VOV4.K’ho- Tàm tiah nhàr lơgar Tây Nguyên, ală tiah kham sơm kòp bơh làng bol dê gam uă ngan kal ke. Bơta crơng gơs bơh ală Hìu sơnơm ling klàng làng bol lơh bal gam lơh geh cồng nha loh làng tàm broă sền gàr pràn kơl dang să jan, kham sơm kòp ai làng bol in.

            Ơm tàm gùl brê cao su tàm xã tiah nhàr lơgar Măng MơRai, kơnhòal Sa Thầy, càr Kon Tum dê, Hìu sơnơm Ling klàng làng bol lơh bal bơh Kông ty 78, Binh đoàn 15 tàm kàl do, tu\ lơi kung gal ngan cau mut kham sơm kòp. Tus trạm y tế tàm bơta bol glar, sa\ ờ geh pràn tai bi ùr Lê Thị Nhung, ơm tàm [òn Le, xã Măng MơRai geh ală y, bác sỹ Hìu sơnơm dê tề mut tàm cơl du\ sơm kòp. Tơnơ\ 2 jiơ geh ală y bác sỹ bơh Hìu sơnơm sền gròi niam ngan, c^t sơrồm mờ ai sơnơm hùc, bi Nhung neh gơlơh pràn rlau mờ chờ hờp nàng boh bơr.

Bi Nhung pà g^t: rlau 10 nam do mut ơm kis tàm xã tiah nhàr lơgar Măng MơRai, jơh hìu bơnhă bi sùm rơwah Hìu sơnơm ling klàng làng bol bơh Kông ty 78 dê nàng kham sơm kòp pah tu\ kòp tê jê să. Đah bi mờ ală y bác sỹ tàm do sền bal bè cau tàm hìu bơnhă bal:

            Pah dơ\ oh kòn hala ùr bơklau a` kòp tê jê să den ndrờm lòt tus tềng do nàng bác sỹ in kham kòp mờ ai sơnơm hùc. Dilah kòp jroă den 2 tus 3 ngai den bời, dilah kòp nggờc den bác sỹ sồr ơm wơl bơh drim tus mho hơ\ sồng ai  rê.

 Thượng úy, Bác sĩ Vũ Thị Minh Hiếu gam kham sơm kòp ai làng bol xã tiah nhàr lơgar Măng Mơ Rai in 

            Tàm jơh ală xã tiah nhàr lơgar bơh bàr càr Gia Lai mờ Kon Tum tu\ do ndờm geh Hìu sơnơm ling klàng làng bol lơh bal gơ wèt mờ ală mpồl ling klàng geh phàu crong dê. Tàm hơ\, uă ngan là ală Hìu sơmơm ling klàng làng bol lơh bal bơh Binh đoàn 15, di Bộ Quốc phòng dê, mpồl ling lơh broă tờm ngan lơh kơnòl broă lơh sa, pơgồp bal mờ sền gàr dà lơgar tiah nhàr lơgar đah Tô Tây Nguyên dê.

            Tàm uă tu\ tơngai, ngan là ală tu\ tàm jàu kàl halà gơlik geh kòp bơtờp, kòp tê jê să, ală Hìu sơnơm ling klàng làng bol lơh bal bơh ală mpồl lơh broă neh rơcang tus tơn tàm ală [òn nàng mblàng yal rcang sơndră kòp bơtờp, mơkung kham sơm kòp ờ sa priă ai làng bol  cau r[ah in.

Ồng Rơ Mah Planh, ơm tàm [òn Náp, xã Ia Mơr, kơnhoàl Chư Prông, càr Gia Lai, pà g^t: làng bol tàm tiah do sùm pin dờn mờ kờ` gơboh ală cau lơh sơnơm- cau ling klàng làng bol dê.

            Làng bol kòn cau he dê gam uă ngan kal ke. Geh cau ling tus kham sơm kòp ờ sa priă a` chờ hờp ngan, ală broă lơh bè do geh kuơ màng ngan gơ wèt mờ làng bol bol a` dê tài bơh kơnờm Dà lơgar sền gròi.

