Poh lài, Anih duh broa\ adat boh lam Gơnuar ala măt dà lơgar neh bơyai lơh dơ\ pơrjum lùp sền wơl rơndap adat hìu ơm tam gơl. Ồng Phan Trung Lý kuang at bồ anih duh broa\ adat boh lam  bơh Gơnuar ala mat dà lơgar neh đơng lam dơ\ pơrjum mờ  bơta tus bal ala mat bơh Gah bơt bơtàu mờ ala\  Gah, sơnah lơh broa\ geh gơ rềng bal.

Geh uă kuang bàng tàm Gơnoar ala măt dà lơgar đơs là, rơndăp broă adăt hìu ơm geh tam gơl pal mùl màl jơh bè broă dong kờl hìu ơm làng bol in, broă tam gơl gơnoar ngui hìu ơm, kơrnoăt mờ kơnòl gơrềng bal tus mờ broă ai ù lơh hìu ơm.

Ồng Ngô Văn Minh, kuang geh jơng lơh broa\ sùm tàm anih duh broă adăt boh lam Gơnoar ala măt dà lơgar đơs là, gùng dà broă lơh Đảng, Dà lơgar de là pal ai tơl bơta làng bol in geh hìu ơm, den tàng adăt hìu ơm tam gơl pal geh ală kơrnoăt, broă lơh kơrnoăt bè tơngu me do, kuơ màng ngan là pleh mờ broă gơgràm broă dong kờl do kờ` tơnguh bơtàu hìu ơm geh nùs nhơm kă bro, lơh gơl^k geh khà priă ờ di pal. Ồng Ngô Văn Minh sồr: “Bol a` go\ nùs nhơm broă lơh gam geh dong kờl bè hìu ơm, dong kờl mờ ală kơrnoăt priă jền kờ` ai tơl bơta lơh ua\ hìu ơm geh nùs nhơm kă bro mờ priă gơtìp kal ke uă. Lơh bè hơ\, geh lơh uă ir, ờ geh ai ù tiah den kal ke ngan sền gròi, mờ gơl^k broă tơnguh khà priă ờ di pal. Jat a` , tàm rơndăp broă do pal tơl^k loh, dà lơgar ai tơl bơta niam làng bol làng bol geh hìu ơm ndrờm bal mờ ală hìu ndai, hìu is tàm [òn, hìu ơm ală cau geh khà dong kờl bơh dà lơgar”.

Geh ờ uă jơnau đơs là, rơndăp broă adăt pal sền gàr nền nòn bè tơngai tam gơl gơnoar ngui hìu ơm, tàm hơ\ lơh jăt di pal mờ kơrnoăt geh dan ha là geh sră dờp hơ\ sồng geh ai blơi, tăc bè broă blơi ha là tăc hìu ờ tă dia. Mò Nguyễn Kim Thuý, kuang geh jơng tàm anih duh broă ală bơta mpồl bơtiàn  đơs: “Tơl^k kơrnoăt bè tơngai tam gơl gơnoar ngui hìu ơm là tơngai dan geh ngui hìu ơm tàm anih lơh broă dà lơgar geh gơnoar, ờ kờp geh cau pơn jăt ngui. A` kung đơs tai là, tàm bơta do pal geh kơrnoăt kờ` sền gàr gơnoar kuơ di pal làng bol dê tàm bơta do. Tàm mùl màl, Dà lơgar geh ai 2 pang sră gơs 1 pang sră, mơya tàm mùl màl tu\ do jo\ ngan mờ lơh gơl^k rềs àr tus mờ ală gah tu\ lơh jăt broă kă bro hìu ơm”.

Ală kuang bàng kung sồr sơbì kes priă  sền gàr  hìu 2%  bơh gah dà lơgar sền gàr làng bol in tàm hìu ơm bal, sền gàr is mờ ring bal ală khà priă lơh tus mờ hìu ơm bal, kuơ màng ngan là pal tơl^k kơnòl cau tòm bơcri priă lơh. Rơndăp broă adăt pal geh pràn kờ` bơsong ală cau tìs bè hìu ơm mờ tơl^k kơnòl bơh gơnoar atbồ ală tiah dê tu\ lời gơl^k geh lơh hìu ờ di pal, ờ geh sră lơh hìu.

Ồng Trịnh Đình Dũng, kuang atbồ gah bơ\t bơtàu đơs tờm, geh iăt tơl ală jơnau đơs pơgồp bal bơh ală kuang bàng tàm rơndăp broă adăt hìu ơm geh tam gơl mờ lơh loh tai ờ uă tơngu me gơrềng bal. Ồng Trịnh Đình Dũng đơs tòm tai, rơndăp broă geh tam gơl jăt broă lơh ai tơl bơta niam làng bol in geh hìu ơm. Mờ khà priă 30 rơbô tơmàn priă ngui geh cồng nha mờ di gơlan tơnguh ală bơta ai càn priă kờ` làng bol in tus càn./.