VOV4.K’ho - Tàm poh lài, Quốc hội cri bơyai bè broă lơh jăt khà dà lơgar bè ring bal cau klao mờ cau ùr.

Đơs niam cồng nha ring bal cau klao mờ cau ùr tàm tơngai do, mơya, ală kuang bang kung đơs là, tơngai tus pal geh broă lơh geh bồng nha kờ` gàr niam bơta ring bal cau klao mờ cau ùr tàm broă lơh, ai khà rơndăp broă tàm broă bơto, sơnam ơm jơh sơnam lơh broă, broă kờp priă nhai tu\ jơh sơnam lơh broă kung bè tơmù rơhời broă ờ ndrờm bal cau klao mờ cau ùr tu\ deh.

Jăt uă kuang bang yal, tàm ring bal bơh cau klao mờ cau ùr gam ờ pràn. Kuơ màng ngan, khà kuang bàng cau ùr tus bal tàm mpồl đơng lam cấp uỷ, gơnoar atbồ ală cấp mờ ròt chính trị gam ờ gal, ờ hềt tơl jăt mờ khà geh ai. Bơta sền gròi ngan là, jơnau g^t wă geh tam gơl, broă lơh sră nggal geh tơl^k uă mơya cồng nha gam ờ uă.

Geh bơta do là tài nùs nhơm g^t wă bal mờ broă lơh ờ hềt ndrờm bal. Kuơ màng ngan là tàm broă bơyai lơh ờ hềt nền nòn, geh tu\ gam lơh gời. Geh rơndăp broă ai cau ùr mu\t tàm mpồl kuang bàng đơng lam ală anih lơh broă atbồ dà lơgar, kuang bàng quốc hội, hội đồng nhân dân mơya mìng geh tơl khà bơnah rơhiang cau ùr, ờ hềt pơgồp mờ gơnoar broă den tàng pồ ờ tơl. Ồng Nguyễn Ngọc Phương, mpồl kuang bàng càr Quảng Bình đơs mùl màl:

-Uă kuang bàng đơng lam ală  cấp, tu\ sền rơwah kờ` tơn pồ ờ geh sền kuơ, ờ sền gròi tus mờ cau ùr.

Ờ ai tơl^k geh bơta niam cau ùr in. Mùl màl, geh kuang bàng Quốc hội 2 tơngai lơh broă ờ geh kuang bàng cau ùr; geh ală gah, mpồl lơh broă, gah broă kuang bàng, ban thường vụ sở, gah lơh broă đơng lam kung ờ geh cau ùr.

Den tàng, 16 tàm 22 khà geh ai den ờ hềt geh. Bơdìh hơ\ tai, geh ờ uă broă dong kờl bơh Đảng, Dà lơgar kung gam ờ sền gròi tus mờ cau ùr.

Dùl tàm ală tơngu me geh kuang bàng sền gròi ngan là broă ờ ring bal cau klao mờ cau ùr tàm sơnam jơh sơnam lơh broă bơh cau klao mờ cau ùr, lơh gơmù bơta niam kờ` drơng broă mờ gơguh jăk cau ùr dê.

Adăt geh ai sơnam ơm jơh lơh broă là 55 gơwèt mờ cau ùr, 60 sơnam gơwèt mờ cau klao, mơya jăt khà sră cih priă nhai, tơngai tơnguh priă nhai ndrờm bal. Broă kờp do ờ hềt ring bal tàm broă tơrgùm jơh kơrnoăt bal dà lơgar bè broă ring bal cau klao mờ cau ùr.

Ồng Trương Minh Hoàng, mpồl kuang bàng càr Cà Mau pơgồp jơnau đơs:

-Di lah gàr khà sơnam ơm jơh lơh broă ờ ndrờm bal 5 sơnam den broă kờp priă nhai, broă kờp tơnguh khà groăt broă pal lơh bè lơi tu\ neh jơh sơnam lơh broă ndrờm mờ cau klao.

Bè cau klao chuyên viên chính 3 nam tơnguh priă nhai 1 dơ\, tơnguh groăt 3 nam 1 dơ\ den cau ùr mìng geh 2 nam nggùl. Bè hơ\, tus sơnam jơh lơh broă den cau ùr geh dờp priă nhai ndrờm bal mờ rài kis cau klao dê.

Tàm broă ai khà, bơto bơtê, ai bơta niam kờ` tơn pồ nền nòn, sền gròi ba` kờp tus sơnam.

Ồng Lưu Bình Nhưỡng, kuang bàng càr Bến Tre đơs là, kơrnoăt tàm adăt boh lam bè sơnam jơh lơh broă là broă lơh geh nùs nhơm bơh lài tus tu\ do, tài lài do, adăt lơh broă ai cau ùr ơm gờ` rơlao.

