VOV4.K’ho - Mang òr (17/5), tàm kơnhoàl A Lưới, tàm gùng Hồ Chí Minh kah yau, rơlao 600 nă cau chài đơs crih, lơh lơma, cau tàp pràn să jan là làng bol ală jơi bơtiàn kòn cau kis tàm 5 càr là Quảng Trị, Thừa Thiên- Huế, Quảng Nam, Quảng Ngãi, Kon Tum mờ 4 mpồl đơs crih tamya tus bơh lơgar Lào tus bal tàm dơ\ sơm đờm lơh “Ngai chờ tìp bal bơta chài rơgơi, tàp pràn să jan mờ nhơl chờ ală jơi bơtiàn kòn cau ală càr tiah nhàr dà lơgar bơh lơgar Việt Nam mờ lơgar Lào tiah tàm gùl lơgar mờ Tây Nguyên nam 2019”.

                 Mò Nguyễn Thị Hải Nhung đơs jơnau sơn đờm bơyai lơh ngai chờ tàp pràn să jan

                              Koh biài sơn đờm ràng tơl^k rùp mờ ală broă tàp pràn să jan

Broă lơh do geh Bộ Văn hoá, Thể thao mờ Du lịch pơgồp bal mờ UBND càr Thừa Thiên Huế bơyai lơh.

Mờ tơngu me “Tam klăc bal, g^t gơ\p, lơh bơyô bal mờ tơnguh bơtàu”, ngai chờ tìp bal bơta chài rơgơi, tàp pràn să jan mờ nhơl chờ ală jơi bơtiàn kòn cau ală càr tiah jăt gah nhàr dà lơgar bơh lơgar Việt Nam mờ lơgar Lào tiah tàm gùl lơgar mờ Tây Nguyên nam 2019 pơgồp bal tàm broă yal mờ bơyô tàm lơgar bal mờ dunia bè bơta geh, bơta pràn tơnguh bơtàu bơta chài rơgơi, tàp pràn să jan, nhơl chờ mờ phan lời wơl chài rơgơi ală jơi bơtiàn kòn cau tàm broă tam gơl pa, tơrgùm bal mờ tơnguh bơtàu; mờ pơn jờng bơta niam chài rơgơi ală jơi bơtiàn kòn cau.

Cau mblàng Ndong Brawl