VOV4.K’ho – Bơh nhai 8 do, uă kơrnuat pa bơh Gơnoar atbồ lơgar dê sơn đờm geh mut ngui ngan ngồn, bol a` dan yal nàng làng bol mờ gơp bơyô in git mờ mut ngui tàm broă lơh kung bè mpồl lơh broă he dê:

Bơh nhai 8, Gơnoar atbồ lơgar geh dong kờl tu\ ngui dà tềm pềr:

Jat jơnau cih tàm Kơrnuat sồ 54 tơlik ngai 8 nhai 6 nam 2015 bơh Gơnoar atbồ lơgar dê, geh mut ngui ngan ngồn bơh ngai 1 nhai 8 nam 2015, anih lơh broă dà lơgar, mpồl bal, hìu nhă, cau dùl nă să ngui dà tềm pềr, geh cồng nha jat kơrnuat do geh dong kờl bè priă càn, tơmù halà ờ sa priă dia.

Jơnau cih sền mờ đơs, tam cah kuang bàng, cau lơh broă sa priă nhai dà lơgar kung geh ală bơta pa:

Kơrnuat sồ 56 tơlik ngai 1 nhai 8 nam 2015 cih bè kơrnuat, bơta kơnờm, tơngume, sră nggal, khà tơl, gơnoar sền mờ đơs mờ tam cah is kuang bàng, cau lơh broă sa priă nhai dà lơgar pah nam, geh mut ngui tus mờ kuang bàng, cau lơh broă sa priă nhai dà lơgar geh cih tàm Adat kuang bàng, cau lơh broă sa priă nhai dà lơgar mờ Adat cau lơh broă.

Bè jơnau cih atbồ rơndeh rơn dồ, phan bơna lòt rê lơgar ndai mut tàm lơgar Việt Nam nhơl chờ:

Kơrnuat sồ 57 tơlik nam 2015 geh ờ uă tam gơl, bơ tơl ờ uă bơta bơh kơrnuat sồ 152 tơlik nam 2013 bơh Gơnoar atbồ lơgar dê cih bè atbồ rơndeh rơn dồ, phan bơna lòt rê bơh cau lơgar ndai tơmut tàm lơgar Việt Nam nhơl chờ.

Jat jơnau cih pa, rơndeh rơn dồ, phan bơna lòt rê lơgar ndai mut lòt rê tàm Việt Nam là rơndeh nac geh mai\ đah kiau geh bơh 9 cơ ge\ nggui mù hơ đơm, rơndeh dờng hìu ơm gơtùi ntrờn geh mai\ đah kiau mờ rơndeh mai\.

Jat jơnau cih pa tàm Kơrnuat sồ 58 tơlik nam 2015, broă ngui kes priă dà lơgar tìs mờ jơnau kờ` den gơtìp lơh glài tus 30 tơlak priă. Do là jơnau cih pa, ala jơnau cih tàm Kơrnuat sồ 192 tơlik nam 2013. Mùl màl, Kơrnuat sồ 58 tơlik nam 2015 cih: Ngui kes priă bơh priă jền dà lơgar tìs jơnau kờ`, tìs mờ kơrnuat kes priă dê bơh kơnă geh gơnoar tơlik mờ ngui kes priă bơh priă jền dà lơgar ờ di mờ kơrnuat lơh broă, kơrnuat priă jền geh kơnă geh gơnoar tơlik den gơtìp lơh glài bơh 20 tus 30 tơlak priă.

Bơh nhai 8 do, Adat bơt bơtàu nam 2014 neh geh Kơrnuat pơlam mut lơh broă atbồ rơndap broă bơcri priă bơt bơtàu. Hơ\ là kơrnuat sồ 59 tơlik nam 2015 geh mut ngui ngan ngồn bơh ngai 5 nhai 8 nam 2015 cih mùl màl ờ uă tơngit mut lơh bè atbồ rơndap broă bơcri priă bơt bơtàu, tàm hơ\ geh crơng gơs, sền gròi, ki\ rơndap broă; mut lơh rơndap broă; tơn jơh bơt bơtàu ai broă lơh bơh rơndap broă dê mut ngui; broă lơh mờ tơngume atbồ rơndap broă bơcri priă bơt bơtàu.

Bơh nhai 8, Kuang gơs gơnap gơnoar atbồ hơđang rlau jơh dà lơgar bơtơl kuang bàng lơh sơnơm geh dờp bơta dong kờl geh pơnrơ. Kơrnuat sồ 20 tơlik nam 2015 geh mut ngui bơh ngai 15 nhai 8 neh cih bè broă dong kờl pơnrơ is tus mờ kuang bàng, cau lơh broă tàm hìu sơnơm Hữu Nghị, hìu sơnơm Thống Nhất, hìu sơnơm C Đà Nẵng di Gah lơh sơnơm dà lơgar, ală cơldu\ sền gàr pràn kơldang să jan dà lơgar 1, 2, 2B, 3, 5, Gah A11 hìu sơnơm ling klàng dà lơgar 108 mờ Gah A11 hìu sơnơm bơhiàn yau ling klàng. Kuang bàng, cau lơh broă tàm gah A11 hìu sơnơm ling klàng 175 kung geh dờp bơta dong kờl pơn rơ is, mơkung cih loh khà dong kờl pơn rơ is, khà dong kờl tus mờ tơl gơnoar broă.

Bè kơrnuat tơm priă mờ ù ai cau bơcri rơndap broă BT in:

Kơrnuat sồ 23 tơlik nam 2015 bơh Kuang gơs gơnap gơnoar atbồ hơđang rlau jơh dà lơgar dê, geh mut ngui ngan ngồn bơh ngai 15 nhai 8 nam 2015, cih kơrnuat dà lơgar tơm priă mờ ù ai cau bơcri in tu\ mut lơh rơndap broă bơcri bơt bơtàu jat broă lơh bơt bơtàu – tàm jàu BT. Kơrnuat cih mùl màl bè kơrnuat tơm priă rơndap broă BT mờ ù, khà ù tơm cau bơcri priă in; ngui khà ù nàng tơm priă rơndap broă BT in; ngui khà ù bơh hìu, ù tàm tiah yau nàng tơm priă rơndap broă BT bơcri lơh broă lơh tàm tiah pa.

                                                                 Cau mblàng K’ Duẩn.