Jơnau Adat boh lam mờ rài kis poh do geh yal ală bơta pa bơh ờ uă adat boh lam geh mut ngui ngan ngồn bơh nhai 7 do, hơ\ là Adat kuang bàng làng bol nam 2014, Adat bơto bơtê broă lơh nam 2014 mờ Adat atbồ ngui priă bơcri dà lơgar tàm mpồl lơh sa kă bro:

1/ Ngai 09/12/2014, Kuang atbồ lơgar ki\ kơrnuat mblàng Adat kuang àng làng bol nam 2014. Adat geh mut ngui ngan ngồn bơh ngai 01 nhai 7 do.

Jat mờ hơ\, geh ală bơta pơnrơ bè tơnơ\ do:

- Kơnòm bơsram, cau bơsram dờng jơh bơsram khà jak ală hìu bơsram sền gàr ngap lơngai mờ kuang àng geh pồ griat jơnhua rlau 1 kơnă pơndrờm mờ adat yau. Bè hơ\, bơh nhai 7 do, kơnòm bơsram trung cấp Kuang àng làng bol jơh bơsram khà jak geh tơnguh griat thượng sĩ, cao đẳng jơh bơsram khà jak geh tơnguh thiếu úy, kai bơsram dờng jơh bơsram khà jak geh tơnguh trung úy.

- Adat kung tơlik khà kơnă Tướng bơh gah kuang àng dê. Jat mờ hơ\, kơnă Đại tướng là kuang atbồ Gah kuang àng dà lơgar. Thượng tướng là kuang jat jơng atbồ Gah kuang àng dà lơgar; khà kuang jat jơng atbồ geh griat Thượng tướng ờ uă rlau 6 nă.

- Tơngai tơnguh griat tàm tơl kơnă tướng êt ngan rlau jơh là 4 nam; sĩ quan geh sền sơwì tơnguh kơnă griat bơh Đại tá tus Thiếu tướng ờ rlau 57 sơnam; ờ kờp tu\ geh jơnau sồr bơh Kuang atbồ lơgar dê.

2/ Mờ adat bơto bơtê broă lơh, geh mut ngui ngan ngồn bơh ngai 01 nhai 7 do, den bơta pa geh pơnrơ là cih bè ală cau geh rơwah tơn mut hìu bơsram cao đẳng broă lơh. Jat mờ hơ\, cau jơh bơsram kai 3 halà neh bơsram mờ pơr lòng geh tơl bơta chài git wă bơsram kai 3 geh sac rơwah tơn mut bơto bơtê tàm hìu bơsram cao đẳng broă lơh tàm ală tu\ bè tơnơ\ do:

- Geh sră cơng tàng jơh bơsram trung bấp khà jak rlau hơđang mờ cih mat bơsram dùl gah broă lơh bal halà broă lơh bơto bơtê;

- Geh sră cơng tàng jơh bơsram trung cấp khà jak mờ geh êt ngan 2 nam lơh broă tàm gah broă lơh ờs mờng halà broă lơh neh geh bơto bơtê mờ cih mat bơsram dùl gah broă lơh bal halà broă lơh bơto bơtê;

- Geh dùl tàm ală khà dùl, khà 2, khà 3 tàm ală dơ\ pơrlòng bơta chài lơh broă dà lơgar den geh sac rơwah tơn mut hìu bơsram cao đẳng nàng bơsram gah broă lơh di mờ broă lơh neh geh khà jờng.

3/ Cih bè ală cau geh dong kờl ai càn priă; dong kờl priă dia jat jơnau cih bơh adat bè tă dia dê…kung là bota tam gơl pal geh sền gròi ngan bơh Adat bơto bơtê broă lơh nam 2014 geh mut ngui ngan ngồn bơh ngai 01/7/2016. jat mờ hơ\, ală cau geh dong kờl là:

- Ală hìu bơsram geh dong kờl priă jền tu\ tus bal bal broă lơh bơto pơlam cau pơgru, kuang bàng atbồ bơto bơtê broă lơh tàm lơgar mờ lơgar ndai.

- Ală hìu bơsram geh dà lơgar dong kờl bơcri gàr tơl ală bơta pal geh nàng dờp kơnòm bơsram kòn cau kai 3 tu\ jơh bơsram mut bơsram broă lơh.

- Ală hìu bơsram kung geh dong kờl bơtàu tơnguh bơto bơtê ală gah broă lơh geh tơl jơnau kờ` bơsram bơh cau lơh broă lòt lơh broă hờ lơgar ndai.

- Gơwèt mờ hìu bơsram bơto broă lơh cau kuet kơlte in gam geh dong kờl bè priă jền nàng bơcri blơi phan bơna, mai\ mok bơto bơtê; geh jàu ù, ai ơpah ù tàm tiah [uơn [ùai tus mờ broă bơsram bơh cau kuet kơlte dê.

4/ Ngai 26/11/2014, Gơnoar ala mat dà lơgar ringbal Adat atbồ, ngui priă bơcri dà lơgar bơcri tàm broă lơh sa, kă bro tàm mpồl lơh sa kă bro nam 2014. Adat geh mut ngui bơh ngai 01/7 do mờ geh ờ uă tam gơl kuơ màng tơnơ\ do:

- Mpồl lơh sa kă bro, anih ala mat cau tờm atbồ pal cih mat loh làng, di tu\ tus anih yal jơnau tơngit tàm điênh tử ală tơngume bè broă lơh bơh mpồl lơh sa kă bro dê.

- Ba` yal ală jơnau tơngit ờ ngan; yal, ngui jơnau tơngit mpồl lơh sa kă bro in halà anih atbồ dà lơgar yal jơnau tơngit ờ di jat jơnau cih adat boh lam dê.

                                                                                   Cau mblàng K’ Duẩn.