Jơnau ngai do, bol a` pơnjat tai yal  ala\ jơnau cih tàm adat dà lềng Việt Nam geh Gơnoar ala mat dà lơgar Việt Nam kơna\ XIII, pơrjum dơ\ 3 ring bal tàm ngai 21/6/2012 mờ ngan ngồn geh ai ngui bơh ngai 1/1/2013.

Tiah dà lềng là tiah đơm dà lềng mờ ù tàm đơm dà lềng, rềp mờ ơm bơdìh dà lềng kềng gah ù gờl lơgar Việt Nam, tàm jơh bơnah jo\ jòng is bơh ù gờl, ală bồt mờ bồt dờng Việt Nam dê, tus gùng bơdìh bơh ù gờl dê.

Tàm tu\ gùng bơdìh bơh ù gờl do dê ngài gùng bơh sơn rờp ờ hềt tơl 200 hải lý den tiah dà lềng tềng hơ\ geh jòng tus 200 hải lý kờp bơh gùng sơn rờp.

Tu\ gùng bơdìh ù gờl do sơr lèt rlau 200 hải lý kờp bơh gùng sơn rờp, den tiah dà lềng tềng hơ\ geh jòng ờ rlau 350 hải lý kờp bơh gùng sơn rờp halà ờ rlau 100 hải lý kờp bơh gùng jrô song 2 rbô 500 thơk.

Kơrnuat boh lam bơh tiah dà lềng:

1. Dà lơgar mut lơh gơnoar gơnoar tờm tus mờ tiah dà lềng bè sền gròi, tơnhàu phan geh is.

2. Gơnoar gơnoar tờm cih tàm bơh dà lơgar Việt Nam cèng gơnoar dờng màng, ờ geh cau lơi geh gơnoar mut lơh broă sền gròi tiah dà lềng halà tơnhàu phan kuơ geh is bơh tiah dà lềng dilah ờ geh bơta ai gơnoar bơh gơnuar atbồ lơgar Việt Nam dê.

3. Dà lơgar geh gơnoar tơnhàu ù tàm đơm dà lềng, ai gơnoar mờ cih bè broă khoàng, kờ` khat 1 jơnau lơi tàm tiah dà lềng.

4. Dà lơgar sền dờng màng gơnoar crăp che ka\p, gùng brong đơm ù mờ broă lơh ngui dà lềng dipal mờ kơrnuat boh lam bơh ală lơgar ndai dê tàm tiah dà lềng lơgar Việt Nam dê jat jơnau cih bơh adat do mờ ală jơnau pơr gon dunia mờ lơgar Việt Nam he tus bal, ờ lơh aniai tus gơnoar gơnoar tờm, gơnoar cri bơyai broă dà lơgar mờ bơta kuơ dà lơgar tàm dà lềng bơh lơgar Việt Nam dê.

Broă crăp che ka\p mờ lơh gùng brong đơm ù pal geh bơta ai gơnoar mờ sră nggal bơh anih lơh broă dà lơgar geh gơnoar Việt Nam dê.

5. Mpồl bal, cau 1 nă să lơgar ndai geh tus bal sền gròi, ngui, tơnhàu phan geh is, kơ lôi sơ nơng jak chài, crăp ơn phan bơna, mai\ mok  mờ broă lơh tàm tiah dà lềng lơgar Việt Nam dê jat jơnau pơr gon dunia mờ lơgar Việt Nam tus bal, ki\ sră pơ gon jat jơnau cih adat boh lam Việt Nam dê halà geh gơnoar bơh gơnoar atbồ lơgar Việt Nam.

Bồt, bồt dờng.

1.Bồt là 1 bă tiah geh is geh dà wềl gùt dar, tu\ nsừc dà lềng guh tih den bă ù do kung gam ơm hơ đăng mat dà.

Bồt dờng là 1 mpồl ală bồt, geh bal mờ ală bơnah bơh ală bồt, tiah dà rềp bal mờ ală bơta geh is ndai geh gơ rềng bal kơ\ ngan.

2.Bồt, bồt dờng di gơnoar tờm lơgar Việt Nam dê là 1 bơnah ờ gơtùi tam cah is bơh ù tiah lơgar Việt Nam dê.

Dà tàm dơlam, gùng nhàr dà lềng, tiah rềp mờ dà lềng kềng gah ù gờl, tiah geh gơnoar lơh sa mờ tiah dà lềng bơh bồt, bồt dờng dê.

Bồt di ngan ai rài kis kòn bơnus in hala ai 1 rài kis lơh sa is den geh dà tàm dơlam, dà lềng kềng gah ù gờl, tiah rềp mờ dà lềng kềng gah ù gờl, tiah geh gơnoar lơh sa mờ tiah dà lềng .

Bồt lu\ ờ gơtùi tus mờ rài kis kòn bơnus halà tus mờ 1 rài kis lơh sa is den ờ geh tiah geh gơnoar lơh sa mờ tiah dà lềng.

Dà tàm dơlam, dà lềng kềng gah ù gờl, tiah rềp mờ dà lềng kềng gah ù gờl, tiah geh gơnoar lơh sa mờ tiah dà lềng bơh bồt, bồt dờng dê geh dờp git jat jơnau cih tàm ală bơta 9, 11, 13, 15 mờ 17 bơh adat do dê mờ geh ai tơngo\ mờ sră wac sềr, sră đo tọa độ ù tiah bơh gơnoar atbồ lơgar dê mblàng.

                                                                        Cau mblàng K’ Duẩn.