VOV4.K’ho - Tàm rài kis geh ală tu\ he go\ gơlơh glar bòl, mơya ờ g^t tài bơta lơi. G^t loh ală bơta lơh gơbàn să jan glar bòl geh dong kờl he g^t mờ rơcang sơndră lài, kờ` sùm go\ nùs nhơm să bồ pràn kơl dang tàm ală broă lơh pah ngai. Ală cau jăk chài gah lơh sơnơm geh jơnau bơto sồr pal pleh mờ ală bơta mờng ờ niam kờ` nùs nhơm geh niam mờ geh uă bơta pràn tu\ lơh broă.

Ờ tàp pràn să jan:

Uă cau đơs là, ba` tàp pràn să jan là kờ` tềm pềr bơta pràn kung bè ờ lơh să jan gơbàn ờ sô. Jăt cồng nha kơlôi sơnơng bơh ală cau jăk chài lơgar Mỹ pà go\, ală cau sùm tàp pràn să jan 20 phút tàm 1 ngai, tàp sùm tàm 6 poh ndrờm ờ hoan go\ gơlơh glar bòl mờ sùm geh bơta pràn rơlao mờ mpồl cau ờ tàp pràn să jan. Tàp pràn să jan sùm geh dong kờl tơnguh bơta pràn mờ broă lơbơn niam, mờ niam ngan tus mờ nùs gùng mhàm. Den tàng, he pal lơh ngan ai ờ uă ngan 1 tu\ tàm ngai ơwa` să kờ` cèng geh uă bơta kuơ tus mờ bơta pràn kơl dang să jan.

Hùc ờ uă dà:

Ờ tơl dà là 1 tàm ală bơta tòm lơh gơmù mhàm, lơh gơs uă mhàm gơklăc, lơh ờ niam tus mờ bơta pràn kơl dang nùs gùng mhàm. Mờ ờ tơl dà kung lơh khà phan bơkah lòt tus tàm ală tiah bal mờ ală bơta phan tàm să gơmù, lơh să jan glar bòl mờ lơh nùs nhơm ờ chờ. Ală cau jăk bơto, he pal hùc pah ngai bơh 1 l^t nggùl tus 2 l^t dà kờ` ba` gơbàn gar bòl tàm să.

Ờ b^c tơl rơngal:

Ờ b^c tơl rơngal là 1 tàm ală bơta tòm lơh gơbàn gơguh lơmă mờ glar bòl. Den tàng, pal lơh ngan geh nùs nhơm sùm niam kờ` geh 1 dơ\ b^c lơhă mờ [uơn, mờ kung pal b^c tơl bơh 7 tus 8 jơ tàm 1 ngai.

Ờ gơdờp tơl sắt:

Ờ tơl sắt tàm să lơh să jan he gơbàn lơyah lơyài, glar bòl, nùs nhơm tu\ lơi kung ờ sơbăc sơbang mờ ờ gơtùi tơrgùm nùs nhơm lơh broă. Gơbàn geh bơta do, là tài să jan ờ tơl mhàm, ờ tơl oxy kờ` ròng ală bơta phan tàm să jan. Kờ` pleh mờ bơta ờ tơl mhàm, he pal sa ală bơta phan geh uă sắt bè poăc kơnrồ pơrlang, ală bơta khoah, tăp, tàm hơ\ geh bal kơnồng pơrhê, ală bơta biăp nha tơlir jù bè: biăp lơpuơn, cải bó xôi mờ ală bơta gar ra`. Mờ pal sa pơgồp bal ală bơta phan geh uă vitamin C kờ` broă gơdờp sắt bal mờ lơh gơs mhàm tàm să jan geh lơh geh cồng nha rơlao.

Ờ niam bơne\, kloh niam:

Ală cau jăk chài pà g^t, anih lơh broă bal mờ hìu đam [ơ\ [ơl kung lơh gơrềng ờ niam tus mờ nùs nhơm kòn bơnus, sền go\ nùs nhơm he ờ lơngăp lơngai mờ ờ tơrgùm rơlao tàm broă lơh. Den tàng, kờ` tơmù bơta do, he pal bơsram tàm broă sền gàr kloh niam anih lơh broă mờ sùm niam bơne\.

Ba` nền nòn ir:

Uă cau tài nền nòn ir tàm rài kis kung bè tàm broă lơh, ală cau do ai khà broă lơh uă ngan, mơya mùl màl ờ gơtùi geh ală bơta do. Bơh tu\ hơ\, cau do gơlơh glar bòl mờ ờ di nùs mờ ală broă lơh lơi mờ cau do kơ\p kờ`. Den tàng, ba` ai tơl^k bơta rồn bơklơn uă ir mờ bơta pràn să jan he dê, mờ mìng geh ai 1 khà di pal mờ lơh ngan geh khà neh geh ai do.

Ơ|t sa drim:

Ală cau jăk chài bè phan sa đơs là, dơ\ sa drim là dơ\ sa kuơ màng ngan tàm ngai mờ là tơngu me tòm kờ` ai phan sa geh kuơ ngan să jan in. Dơ\ sa drim geh tus 40% khà phan sa jơh ngai, den tàng pal là dơ\ sa tơl phan bơkah ngan. Ờ sa rim di gơlan lơh gơbàn ală bơta ờ niam tus mờ broă lơh să jan bal mờ nùs nhơm, mờ tơnguh rềs àr tàm broă lơh. Bơdìh hơ\ tai, ală cau ờ sa drim, khà vitamine mờ khoáng chất geh ờ tơl uă ngan, tàm hơ\ uă ngan là sắt mờ calci, lơh gơbàn glar bòl să jan.

~ô uă ir ơlăk, bièr:

Ală cau jăk chài pà g^t, angkôl geh tàm bièr, ơlăk lơh jơh dà tu\ phan do mu\t tàm să, lơh să he gơbàn glar mờ jê bồ. Den tàng kờ` să jan ờ gơbàn roh dà mhar, he pal pleh ha là tơmù `ô ơlăk, bièr. Do là broă lơh niam kờ` dong kờl tam gơl phan sa tàm să jan niam ngan. Ơla mờ broă `ô ơlăk bièr, he gơtùi hùc dà plai chi, ha là dà ce tơlir kờ` geh uă bơta kuơ sa jan in.

Hùc uă kơphe:

Dùl broă kơlôi sơnơng pà go\, hùc bơh 1 tus 2 li dà kơphe pah ngai geh dong kờl nùs nhơm geh niam mờ ngăc ngar. Mơya, di lah ngui juă phan caffeine pah ngai den lơh gơbàn stress, lơh tơmù bơta pràn sơndră mờ kòp, tơnguh broă di gơlan gơbàn kòp đồm sơdàng, nùs gùng mhàm mờ lơh ờ niam tus mờ dơ\ b^c.

Cau mblàng Ndong Brawl