Adat dà lềng lơgar Việt Nam cih loh gùng nhàr bơh sơn rờp, dà tàm dơlam dà lơgar, gùng nhàr dà lềng, tiah rềp mờ gùng nhàr dà lềng, tiah geh gơnoar lơh sa, tiah dà lềng, ală bồt, bồt dờng Hoàng Sa, bồt dờng Trường Sa, mờ ală bồt ndai di gơnoar tờm, gơnoar gơnoar tờm, gơnoar bơ song tìs di tam phà mờ lơh jat adat lơgar Việt Nam dê, lơh broă tàm dà lềng lơgar Việt Nam, bơtàu tơnguh lơh sa dà lềng, atbồ mờ sền gàr dà lềng, bồt bơlàu.

Tiah dà lềng lơgar Việt Nam geh dà tàm dơlam dà lơgar, gùng nhàr dà lềng, tiah rềp mờ gùng nhàr dà lềng, tiah geh gơnoar lơh sa mờ tiah dà lềng di gơnoar tờm, gơnoar gơnoar tờm, gơnoar bơ song tìs di tam phà mờ lơh jat adat lơgar Việt Nam dê, geh dờp git jat kơrnuat boh lam lơgar Việt Nam, jơnau pơr gon dunia bè tiah nhàr ù tiah mờ lơgar Việt Nam tus bal mờ di mờ jơnau pơr gon bơh anih duh broă dunia dê bè adat dà lềng nam 1982.

Tiah dà lềng dunia là jơh ală tiah dà lềng ơm bơdìh tiah geh gơnoar lơh sa bơh lơgar Việt Nam dê mờ ală lơgar ndai, mơya ờ kờp bal mờ đơm jrô dà lềng mờ ù tàm đơm dà lềng.

Bơta 4 cih bè kơrnuat atbồ mờ sền gàr dà lềng bè tơ nơ\ do:

atbồ mờ sền gàr dà lềng geh mut lơh ringbal jat jơnau cih bơh kơrnuat boh lam lơgar Việt Nam dê, di mờ sơnua boh lam anih duh broă dunia mờ ală jơnau pơr gon dunia ndai mờ lơgar Việt Nam tus bal.

Ală anih lơh broă, mpồl bal mờ tơl nă cau Việt Nam geh kơ nòl sền gàr gơnoar tờm, gơnoar gơnoar tờm, gơnoar bơ song tìs di tam phà mờ lơh jat adat dà lơgar tàm ală tiah dà lềng, bồt mờ bồt dờng, sền gàr phan geh is mờ tiah ơm kis dà lềng.

Dà lơgar bơ song ală tam pìt tam phà gơ rềng tus dà lềng, bồt bơlàu mờ ală lơgar mờ ală broă lơh ngap lơngai, di mờ jơnau pơr gon anih duh broă dunia dê bè adat dà lềng nam 1982, kơrnuat boh lam mờ bơta geh ngan dunia.

Gùng dà broă lơh atbồ mờ sền gàr dà lềng lơgar he dê cih tàm bơta 5 là:

Brồ guh bơta pràn gùt jơi bơtiàn mờ mut lơh ală broă lơh kuơ màng sền gàr gơnoar tờm, gơnoar gơnoar tờm, gơnoar bơ song tìs di tam phà mờ lơh jat adat dà lơgar tàm ală tiah dà lềng, bồt mờ bồt dờng, sền gàr phan geh is mờ tiah ơm kis dà lềng.

Bơt bơtàu mờ mut lơh broă lơh kuơ màng, rơndap ù tiah, rơndap broă atbồ, ngui, tơnhàu, sền gàr ală tiah dà lềng, bồt bơlàu mờ ală bồt dờng 1 bă kơ\ kơljap drơng jơnau kờ` bơt bơtàu, bơtàu tơnguh lơh sa mpồl bơtìan, sền gàr dà lơgar, sền gàr ngap lơngai.

Lam sồr mpồl bal, cau 1 nă să bơcri lơh broă, phan bơna, priă bơcri mờ mut ngui cồng nha jak chài pa, công nghệ tàm broă ngui, tơnhàu, bơtàu tơnguh lơh sa dà lềng, sền gàr phan geh is mờ tiah ơm kis dà lềng, bơtàu tơnguh kơ\ kơljap ală tiah dà lềng dipal mờ ală bơta bơh tơl tiah dà lềng mờ gàr niam jơnau kờ` sền gàr dà lơgar, sền gàr ngap lơngai, sơlơ yal tơngit, mblàng pơlam bè bơta pràn, gùng dà broă lơh, kơrnuat boh lam bè dà lềng.

Lam sồr mờ sền gàr broă lơh phan tàm dà bơh cau lơh ka dê tàm ală tiah dà lềng, sền gàr broă lơh bơh mpồl bal, cau lơgar Việt Nam bơdìh ală tiah dà lềng lơgar Việt Nam di mờ jơnau pơr gon dunia mờ lơgar Việt Nam tus bal, kơrnuat boh lam dunia, kơrnuat boh lam bơh lơgar kềng gah dà lềng geh gơ rềng.

Bơcri gàr niam broă lơh bơh ală mpồl lơh kơ nòl lòt sền, sền gròi tàm dà lềng, bơtàu tơnguh phan bơna drơng broă lơh tàm dà lềng, bồt mờ bồt dờng, bơtàu tơnguh mpồl cau lơh broă tàm dà lềng.

Mut lơh ală broă lơh dong kờl tus mờ làng bol kis tàm ală bồt, broă dong kờl tus mờ ală mpồl tus bal atbồ mờ sền gàr ală tiah dà lềng, bồt mờ bồt dờng.

                                                                                    Cau mblàng K’ Duẩn.