hìu nhă gơlơh bè kal ke tài ờ g^t jòi geh bơta lơi kờ` pờ ơnàng lơh sa, den lo\ neh ală mpồl lơh broă bal mờ anih priă jền dong kờl cau rơ[ah rơwah ai càn 25 tơlăk priă bơh kes priă ai càn sa priă cồng ờ uă hìu ndrờm mờ rơ[ah in. Ờ mìng geh bơsong jơnau ờ su\k ơm ngòt ờ tơl priă lơh sa mờ ờ pal tăc kơnrồ gam tàm tơngai deh kòn, mờ lo\ gam lơh geh mờr 1 lồ sre lơh kòi. Tus tu\ do, rài kis hìu nhă lo\ neh tàm tơngai tơl ngui tơl sa, drơng 2 nă kòn lòt bơsram tơl… Do mìng là 1 tàm uă ngan hìu nhă tàm càr Dak Lak klàs mờ rơ[ah geh cồng nha kơnờm mờ broă dong kờl càn priă bơh anih priă jền dong kờl cau rơ[ah dê. Kuơ màng ngan, broă ai càn priă hìu nhă ndrờm mờ rơ[ah neh gơs “Phan dong klàs” ai ală hìu ndrờm mờ rơ[ah bè hìu nhă lo\ Hạnh dê.

Ồng Nguyễn Tử Ân, gơnoar atbồ anih priă jền dong kờl cau rơ[ah càr Dak Lak pà g^t, broă ai càn priă hìu ndrờm mờ rơ[ah geh lơh jăt bơh nhai 4/2013 tàm càr jăt mờ kơrnoăt sồ 15 bơh Kuang gơs gơnăp gơnoar atbồ hờ đang rơlao jơh dà lơgar k^ ngai 23/2/2013 dê, geh mpồl đơng lam đảng, gơnoar atbồ ală kơnă sền gròi đơng lam lơh jăt. Anih priă jền dong kờl cau rơ[ah càr Dak Lak pơlam anih duh broă làng bol càr Dak Lak ală sră nggal đơng lam; chồl pràn broă lam sồr tàm ală anih yal tơng^t. Bơh bu\ lơh jăt ai càn priă tus ngai 30-6-2015, broă lơh do neh geh mờr 446 tơmàn 900 tơlăk priă mờ 22 rơbô 22 hìu geh càn priă, tơl hìu geh càn 20 tơlăk 300 rơbô priă. Bơta kuơ màng ngan là broă ai càn priă hìu ndrờm mờ rơ[ah geh sền là 1 bơta niam kờ` cau rơ[ah klàs mờ rơ[ah kơl jăp. Kung jăt ồng Nguyễn Tử Ân yal, bơta ngài bơh hìu rơ[ah mờ hìu ndrờm mờ rơ[ah do rềp ngan, kờp priă jăt tơl nă cau, hìu rơ[ah tàm [òn geh bơh 400 rơbô priă tàm 1 nă 1 nhai mù hờ đơm; hìu ndrờm mờ rơ[ah bơh 401 rơbô priă tus 520 rơbô priă tàm 1 nă 1 nhai. Den tàng, hìu ndrờm mờ rơ[ah, hìu pa klàs mờ rơ[ah di gơlan gơtìp rơ[ah wơl tu\ gơtìp kal ke tàm broă lơh sa mờ rài kis. Tàm tơngai do, kờ` hìu ndrờm mờ rơ[ah, hìu rơ[ah ờ gơtìp rơ[ah tai, anih priă jền dong kờl cau rơ[ah neh sồr ală mpồl lơh broă lơh jăt broă bơcri priă di tu\, mhar, di cau geh dờp, niam hìu rơ[ah mờ hìu ndrờm mờ rơ[ah in kờ` càn priă ndrờm geh lơh niam ngan. Bơdìh hơ\ tai, mpồl lơh broă do gam pơgồp bal mờ ală mpồl lơh broă ndai tàm ntum, sơnah [òn sùm sền gròi broă kờ` ngui priă tơnơ\ mờ tu\ hìu càn priă geh dờp priă; pơgồp bal mờ anih lơh broă bơto pơlam broă lơh sa suơn sre, brê bơnơm bơto sồr ală hìu geh càn priă in. Ală cau ngui priă càn gơtìp ờ niam tài geh ală bơta bè trồ prang, broă lơh ờ geh tơnhào, kòp lơh aniai tus mờ cồng nha ngui broă den anih priă jền bal mờ ală mpồl lơh broă ai càn priă sền gròi mùl màl kờ` geh broă dong kờl di pal bè lơh sră dan tơnguh tơngai tơm dồs, lời ing dồs…, di lah hìu càn priă kờ` mờ geh tơl bơta den pơn jăt tai ai càn priă bơtơl, mơya khà càn priă uă ngan 50 tơlăk priă tàm 1 hìu.

Gơtùi đơs, broă ai càn priă hìu rơ[ah mùl màl là bơnàng jăk kờ` cau rơ[ah klàs mờ rơ[ah kơl jăp. Pa do, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh geh kơrnoăt sồ 750 bè broă lơh wơl khà priă cồng tus mờ 1 broă ai càn priă dong kờl tàm hơ\ geh broă ai càn priă hìu ndrờm mờ rơ[ah, mờ priă cồng gơmù bơh 0,72% tàm 1 nhai rơlao 8,6% tàm 1 nam gam 0,66% tàm 1 nhai, mờr 8% tàm 1 nam geh tai bơta pràn kờ` cau rơ[ah in klàs mờ rơ[ah mờ tơnguh lơh pas di pa.

Cau mblàng Ndong Brawl