Poh lài, cri bơyai kềng dơ\ pơrjum, ala\ kuang bàng Gơnoar ala mat dà lơgar neh tơlik ua\  broa\ lơh nàng bơtàu tơngguh lơh sa tềng đap bơta kal ke tàm dà lềng đah mat tơngai lik.

Geh uă kuang bàng đơs là, bu\ lah bơh bồ nam tus tu\ do broă lơh sa lơgar he dê geh tơnguh niam, mơya tềng đăp mờ bơta kal ke tàm dà lềng đah măt tơngai l^k, tàm tơngai tus broă lơh sa lơgar he geh gơtìp mờ ală kal ke pa, den tàng, pal g^t loh làng kal ke kờ` geh broă bơsong. Ồng Lê Thanh Vân mpồl kuang bàng càr Hải Dương mblàng: “Broă lơh jo\ jòng he pal ơla rơhời phan lơh broă, ba` lời kơnờm uă tàm 1 anih kă bro. tơngai do, Gơnoar atbồ lơgar pal dong kờl anih lơh sa kă bro bơsong ală kal ke bè priă mờ tơl^k gùng dà tăc phan. Bơdìh hơ\ tai, ală anih lơh sa kă bro kung pal gờ` tìp mờ phan lơh broă pa kờ` lơh gơl^k ală phan tơl pràn tam pơlòng mờ khà priă, mờ bơta niam, bơ\t bơtàu khà măt phan kă bro is, ồng Lê Thanh Vân đơs: “Dà lơgar pal geh broă tă dia, ai càn priă di pal, mờ kuơ màng ngan là dong kờl anih lơh sa kă bro bơsong dồs gam gơlời. Tu\ do là tu\ ai tơl bơta niam anih lơh sa kă bro neh tơnguh bơtàu. Geh tơnguh bơtàu hơ\ sồng geh lơh tòm tàm anih kă bro, den hơ\ sồng tơl pràn bè lơh sa mờ drơng uă broă lơh dờng dà lơgar dê. Hơ\ là jơnau kơlôi sơnơng jo\ jòng, di lah he kơnờm tàm phan lơh broă broă lơh pa, den geh kung kơnờm tàm khà priă, he ờ rơcang geh broă lơh sa ờ rơcang geh uă broă lơh ndai tai”.

Ring bal mờ jơnau đơs do, ồng Hà Sỹ Đồng mpồl kuang bàng càr Quảng Trị neh đơs sơl:“A` dan mờ Gơnoar atbồ lơgar geh gùng dà tìp mờ broă ka bro jòi anih kă bro kờ` tăc phan, tăc phan gam gơlời, tàm hơ\ uă ngan là phan blơi mờ phan tăc mờ lơgar bơdìh lài do he kơnờm uă tàm anih kă bro lơgar Lo. Dơ\ 2 tai là geh ờ uă phan lơh broă gơrềng tus mờ broă lơh sa bơh ală anih lơh sa kă bro gam kơnờm tàm anih lơh sa kă bro lơgar Lo, tàm broă rơndăp tus mờ bơta kal ke bè broă lơh bal bơh 2 lơgar gơl^k geh ală bơta ờ niam, den tàng Gơnoar atbồ lơgar pal rơcang jòi anih kă bro kờ` anih lơh sa kă bro tơnguh bơtàu ring niam tàm tơngai tus, tàm hơ\ geh bal broă tăc mờ blơi phan mờ lơgar bơdìh”.

Tơl^k loh làng tus mờ broă ai tơl^k tai anih lơh sa kă bro [uơn mờ sền gàr gơnoar ală anih lơh sa kă bro lơgar bơdìh, ồng Bùi Quang Vinh kuang atbồ gah rơndăp broă mờ bơcri priă dà lơgar pà g^t:“Bè tiah lơh sa kă bro, broă yal tơng^t kung pal tus bal kờ` tơl nă cau lơh broă, tơl nă làng bol lơgar Việt Nam mờ sền gàr anih lơh sa kă bro tòm, sền gàr tiah bơcri priă kung là broă lơh sa să tòm cau lơh broă dê mờ rài tơnơ\ do dà lơgar Việt Nam dê”.