            Pa tơn jơh ală ngai noat mriềt lồi kàl prang, bồ nam pa, tiah nhàr lơgar Gia Lai dê tam gơl tus tu\ tơngai trồ prang duh bè ồs, pờl go\ is bơh kàl prang Tây Nguyên dê.

Trung tá Lưu Văn Đoàn, Chính ủy Trung đoàn 710, Binh đoàn 15, di Bộ Quốc Phòng, geh pôs tàm tiah nhàr lơgar kơnhoàl Chư Prông, càr Gia Lai, pà g^t: trồ tiah bè do lơh uă ngan cau tàm càr gơbàn kòp  tê jê sa\, ngan là ală kơnòm dềt. Ală kuang bàng lơh sơnơm bơh mpồl lơh broă dê  pal sùm mut tai tàm kàl pal tàm pà mpồl lơh broă 2 đah, nggùl lơh broă ờs mờng tàm Hìu sơnơm, nggùl tai den lòt tàm [òn nàng kham sơm kòp:

            Tàm tu\ tam gơl kàl den tiah do gơbàn uă ngan bơta kòp suh. Tàm tơngai pa do den bol a` neh lơh ngan bơto pơlam làng bol pơs wàs kloh niam  tiah ơm kis, [ồm sơnơm gơsơ\t sơma\c mờ bol a` neh gơ hòi gơ jà uă ngan làng bol tus kham sơm kòp, nàng lơh mbè lơi ai làng bol tàm tiah do in geh bơta pràn kơl dang sa\ ja`  niam ngan rlau jơh.           

             Bal mờ Kuang bàng, Mpồl lơh sơnơm tàm ală Hìu sơnơm ling klàng làng bol lơh bal, neh geh uă nam lơh broă tàm ală xã tiah nhàr lơgar. Ngan bè hơ\, bol khi g^t wă jơh ala\  bơta kal ke tàm làng bol tiah nhàr lơgar dê bè sơnơm tơmba, kham sơm kòp.

Thượng uý Vũ Thị Minh Hiếu, cau atbồ  Hìu sơnơm ling klàng làng bol lơh bal bơh Kông ty 78, Binh đoàn 15, di Bộ Quốc phòng, pà g^t: bi neh geh 20 nam lơh broă tàm tiah nhàr lơgar Măng MơRai, kơnhoàl Sa Thầy, càr Kon Tum. Bulah lơh broă ngài mờ hìu bơnhă, rài kis kal ke, mpồl lơh sơnơm tàm do ndờm lơh ngan jơh nùs nhơm he dê nàng kham sơm kòp ai làng bol in bal mờ kuang bàng, cau ling tàm tiah nhàr lơgar:

Tu\ neh  mut tàm xã Măng MơRai bloh den bol a` kung dùl nùs bal tàm pà bal mờ làng bol tàm tiah do. Bơh bơta tàm pà bal hơ\, sền go\ làng bol bòl glar  kal ke uă ngan den oh mi bol a` ờ cau lơi sồr cau lơi, să tờm lơh is bơsram is, tàp pràn jak chài is, lơh ngan lơh gơs kơnòl broă neh jàu mờ geh làng bol  pin dờn.

Ală cau lơh sơnơm – Cau ling kham mờ pà sơnơm ờ sa priă ai làng bol tiah nhàr lơgar Tây Nguyên.

            Bal mờ bơta crơng gơs bơh ală Hìu sơnơm ling klàng làng bol lơh bal, làng bol tàm ală xã tiah nhàr lơgar Tây Nguyên dê neh geh ngui ala\ broa\ lơh  sơnơm tơm ba kham sơm kòp gơguh jak ngan. Kung kơnờm bơh hơ\, làng bol geh sền gròi pràn kơl dang să jan niam rlau tai, làng bol iang nùs lơh broă sa, tam klăc bal mờ [òn lơgar.

Ală Hìu sơnơm nùs nhơm ling klàng làng bol dê gam pơgồp bơt bơtàu dùl nùs nhơm pin dờn  tàm làng bol kơljap mờ dùl tiah nhàr lơgar pràn mờ  kơ\ kơl jap.

Cau cih mờ yal tơng^t K’ Hạnh