VOV4.K’ho - Kòp klờm soh là 1 tàm ală kòp tàm gùng tă nhơm mờng gơbàn, tàm hơ\ uă ngan là tu\ trồ tiah tam gơl kàl. Kòp geh khà cau gơbàn tàm mpồl bơtiàn uă ngan, tàm hơ\ uă ngan là tàm kơnòm dềt hờ đơm 5 sơnam tài bơta pràn să jan sơndră mờ kòp gam ờ pràn. Kòp klờm soh tàm kơnòm dềt di lah ờ go\ gờ` mờ sơm kòp di pal, lơh gơrềng ờ niam uă ngan tus mờ broă dờng pràn să jan, bơta ngăc ngar bồ tơngoh kòn dềt dê.

Bơh nhai 8 tus tu\ do, gah sơm kòp kơnòm dềt hìu sơnơm [òn dờng Buôn Ma Thuột sùm dờp kơnòm dềt gơbàn kòp klờm soh tus piam kòp. Mìng tàm 2 nhai do neh geh 750 nă kơnòm dềt pal piam kòp tàm hìu sơnơm do. Lo\ Nông Thị Tâm, kis tàm ntum Cư\ Mốt, kơnhoàl Ea H’ Leo, càr Dak Lak cèng kòn tus gah sơm kòp kơnòm dềt, hìu sơnơm [òn dờng Buôn Ma Thuột kờ` sơm kòp klờm soh gơbàn wơl. Lo\ Nông Thị Tâm pà g^t: “Kòn a` bơsiă, duh să mờ gơl^k dà muh. Do là dơ\ 2 kòn a` tus piam kòp. Bác sĩ yal kòn a` gơbàn kòp tàm klờm soh. Tu\ gơbàn kòp, kòn a` ờ gơbài sào sa. Tu\ duh să den duh ngan, gơrơm jơh să”.

Tàm khà uă kơnòm dềt gơbàn kòp tàm klờm soh gam piam kòp tàm gah sơm kòp do, geh uă ngan kơnòm hìu nhă sơm kòp is tàm hìu, mơya ờ bời mờ tus piam tàm hìu sơnơm tàm bơta kòp neh jroă. Oh Lê Võ Quỳnh Anh, 10 nhai, kis tàm sơnah [òn Tân Lợi, [òn dờng Buôn Ma Thuột tus hờ hìu sơnơm tàm bơta duh să uă, tă nhơm ờ pràn khò khè, ntơh gơrồt. Mè oh pà g^t: “Rơlao 1 nhai do kòn a` gơbàn tă nhơm ntas khò khè, trồ mang ờ b^c, `ìm uă. Hìu nhă neh cèng tus kham uă tiah, hùc sơnơm uă mơya kung gam ờ go\ bời kòp”.

Bác sĩ chuyên khoa 1 Cao Hoàng Phong, kuang atbồ gah sơm kòp kơnòm dềt, hìu sơnơm [òn dờng Buôn Ma Thuột pà g^t: tàm tơngai tam gơl kàl, trồ tiah mrềt mờ sùh ìo tàm trồ tiah uă den kơnòm dềt [uơn ngan gơbàn kòp tàm klờm soh: “Bơh tàm bồ nhai 6 den cau kòp tàm gùng tă nhơm tus piam kòp gal ngan, tàm hơ\ kòp tàm klờm soh tơnguh ni sơna. Ală bơta lơh gơbàn kòp do geh: lài ngan là tài tam gơl trồ tiah, duh, ram, mìu uă. Dơ\ 2 là sơnam mờ să jan kơnòm dềt. dơ\ 3 là bơta ngăc ngar tàm broă sền gàr kơnòm dềt bơh ală cau mè, cau bèp gam ờ uă. Dơ\ 4 là geh ờ uă hìu nhă ờ hềt tơl tàm broă sền gàr, ai phan sa tơl bơkah kòn dềt in, den tàng kòn dềt [uơn gơbàn kòp”.

Bơta mờng gơbàn bơh kòp tàm klờm soh kơnòm dềt là duh să, glar tă nhơm, glar tàm să, ờ gơbài sa… gơl^k kờ` tam cah is kòp tàm klờm soh mờ ală kòp nggù ndai là kòn dềt tă nhơm sơbăc rơlao mờ bè ờs, săp tă nhơm khò khè. Di lah ờ go\ gờ` mờ sơm kòp di tu\, kòp do di gơlan lơh ngòt rơgơ\t bè as klờm soh, mồr mhàm, kòp tàm tơngoh, gơl^k ndơng klòm soh, gơl^k nhơm klờm soh… jroă rơlao lơh gơbàn ờ pràn tă nhơm, mờ gơbàn chơ\t. Kờ` rơcang sơndră mờ kòp tàm klòm soh, bác sĩ Cao Hoàng Phong bơto: “Ai kòn dềt in sào sa tơl bơkah, lơh ram să kòn dềt in tu\ trồ tiah mrềt. tu\ go\ duh să, bơsiă chàu ngko den pal cèng mơ kòn dềt tus hờ hìu sơnơm kờ` kham mờ bơto sồr tàm broă sơm kòp di pal. Ba` blơi is sơnơm sơm kòp tàm hìu, tài di lah tơngo\ kòp jroă mờ ờ sơm kòp di tu\ den lơh gơbàn ală bơta ờ niam”.

Bơdìh hơ\ tai, ală cau mè, cau bèp pal kah cèng kòn dềt lòt c^t sơnơm vaccine sơndră mờ kòp tơl mờ di tơngai; ai kòn dềt in pô mờ dà toh mè tàm 6 nhai. Cau ùr geh bun pal sền gàr să bun nền nòn, tơmù kòp klờm soh kòn dềt pa deh in.

Kòp klờm soh tàm kơnòm dềt là kòp mờng gơbàn mờ [uơn gơbàn wơl. Tu\ kòn dềt gơbàn, cau mè, cau bèp ba` sơm is kòp tàm hìu tài di lah kòp ờ geh sơm kòp di pal den broă gơbàn sơndră mờ kòp là uă ngan. Di lah kòp gơbàn wơl uă dơ\ geh lơh ờ niam tus mờ bơta dờng pràn să jan bal mờ bồ tơngoh ngăc ngar kòn dềt dê.

Cau cih mờ yal tơng^t Ndong Brawl