VOV4.K’ho - Trồ tiah tàm kàl duh tơngai duh, mìu ni sơna; bơta duh mrềt tàm trồ tiah tam gơl, bơta sùh tàm tiah kis geh uă… lơh gơbàn uă ngan tus mờ bơta pràn kơl dang să jan.

Kờ` geh 1 să jan pràn kơl dang tàm kàl duh do, làng bol he pal ngui ờ uă phan sa geh lơh tơmù duh, tơn jơh khih, bơtơl mờ tơnguh bơta pràn sơndră mờ kòp. Tàm jơnau “Pràn kơl dang să jan ală cau in” poh do geh yal ờ uă phan sa geh lơh tơn pràn să jan.

Ală broă gơdờp ngui bơh 8 bơta phan sa [uơn jòi mờ pal ngui pah ngai kờ` să jan geh pràn kơl dang tàm kàl duh:

Biăp diếp dong kờl pơrài nhơm: Biăp diếp geh uă chất xơ, geh kuơ tus mờ broă tơrdih phan sa, gơtùi sơm kòp kòl è. Do kung là phan sa niam ngan ai ală cau ờ tơl mhàm in. Biăp diếp gam gơdờp tàm broă lơh tơmù duh tàm să, lơh jơh khih, lơh jơh kơnhà.

Blơn ồs sơndră mờ kra să: tàm plai blơn ồs geh uă vitamin E, geh gơnoar sơndră mờ gơl^k mhàm, kơrian mờ kra să. Sa plai blơn ồs sùm lơh tơmù kra să jan. Khà vitamin E mờ P tàm kơmhò plai blơn ồs ờ geh biăp, kơnuh lơi kờ` ơla.

Sơbềt rơhe sơndră mờ kòp ung thư: Tàm ală bơta protein geh tàm bơsềt, khà 8 bơta amino axit geh kuơ ngan tus mờ să jan. Den tàng, bơsềt rơhe gơtùi kơrian broă kis mờ dờng ală tế bào ung thư, tàm hơ\ uă ngan geh dong kờl sơm kòp as gùng tơrdih phan sa, tơnguh bơta pràn klờm mờ leh.

Dâu tây dong kờl tơn jơh khih: Sa dâu tây geh chồl pràn broă lơh gơs ală tế bào să jan; tơnguh sùm gơnoar pràn sề, ntìng, ală gùng mhàm, ală ơră…’ dong kờl pơnời sồt mhar bời, tơnguh bơta pràn sơndră mờ kòp să jan in mờ gam lơh tơn jơh khih.

Ală axít hữu cơ, BHA, pectin…tàm dâu tây di gơlan lơh chất béo tàm phan sa geh niam, dong kờl broă tơrdih phan sa, sơbì ală cholesterol jơn kah mờ ală kim loại nặng aniai tus să jan.

Ka mực niam mhàm: Ờ mìng geh khà protein mờ khoáng chất uă, ka mực gam geh taurine geh is – do là bơta phan sền gàr bơta pràn kơl dang să jan kuơ màng geh dong kờl kơrian lơh kra să, sơndră mờ glar să, tơn jo\ sơnam kis…

Kuơ màng ngan, cau rơgai să, să bồ ờ pràn, cau sa phan bơkah ờ ndrờm bal pal sa ka mực.

Tăp ơda lơh “Niam să”: Jăt broă mờng chài ờs mờng, sa tăp ơda geh dong kờl să jan ờ gơbàn glar bòl tàm kàl duh, tơnguh bơta pràn să jan. Tàm hơ\ uă ngan là tăp ơda muối geh khà boh vô cơ canxi, sắt… uă.

Khà canxi, sắt tàm tăp ơda muối uă rơlao jăt mờ tăp iar, tăp ơda bè ờs.

Gar sen lơh niam nùs nhơm: Boai bơkào sen sa bơtang, geh lơh tơmù duh tàm nùs, là phan sa niam kờ` lơh nùs nhơm niam, mờ gơtùi sền gàr klung bal mờ pròc.

Khoah hà lan lơh kloh pròc: Tàm khoah hà lan geh ală bơta phan geh kuơ să jan in, tàm hơ\ uă ngan là protein niam, dong kờl tơnguh bơta pràn sơndră mờ kòp mờ lơh să jan gơguh pràn mhar.

Chất xơ tàm khoah hà lan gam dong kờl kơrian lơh gơbàn kòl è, geh cồng nha tàm broă lơh kloh pròc.

Cau cih mờ yal tơng^t Ndong Brawl