VOV4.K’ho - Kờ` geh 1 kơl dung mhàm kloh niam ai cau kòp in, pal geh broă pơgồp bal bơta pràn bơh uă cau. Mpồl bơtiàn mờng g^t tus mờ pơn jờng ală cau tus bal tơn dong kờl ai mhàm is. Mơya ờ hoan geh cau g^t là, kờ` geh ală kơl dung mhàm kloh hơ\, mpồl cau lơh sơnơm, cau lơh broă tàm anih ai mhàm càr Dak Lak pal lơh broă mùl màl nền nòn, sơlèt mờ ală kal ke mờ phan lơh broă ờ tơl.

Di 4 jơ àng drim, ală kuang bàng lơh broă tàm anih ai mhàm càr Dak Lak neh tơrgùm gal kờ` lơh jăt broă lòt ai mhàm dong kờl is geh bơyai lơh tàm kơnhoàl Ea Su\p, ngài mờ [òn dờng Buôn Ma Thuột rơlao 70 kơi sồ. Guh b^c gờ` ngan, rơcang tơl ală phan kờ` lòt lơh broă ngài tàm ală ngai kuơ màng, ngai dơ\ 7, ngai rơlô neh gơs là ală dơ\ lòt lơh broă ờs mờng ală kuang bàng lơh broă gah lơh sơnơm dê. 29 nam lơh broă do, cau chài sền kờ` g^t mhàm Đặng Văn Hoá pà g^t: “Sền bơdìh gời den uă cau đơs là, do là broă lơh [uơn ờ kal ke. Mơya mùl màl ờ di bè hơ\. Ală kuang bàng geh ai lòt lơh broă pal geh tơl broă lơh mờng chài, bơta ngăc ngar tàm broă lơh kờ` tơmù ờ uă ngan bơta jê tus mờ cau ai mhàm dong kờl is. Bơdìh hơ\ tai, 1 kơl dung mhàm di lah ờ tơl niam den lơh aniai uă ngan tus mờ nùs nhơm cau ai mhàm dong kờl is…”

Mhàm tơnơ\ mờ tu\ neh dờp geh cèng tus anih ai mhàm kờ` lơh jăt ală broă sền kờ` g^t, sơbì ală kơl dung mhàm ờ niam. Pơn jăt tai là tam cah kis mpồl mhàm mờ ai tơmu\t tàm broă lơh gơs ală phan mhàm. Tàm do, nùs nhơm lơh broă ờ ru ngan, pal sơbăc ngan, di pal ngan. Tơl nă cau 1 broă lơh: cau lơh jăt broă tă ding kơl dung mhàm, cau den tam cah is mpồl mhàm kờ` rơwah, ai khà mhàm tơmu\t tàm măy mờ` mblàng, cau ndai sền sền gròi nền nòn tus tơl ală bơta tàm broă prăp gàr mhàm kờ` geh tơl bơta niam, geh cau cih, sền gròi sră nggal kờ` ai kơl dung mhàm c^t tơmu\t tàm să di cau kòp… Ală broă lơh, lơh gơs 1 tiah lơh broă niam bơne\ ngan. Bi Lại Đức Trường, cau atbồ mpồl cau lơh broă anih ai mhàm càr Dak Lak pà g^t, tơl kơl dung mhàm pal geh sền nền nòn ngan, dong kờl cau kòp tơmù bơta di gơlan gơbàn gơtòp ală kòp bè: HIV, viêm gan B, viêm gan C…

Tu\ do, anih ai mhàm càr Dak Lak geh 16 nă kuang bàng, cau lơh broă. Di lah pơndrờm mờ broă lơh, den anih ai mhàm do gam ờ tơl uă cau lơh broă. Mờ nùs nhơm geh kơnòl uă, gùt mpồl kuang bàng lơh broă tàm anih ai mhàm sùm tam pà bal, dong kờl bal lơh gơs niam broă lơh, gàr niam khà mhàm geh. Cau lơh broă sùm gàr ngai kung bè mang kờ` tu\ lơi kung geh tơl mhàm tu\ cau kòp kờ` mờ bơsong ală broă gơbàn ni sơna di gơlan gơl^k geh tàm broă ai mhàm. Kơnờm mờ hơ\, ală nam do, uă cau kòp gơbàn rềs àr, cau bun deh kòn gơl^k mhàm uă tơnơ\ mờ tu\ deh, cau kòp ờ tơl mhàm… geh ai mhàm di tu\ neh sơlèt mờ ală bơta jroă.

Bè bơta bơh lo\ Lê Thị Hoan, geh kòn gơbàn kòp tàm mhàm bơh dềt kis tàm [òn Giang Thành, ntum Ea Dah, kơnhoàl Krông Năng là 1 nă cau kờ` đơs pơniơu. 9 nam do, kơnờm mờ broă ai mhàm tơl, di tu\ den tàng bơta pràn kơl dang să jan kòn ùr lo\ Hoan neh ring niam. Lo\ Lê Thị Hoan ngoh rơngăc đơs, tài kơnờm bơh anih ai mhàm càr Dak Lak den tàng mè mờ kòn lo\ ờ pal lòt ngài, ờ pal hoàc huơr uă priă jền: “Tu\ ờ hềt tơmu\t mhàm den kòn a` glar bòl ngan, mìng b^c 1 bă, sào sa ờ gơtùi. Tơnơ\ mờ tu\ neh tơmu\t mhàm, den go\ să bồ kòn niam, pràn kơl dang, chờ hờp rơlao”.

Đơs bè nùs nhơm geh kơnòl mờ broă geh jàu, bác sỹ Trần Thị Kim Hồng, kuang jăt jơng atbồ anih ai mhàm càr Dak Lak pà g^t: “Bol a` sùm ai broă lơh bè lơi ai geh mhàm kờ` tơmu\t cau kòp in là kơnòl gùng dră bal lài ngan. Den tàng, ală tu\ lơi ha là tàm tiah lơi ngài ngan, trồ tiah ờ niam, kal ke bè lơi bu\ gơ, bol a` kung pal lơh ngan tơrgùm geh tơl khà mhàm kờ` tơl broă sơm kòp in. Tiah ngài den bol a` lòt gờ`, tiah rềp den lòt jơla rơlao”.

Mờ ală broă lơh ngan ờ ngòt glar bòl, tàm uă nam do, mpồl kuang bàng, cau lơh sonơm tàm anih ai mhàm càr Dak Lak sùm là mpồl lơh broă jăk chài, uă dơ\ geh Kuang atbồ gah lơh sơnơm dà lơgar, Anih duh broă làng bol càr pà sră jòng rơ. Broă pơn jờng do sơlơ lam sồr ală kuang bàng, cau lơh broă tàm anih ai mhàm càr Dak Lak lơh ngan lơh gơs kơnòl, pơgồp bal kuơ màng tàm broă tus bal dong klàs cau kòp.

Cau cih mờ yal tơng^t Ndong Brawl