VOV4.K’ ho - Mang òr (27/8), mpồl tàp pràn sa\ ja` Việt Nam neh geh gai lòng biàng dơ\ 2 tàm Asiad 2018, cau geh gai lòng do la cau ùr sơnđoh ngài Bùi  Thị Thu Thảo. Mờ sơnđoh tus 6 thơt 55, Bùi Thị Thu Thảo neh tam pơrlòng gơ lời bơta niam ngan. Mo tơn tàm dơ\ sơnđoh ngài sơnrờp, cau sơnđoh ngài tus bơh Ba Vì neh sơnđoh tus 6 thơt 55 mờ lam bồ tus tơnjơh pơlòng nàng ai geh  gai lòng bìang. Do la gai lòng biàng sơnrờp mờ rài dà lơgar  bơh điền kinh Việt Nam tàm dơ\ pơrlòng dơ\ do.

Kung tàm mang òr,  mpồl coh plai Olimpic Việt Nam neh coh sa lơgar Syria tàm dar tứ kết bềng bơta gơ rhơt nùs, lời geh dơ\ sơnrờp geh mut tàm bán kết bơh dùl dơ\ pơrlòng Asiad 2018 mờ geh jai bơh mpồl coh plai Việt Nam,  sra\ bao\ châu Á jờng ngan. Tàm tu\ hơ\, cộng đồng mạng dunia, ngan la  bơh ala\ lơgar ASEAN neh pơyua  jơnau gờm chờ jai pha tus ala\ cau coh plai Việt Nam mờ bơta sền ngềr ngan mờ pơnỳơ sa\ ngan tu\ Việt Nam la dùl lơgar Đông Nam Á, mìng dùl lơm mut tàm 4 mpồl coh pràn ngan  rlau jơh bơh Á vận hội 2018. Anih jơnau đơs Việt Nam (VOV) neh geh quyết định jờng mo tơn 500 tơlak pria\ ai Olimpic Việt Nam tơnơ\ mpồl coh plai bơh ồng Park Hang Seo cau pơlam tàp lam bồ mut  coh bán kết ASIAD 2018.

Cau mblàng K’ Brọp