Bè broă lơh jăt gùng dà, broă dong kờl cau lơh ka lơh ơhò lòt lơh ka ngài tàm dà lềng mờ ơhò lòs jăt gùng dà, broă lơh Gơnoar atbồ dà lơgar ai tơl^k, ồng Nguyễn Văn Bình, gơnoar atbồ anih priă jền dà lơgar pà g^t: tu\ do, ală mpồl ai càn priă tu\ lơi kung neh rơcang ai cau lòt lơh ka in càn 10 rơbô tơmàn priă mờ priă cồng là 3% tàm tơngai bơh 10 tus 15 nam. Ală ơhò lơh pa do ndrờm geh sền gàr mờ Gơnoar atbồ lơgar geh dong kờl 70% khà priă sền gàr, kờ` ai tơl bơta niam ngan kờ` cau lơh ka iang nùs tàm broă lòt lơh ka tàm dà lềng, tơnguh bơtàu lơh sa, sền gàr niam gơnoar dà lềng, bồt dà lềng dà lơgar dê. Ồng Nguyễn Văn Bình đơs tai:“Khà priă dong kờl ai càn hơ\ tu\ do kuang gơs gơnăp gơnoar atbồ hờ đang rơlao jơh dà lơgar đơng lam jàu gah lơh sa mờ tơnguh bơtàu [òn lơgar in đơng lam kờ` bơ\t bơtàu 1 kơrnoăt Gơnoar atbồ lơgar dê bè broă do mờ tàm pơrjum pa do Gơnoar atbồ lơgar den rơndăp broă lài ngan bơh kơrnoăt sồr do neh geh cri bơyai mờ Gơnoar atbồ lơgar geh jơnau đơs du\t ndơl chồl mhar broă sền sơwì kơrnoăt sồr do kờ` geh adăt boh lam ring bal tàm gùt lơgar kờ` geh cồng nha tus mờ cau lơh ka. Bè priă den bol a` neh rơcang mờ bơcri priă tu\ lơi kung di lơm tu\ neh geh tơl tơngu me adăt boh lam”.

Tềng đăp mờ broă tơn jơh lơh broă bơh ờ uă anih lơh sa kă bro dê, dồs ờ jai tơm tơnguh mờ bơta pràn blơi ờ tơl niam, ồng Cao Sỹ Kiêm mpồl kuang bàng càr Thái Bình sồr: bơh tu\ do tus lồi nam, ală gah, mpồl lơh broă geh lơh broă bal, lơh jăt niam ală broă lơh sa tàm kơrnoăt pơrjum dờng dà lơgar 8 kung bè kơrnoăt pơrjum Gơnoar atbồ lơgar tàm nhai 5, tam pà kơnòl mùl màl tus tơl gah lơh broă dà lơgar, ală càr, [òn dờng lơh jăt ală khà priă kờ` tơnguh lơh sa, tơrgùm tàm broă lơh sa suơn sre, [òn lơgar, anih lơh sa kă bro di mơ mờ dềt, anih lơh sa kă bro cau 1 nă să is. Kuơ màng ngan là pal geh jơnau yal lài di tu\, di pal ală broă di gơlan geh gơrềng tus broă tơnguh bơtàu lơh sa. Ồng Cao Sỹ Kiêm đơs loh 3 broă lơh kờ` lơh jăt 1 broă lơh sa krơi is, lơh tòm tềng đăp mờ kal ke gam gơl^k geh tàm dà lềng đah măt tơngai l^k:“Lài ngan là pal bơ\t bơtàu mhar wơl broă lơh sa. Dơ\ 2 tai là tam gơl tus [òn lơgar, tam gơl broă bơcri priă, dong kờl, bơsong ală kal ke ai ală anih lơh sa kă bro di mơ mờ dềt, anih lơh sa kă bro cau 1 nă să lơh is, do là anih ai tơl^k uă phan lơh broă, phan ngui sa, ai uă bơta pràn blơi, broă lơh mờ tơnguh tă dia dà lơgar, pơgồp bal tàm broă tơnguh lơh sa. Do là broă tơl nùs nhơm lơh tòm uă ngan tàm broă lơh sa dê”.

                                                                        Cau mblàng Ndong Brawl