VOV4.K’ho - Mpồl rơwas ròng tàm càr Dak Lak gơmù uă ngan, tu\ do mìng gam 40 nơm. Kơrian ờ ai broă ku\p ròng rơwas brê, mờ rơwas ròng den ờ deh kòn, den tàng ờ jo\ tơngai tai, mpồl rơwas ròng tàm càr Dak Lak đơs is, Tây Nguyên đơs bal di gơlan gơbàn ờ geh tai jơh. Tàm broă ờ su\k ơm bè bơta di gơlan gơbàn ờ geh rơwas ròng, ală broă lơh bè broă sền gàr rơwas gam geh lơh, lài ngan neh geh cồng niam.

Ồng Y Mứ Buôn Krông, cau tòm ròng rơwas Bang Nang tàm kơnhoàl Lak, càr Dak Lak gam kờp sùm tơngai tus ngai rơwas deh kòn. Jăt broă kờp bơh ală bác sĩ thú y lơh broă tàm anih sền gàr rơwas càr Dak Lak mờ mpồl phan kis châu Á yal, di gơlan rơwas Bang Nang geh deh kòn tàm lồi nhai 9 do.

                                   Bơta tơngo\ niam broă sền gàr rơwas tàm càr Dak Lak

Di lah deh kòn niam, do là dơ\ sơnrờp tơnơ\ mờ 30 nam 1 nơm rơwas ròng geh deh kòn. Do geh sền bè 1 nùs nhơm kơ\p kờ` uă ngan bơh ală cau lơh broă sền gàr rơwas tàm Tây Nguyên tu\ do dê. Rơwas do gam geh sền gàr nền nòn ngan tàm tiah geh tơl bơta niam, di pal mờ broă ơm kis mờ deh kòn rơwas dê. Bè bơta pràn să jan rơwas Bang Nang tu\ do, ồng Y Mứ pà g^t:

- Bơta pràn kơl dang să jan rơwas Bang Nang tu\ do gam bè ờs. Ală bác sĩ thú y lơh broă tàm anih sền gàr rơwas gam sền gròi pah ngai sùm, ờ pah 1 ngai lơi.

Bal mờ rơndăp broă kơlôi sơnơng kờ` rơwas ròng deh kòn, anih sền gàr rơwas càr Dak Lak neh dong klàs geh cồng nha 2 nơm rơwas brê.

Hơ\ là rơwas Gold, 2 nhai nrah mờ me, geh dong kờl tơnơ\ mờ tu\ gơbàn gơdùh tàm bơtô kơnhoàl Ea Súp pơgăp mờ do rơlao 1 nam, tus tu\ do, rơwas Gold gam kis niam tàm ù tiah kis ndrờm mờ tàm brê.

Gam 1 nơm rơwas ndai tai geh sơnđan là Jun, geh dong kờl tàm tu\ gam gơbàn ờ sô să ngan, jơng rơwas do mờr tăc mờ neh gơbàn ồm tài yar dă, tơnơ\ mờ 1 tơngai lơh ngan sơm sồt bal mờ broă dong kờl bơh ală cau jăk chài tus bơh dunia, bơta pràn kơl dang să jan rơwas Jun tus tu\ do geh niam.

Bal mờ hơ\, bơh “Rơndăp broă mhar sền gàr rơwas càr Dak Lak tus nam 2020” broă lam sồr ală cau tòm ròng rơwas neh geh lơh. Ồng Huỳnh Trung Luân, atbồ anih sền gàr rơwas càr Dak Lak pà g^t:

- Tu\ lơh ală rơndăp broă sền gàr rơwas den ală cau tòm ròng rơwas tàm càr Dak Lak dong kờl bol a` lơh jăt broă do uă ngan, tài ală cau ròng rơwas neh g^t di lah ờ gam geh rơwas tai den Tây Nguyên do roh bơta kuơ dờng màng ngan mờ să tòm ală cau ròng rơwas kung ờ geh priă geh bơh broă ngui rơwas do, den tàng ală cau ròng rơwas pơgồp bal nền nòn ngan mờ bol a` tàm broă sền gàr, pah ngai kung bè tu\ gơbàn kòp, lơh gơbàn ờ niam tus mờ bơta pràn să jan den lơh broă bal niam ngan mờ đah thú y kờ` sơm tus tơl nơm rơwas in.

Jăt khà kờp, càr Dak lak tu\ do gam rơlao 40 nơm rơwas ròng, tàm hơ\ geh 25 nơm rơwas me mơya mìng gam geh 7 nơm rơwas me gam tàm sơnam deh kòn. Broă rơwas me Bang Nang mờr deh kòn là 1 cồng nha kuơ màng tàm broă lơh ngan sền gàr rơwas tàm càr Dak Lak tơngai pa do.

Mơya, kờ` broă sền gàr mờ lơh geh cồng nha rơlao tai, ồng Tuấn Bendixsen, atbồ ala măt mpồl lơh broă phan kis tàm brê bal mờ rơwas ròng yal, tơnguh wơl mờ sền gàr mhàm phan kis, lam sồr làng bol lơh jăt adăt boh lam, sền gròi ală broă kă bro, pơn diang ờ di mờ adăt boh lam bla rơwas mờ phan bơh rơwas den càr Dak Lak pal sền gròi rơlao tai tus mờ bơta tiah kis, tơnguh wơl bơta pràn rơwas. Ồng Tuấn Bendixsen pà g^t:

- Mờ ală broă lơh lài ngan bè do den he pal tơnguh wơl rài kis mpồl rơwas tu\ do in. Mpồl rơwas ròng he dê pal đơs là neh kra, neh rơlao mờ sơnam deh kòn, den tàng he pal tơn jơh mơ broă ai rơwas lơh broă uă ir.

Pal mu\t lơh wơl di lah he kờ` geh rơwas tơnơ\ do den he pal lơh bè hơ\ ờ geh broă lơh lơi tai ndai, tài tu\ do, gùt càr mìng gam di pơgăp 40 nơm rơwas.

Rơwas là rùp rài bơta chài rơgơi Tây Nguyên dê, kơ\p kờ` mờ ală broă lơh ngan bơh càr Dak Lak dê bal mờ broă dong kờl bơh ală mpồl lơh broă dunia, broă sền gàr tàm càr Dak Lak geh pơgồp bal tơnguh wơl khà mpồl rơwas ròng tàm tơngai tus.

Cau cih mờ yal tơng^t Ndong Brawl