VOV4.K’ho- Tơnguh uă cồng nha mpồl cau lơh broă là jơnau kuơmàng, lơh nền nàng lơh pràn bơtàu tơnguh lơh sa- mpồl bơtiàn, gơmù r[ah kơ\ kơl jăp tiah jơi bơtiàn kòn cau mờ tiah kơh bơnơm. Mơya nàng gơtùi tơnguh uă cồng nha mpồl cau lơh broă kuơmàng là mpồl cau lơh broă là jơi bơtiàn kòn cau den jơnau kuơmàng ngan rlau jơh kung gam sơl là bơcri priă bơto bơtê in.

Broă rơndăp ù tiah, rề ơnàng lơh uă ală hìu bơsram Phổ thông kòn cau ơm sa tơn tàm hìu bơsram, Hìu bơsram kòn cau ơm sa ngai tàm hìu bơsram, dong kờl priă jền, phe sa ai ală oh là hìu bơnhă gơ wèt jơi bơtiàn kòn cau r[ah geh tơl bơta nàng bơsram sră tơnguh uă bồ tơngoh jak chài den kờ` pal geh sền gròi. Ală kấp, ală gah pal đơs dipal bơta geh ngan ală hìu bơsram bơto broă lơh ai oh kòn hìu bơnhă jơi bơtiàn kòn cau in nàng geh bơta tam gơl gơ in dipal, jăt gùng dà tơnơ\ tu\ jơh bơsram broă lơh lik klờng den pal jòi geh broă lơh, bơsong te\ jơnau geh cau pơgru bơto broă lơi, den bơto broă lơh hơ\, jơh bơsram broă lơh mơya ờ jòi geh broă lơh. Bơh hơ\, lơh pràn broă kơlôi sơnơng, lùp jơnau đơs bơh ală cau jak chài, ală cau ătbồ, ală bộ, ală gah mờ ală tiah dê nàng gờ` jun yal mờ Chính phủ, Thủ tướng Chính phủ in lơh nền ai tơlik 2 rơndăp broă lơh: Bơto tiến sĩ, thạc sĩ ai cau jơi bơtiàn kòn cau in bơh kes priă dà lơgar dê mờ broă krơi is rwah công chức, viên chức cau jơi bơtiàn kòn cau lơh broă tàm tiah jơi bơtiàn kòn cau mờ tiah kơh bơnơm tàm ală anih lơh broă chính trị.

Bal mờ hơ\, jơh nùs lam lơh jăt rơndăp broă lơh, bơto tề lam bơta gi\t wa\ jơi bơtiàn ai công chức, viên chức tàm ală anih lơh broă chính trị in jăt Kơrnoat 771 bơh Thủ tướng Chính phủ dê. Lam lơh dùl ròt bal ală broă lơh lơh jăt geh cồng nha Kơrnoat 52 ngai 15/6/2016 bơh Chính phủ dê bè lơh pràn bơtàu tơnguh mpồl cau lơh broă ală jơi bơtiàn kòn cau tơngai bơh nam 2016- 2020, pơlam gùng dà tus nam 2030.

Ồng Tô Đức Kuang ătbồ Văn phòng Dà lơgar bè gơmù r[ah gơ wèt Bộ Lao động, Thương binh mờ Xã hội dê đơs là: Bồ tơngoh bơta pràn jak bơh mpồl cau lơh broă lơgar he dê gam uă bơta ờ hềt pràn jak. Tài bơh uă ngan mpồl cau lơh broă là cau lơh broă [ươn, khà cau lơh broă geh bơto broă lơh jak chài ờs mờng mìng dùl êt lơm ờ hềt uă, cau chài tàm broă lơh ờ huan uă…Den tàng bè hơ\, pràn jak bơtê lơh ngan ngồn mờ lơh broă is bơh cau lơh broă dê ờ hềt uă. Ngan den tàng bè hơ\, nàng gơmù r[ah ngan là tàm tiah jơi bơtiàn kòn cau den ờ gam bơta lơi ndai tai là pal tơnguh uă bồ tơngoh gi\t wa\ tu\ hơ\ den hơ\ sồng kơlôi tus broă gơmù r[ah kơ\ kơl jăp.

Ồng Tô Đức, đơs: Jăt a` den cồng nha mpồl cau lơh broă tiah làng bol jơi bơtiàn kòn cau mờ tiah kơh bơnơm pơndrờm mờ tiah ring den ờ hềt uă, mìng dùl êt lơm. Kờ` dong ai cau r[ah, cau digơlan gơbàn r[ah wơl, cau jơi bơtiàn kòn cau geh pràn jak brồ guh, gơtùi jòi broă lơh, lơh gơlik geh is broă lơh, lơh gơlik geh priă jền den bol he pal lời priă jền nàng bơcri tơnguh uă bơta pràn jak ai cau r[ah in, bè: bơto bơta chài tàm broă lơh, dong kờl jòi broă lơh halà bơyai lơh ală broă lơh broă sa ndai dipal mờ bơta pràn jak tơn tàm tiah ơm kis.

VOV4 cih- Cau mblàng Lơ Mu K’Yến