Ală broă lơh gơtìp ờ ai lơh tàm broă ngui mờ atbồ ù tiah jat jơnau cih bơh bơta 12 adat ù tiah nam 2013 dê geh:

Sơ gràm, lơh aniai ù tiah;

Lơh tìs rơndap ù tiah, rơndap broă ngui ù neh geh yal;

Ờ ngui ù, ngui ù ờ di jơnau kờ`;

Ờ mut lơh jat jơnau cih adat boh lam dê tu\ mut lơh gơnoar cau ngui ù dê;

Dờp jàu gơnoar ngui ù lơh sa suơn sre sơr lèt rlau mờ khà geh ai tus mờ hìu nhă, cau 1 nă să jat jơnau cih adat do dê;

Ngui ù, kă bro gơnoar ngui ù mờ ờ cih mat mờ anih lơh broă dà lơgar geh gơnoar;

Ờ mut lơh halà mut lơh ờ tơl làm kơ nòl priă jền tus mờ dà lơgar;

Sơ mờm gơnoar broă nàng lơh tìs jơnau cih bè adat atbồ ù tiah;

Ờ yal hala yal jơnau tơngit bè ù tiah jat jơnau cih adat boh lam dê.

Kơryan, lơh gơbàn kal ke tus mờ broă mut lơh gơnoar cau ngui ù dê jat jơnau cih adat boh lam.

Bơta 11, adat ù tiah nam 2013 cih bè broă đal git ală bơta ù kơ nờm tàm 1 tàm ală sră pơ àr tơ nơ\ do:

a).Sră ngui ù, sră dờp gơnoar ngui hìu ơm mờ gơnoar ngui ù ơm neh geh lơh lài mờ ngai 10/12/2009; Sră ngui ù, sră ngui hìu ơm mờ phan bơna ndai gơ jat mờ ù;

b).Tu\ ờ hềt geh lơh sră cơng tàng geh cih tàm bơta a neh yal hơđăng den kơnờm tàm 1 tàm ală bơta sră pơ àr tơ nơ\ do:

-Ală sră pơ àr bè gơnoar geh ngui ù lài mờ ngai 15/10/1993 bơh anih lơh broă geh gơnoar lơh tàm tơngai mut lơh gùng dà broă lơh ù tiah dà lơgar Việt Nam, gơnoar atbồ kac màng ing tiah đah jum lơgar Việt Nam mờ dà lơgar Việt Nam;

-Sră gơnoar ngui ù ing geh anih lơh broă dà lơgar geh gơnoar lơh halà geh mat tàm sră cih ù tiah, sră sền gròi ù tiah lài mờ ngai 15/10/1993;

-Sră pơ àr di mờ adat boh lam bè dờp wơl, pà gơnoar ngui ù halà phan bơna gơ jat mờ ù, sră jàu hìu nùs nhơm gơ jat mờ ù;

-Sră pơ àr tam gơl gơnoar ngui ù, kă bro hìu ơm gơ jat mờ ù ơm lài mờ ngai 15/10/1993 geh anih duh broă làng bol ntum dờp là neh ngui lài mờ ngai 15/10/1993;

-Sră tac hìu ơm gơ jat mờ ù ơm, sră blơi hìu ơm di gơnoar atbồ dà lơgar jat jơnau cih adat boh lam dê;

-Sră ngui ù bơh anih lơh broă geh gơnoar rài atbồ lơgar lài do lơh cau ngui ù in;

-Ală bơta sră pơ àr ndai geh lơh lài mờ ngai 15/10/1993, geh cih mùl màl tàm bơta 18 kơrnuat sồ 43 bơh gơnoar atbồ lơgar dê tơlik ngai 15/5/2014, cih mùl màl lơh jat ờ uă bơta bơh adat ù tiah.

-Kơrnuat jàu ù, ai ơpah ù, ai gơnoar tam gơl jơnau kờ` ngui ù bơh anih lơh broă dà lơgar geh gơnoar dê;

c).Tu\ ờ geh sră cih tàm bơta a, b bè neh yal hơđăng den broă đal git ală bơta ù geh mut lơh jat jơnau cih tàm bơta 3, kơrnuat sồ 43 bơh gơnoar atbồ lơgar.

                                                            Cau mblàng K’ Duẩn.