Mơya bơta ờ di là ờ ai tơl bơta niam 1 bơnah cau lơh broă là cau ùr geh tơn jo\ tơngai lơh broă. Kờ` bơsong bơta do, ồng Lưu Bình Nhưỡng geh jơnau đơs:

-Sơnam jơh lơh broă jăt nùs nhơm kơlôi sơnơng a` dê tàm cau klao mờ cau ùr ndrờm bal. cau ùr geh gơnoar rơwah bơh sơnam 55 tus 60 là gơnoar cau ùr ờ go\ di là mìng ai cau ùr jơh sơnam lơh broă tàm tu\ tus 55 sơnam.

 Bơsong geh broă do, den hơ\ sồng geh bơta niam ring bal cau klao mờ cau ùr mờ 1 bơnah cau lơh broă là cau ùr geh bơta niam kờ` gơguh groăt mờ lơh broă tai.

Jăt jơnau yal bơh Chính phủ dê, broă tìs mờ adăt gơwèt cau lơh broă là cau ùr tàm ală anih lơh sa kă bro là geh uă ngan. Bơta niam broă lơh cau lơh broă là cau ùr gam ờ hềt ring niam mờ ờ kơl jăp, tài cau lơh broă là cau ùr mờng tơrgùm tàm gah geh bơta ngăc ngar ờ uă.

Geh 70% khà cau lơh broă cau ùr mờng lơh broă tàm ală gah, mpồl lơh broă bè broă drơng ơla, phan tà` may, kho\ zep; khà cau ùr geh bơto broă lơh ờ gal rơlao mờ cau klao; khà cau ờ geh broă lơh, ờ tơl broă lơh tàm cau ùr ndrờm uă rơlao mờ cau klao; rài kis pah nhai bơh cau ùr geh dờp sa priă nhai ờ uă rơloao 10,7% jăt mờ cau lơh broă cau klao.

Bơdìh hơ\ tai, broă ngui cau ùr lơh broă tàm sơnam 35 rơlao hờ đang ờ uă là broă geh pơnrơ ngan tàm anih lơh broă tu\ do. Bơh tàm mùl màl do, ală kuang bàng sồr; ală anih lơh broă geh gơnoar kơlôi sơnơng, sền wơl kờ` gờ` geh broă sền gàr gơnoar cau lơh broă, tàm hơ\ uă ngan là cau lơh broă là cau ùr mờ kờ` bơ\t bơtàu broă lơh di pal tàm tơngai tus.

Mò Trương Thị Bích Hạnh, mpồl kuang bàng càr Bình Dương đơs là:

-A` dan, bơdìh mờ khà pah nam tàm khà kờp jơh cau lơh broă geh ai broă lơh pa pal geh ờ uă ngan 40% khà ai cau klao mờ cau ùr in den tàng khà bè lơh broă geh bơto broă lơh bơh 3 nhai rơlao hờ đang, geh sră nggal dờp jơh bơsram pah nam jăt mờ Nghị quyết bè tơnguh bơtàu lơh sa mpồl bơtiàn Quốc hội dê kung pal gàr niam khà ờ uă ngan 40% ai tơl cau klao mờ cau ùr in.

Geh bè hơ\, hơ\ sồng gàr niam broă lơh, rài kis kơl jăp mờ ring bal mùl màl bơh cau lơh broă cau klao mờ cau lơh broă cau ùr tàm broă lơh.

Bộ trưởng Bộ Lao động-Thương binh mờ Xã hội ồng Đào Ngọc Dung mblàng tềng đăp Quốc hội bè ală broă lơh tàm tơngai tus kờ` pơn jăt tai lơh niam jăt khà ring bal cau klao mờ cau ùr, tàm hơ\ uă ngan là tàm broă ai khà, ai geh  khà cau lơh broă.

Bè broă bơsong ờ ndrờm bal priă nhai cau neh jơh sơnam lơh broă cau ùr lài mờ tơnơ\ mờ ngai 1 nhai 1 nam 2018, ồng Đào Ngọc Dung pà g^t, Chính phủ neh sền mờ geh jơnau yal mờ Uỷ ban Thường vụ Quốc hội, jơnau yal bơh Chính phủ jăt broă lơh geh gàr niam broă lơh jăt adăt boh lam, kơrnoăt tă, dờp mờ sền gròi tus mờ broă ring bal cau klao mờ cau ùr, lơh jăt broă lơh di pal mờ ờ lơh gơbàn ờ su\k ơm tus mờ mpồl bơtiàn.

Cau cih mờ yal tơng^t Ndong Brawl