VOV4.K’ho - Trồ prang duh lơh uă cau ờ gơbàn sào sa. Broă sào sa ờ tơl [uơn ngan gơbàn să jan ờ pràn. Tàm jơnau “Pràn kơl dang să jan mờ rài kis” ph do, bol a` geh yal ờ uă phan sa niam geh ngui tàm tu\ trồ tiah prang duh.

Mùl màl, tu\ trồ tiah prang duh, uă cau ờ gơbài sào sa. Di lah trồ tiah tơngai duh jo\ den pal jòi ală bơta phan sa ris niam. Ală phan sa tơnơ\ do geh lơh tơmù duh:

Bè dà hùc, geh ờ uă bơta biăp, kơnuh, plai chi bè cà rốt, plai mơ, plai đào geh uă vitamin A gơtùi lơh să jan pràn sơndră mờ bơta sòl bơh măt tơngai dê. He pal ngui ală bơta phan do tu\ gam ris ha là tơrdih gơs dà, tài tu\ tru\ sin, ală bơta phan do lơh roh vitamin A mờ ală bơta vitamin ndai tai.

Geh ờ uă bơta phan sa ndai bè cần tây, mùi tây, thì là, ha là plai sung, ba` sa lài mờ tu\ l^k tàm trồ tiah tơngai duh, tài ală bơta phan do lơh gơtìp sơndră wơl.

Biăp mờ plai chi gam ris là ală bơta phan sa niam ngan tàm kàl duh, ờ mìng tài kờ` geh ală bơta vitamin, chất khoáng mờ chất xơ mờ gam geh ală bơta sơndră mờ oxy hoá mờ dong kờl tơnguh broă sơndră mờ kòp să jan in. Pah ngai 1 nă cau pal sa ờ uă ngan 200 gram plai chi mờ 300 gram biăp ris ală bơta.

Biăp, plai chi sa tơn niam rơlao. Ală bơta plai chi geh uă dà mờ ờ hoan lơngồt bè plai tahnh long, plai bung, plai sơkò, plai kroăc, plai rơbung bơtang…geh lơh să jan he tơmù duh rơlao mờ ală bơta plai chi lơngòt ndai bè prìt, pơnăt, jràng… kờ` să jan geh mrềt niam, niam ngan he pal hùc dà plai chi bal mờ dà lu\ ha là dà bơh plai chi neh tơrdih.

Trồ tiah duh, phan sa gơtìp pơr-ìu mhar ngan, den tàng bơta di gơlan gơbàn khih phan sa là uă ngan. Den tàng, ba` sa ală bơta phan neh lơh lài tăc tàm ală hìu tăc phan sa. Ba` lời ală phan sa [uơn gơtìp pơr-ìu bơdìh tùh mrềt rơlao 4 jơ.

Tu\ trồ tiah tơngai duh, he pal kah hùc uă dà

Bè ờs, tơl nă cau pal hùc 1 l^t nggùl dà pah ngai. Mơya tu\ trồ tiah tơngai duh ha là tu\ nhơl tàp pràn să jan den khà dà hùc pal tơnguh uă kờ` bơtơl mờ dà uă ngan gơtìp roh tài gơl^k kơlhề.

Tàm hơ\ pal kah, kơnòm dềt hờ đơm 5 sơnam tài ngir nhơl ờ g^t tu\ tơhìr dà mờ cau dờng sơnam ờ gơlơh tơhìr dà. Tàm ală bơta, ba` kơ\p tus tàm tu\ tơhìr dà hơ\ sồng hùc dà.

Mờ ală cau dờng, tàm ală ngai trồ tiah tơngai duh den ba` lơh broă mờ lòt rê tàm tu\ trồ tơngai duh, sa uă ir, `ô ơlăk mờ ală broă tàp pràn să jan uă ir. Niam ngan he pal soh ală ào, mpha lơhơ mờ biày [uơn gơmu\t dà kơlhề.

Tu\ ơwa` să tàp pràn să jan, să jan gơl^k duh uă rơlao 5 dơ\ mờ bè ờs, lơh soăt dà geh tàm să. Den tàng, niam ngan là ba` ơwa` să, tơmù tơngai tàp pràn mờ hùc dà uă rơlao tàm tu\ tàp pràn să jan.

        Cau cih mờ yal tơng^t Ndong Brawl