VOV4.K’ho-Biăp sa là phan sa ờ gơtùi ờ geh tàm dơ\ sa pah ngai bơh tơl hìu bơnhă dê. Tềng đap ală jơnau pơhìn digơlan gơtìp ờ kloh niam phan sa bơh biăp sa, cau ngui sa neh sền ngac rlau tu\ sac rwah ală phan sa geh anih lơh loh làng. Tàm [òn dờng Buôn Ma Thuột, càr Daklak, uă hìu bơnhă kơrhia rlauy neh tam is biăp tàm hìu kờn lơh geh biăp bơkah ờ [ơ\ [ơl nàng ngui sa tàm dơ\ sàu sa pah ngai mơkung lơh geh ù tiah tơlir niam ai hìu đam in tai…

Tềm pềr mờ sền gàr niam tai ờdo ờdă phan sa, uă nam do, hìu bơnhă mò Nguyễn Thị Thu kis tàm sơnah [òn Tự An, [òn dờng Buôn Ma Thuột, càr Daklak neh ngui jơh bă ù tàm sươn nàng tam is biăp. Mờ rlau 10 meccare ù, mò Thu neh tam uă bơta biăp, bè biăp sơvê bơtăng, sơvê lơngồt, mồng tơi, rơhum, khuah, sơlăt, mờ ală biăp nha [ô, han, ngo, húng, mre\...Sơngka sền gàr niam, sươn biăp mò Thu dê tơl nàng ngui sa ai jơh hìu bơnhă ală kòn in. Mò Nguyễn Thị Thu, pà gi\t: “Tu\ do, cau tam biăp [ồm uă ngan sơnơm, den tàng bơh tu\ rê rlô lơh broă tus tu\ do, a` sùm tam biăp, dơ\ dùl là nàng kờn geh biăp sa ai ùr bơklau a` in dơ\ bàr là nàng kờn geh biăp ai ală sau rềp ndo in, mơkung pơyua biăp kòn in tàm Sài Gòn sơl. Kàl lơi den tam biăp hơ\ kung geh tơl sơl biăp sa gùt nam sùm, tu\ lơi kung geh lơm”.

Jơnau ngai sơlơ tam is biăp sa tàm hìu gam ngai sơlơ geh lơh uă tàm uă hìu bơnhă tàm [òn dờng Buôn Ma Thuột, càr Daklak dê. Bơh ù sươn dềt gùt dar hìu tus dì rơng hìu, hơđang hìu kung geh ngui jơh nàng tam biăp sơl. Mờ rơng hìu ơnàng ờ hềt tus 3 meccare, hìu bơnhă bi Trần Minh Hương, kis tàm sơnah [òn Thống Nhất, neh lơh ală anih tam biăp mờ broă lơh tam mờ dà: “Hìu a` geh kòn dềt, den tàng là bơdìh mờ broă kòn dềt kờn pal geh biăp kloh nàng sa, den a` kơlôi tơn tus rơng tam biăp kloh ai jơh dùl hìu bơnhă in. Lơh geh is ai hìu bơnhă in mờ biăp den kung kloh niam sơl. Ngui broă tam biăp bè do den gơ là gơ tuh dà is ai he in, ờ roh uă tu\ jiơ. Pah nhai mìng là he pal ala biăp pa lơm gời. Broă lơh do là [ươn ngan, gơtùi lơh uă tai”.

Broă ngui jơh bă ù lời gời nàng tam biăp ờ mìng dong làng bol kis tàm tiah drà geh phan sa ris bơkah, kloh niam, iang nùs bè bơta kloh niam mờ gam lơh geh tai uă bơta kuơ ndai. Ồng Nguyễn Minh Thông, kis tàm sơnah [òn Tân Thành, neh tam is biăp sa tàm hìu bơh uă nam do, pà gi\t: Ală biăp sa geh tam dipal den geh sơlơ lơh geh uă bơta tơlir niam ai gùt dar hìu in, lơh geh trồ tiah mrềt niam tàm ală ngai trồ tiah ro kơnran duh tơ àl. “Tam biăp tàm hìu den bol he geh biăp nàng sa, là biăp kloh, biăp ờdo ờdă. Dơ\ bàr tai là dilah bol he geh bă ù tam biăp sa tàm hìu, den bol he ờ duh pal lòt drà blơi biăp rê prăp tàm tùh mrềt tai. Tài bơh prăp tàm tùh mrềt den gơ kung gơ aniai sơil. Tam biăp tàm hìu, pràn lơh niam trồ tiah gơ niam rlau den jồp uă nhơm cacbonic mờ lơh geh uă nhơm oxi, tu\ tă nhơm gơ geh nhơm dà là mrềt niam ngan hìu đam”

Tam biăp tàm hìu ngai sơlơ geh uă làng bol sac rwah nàng lơh geh phan sa kloh, sền gàr niam pràn kơldang să jan ai ală cau tàm hìu bơnhă in. Rlau mờ hơ\ tai, do kung là broă nàng rlô bòl tàm hìu tơnơ\ ală bơta kal ke bòl glar lơh broă; hala dong cau dờng sơnam geh tàp pràn kồ ntìng, jơng tê sùm, lơh niam rlau rài kis.

Cau cih mờ yal tơngi\t- Lơ Mu K’ Yến