VOV4.K’ho - Là càr lam lài gùt lơgar bè broă tơnguh bơtàu lơh sa suơn sre công nghệ cao, den tàng tu\ Chính phủ geh gùng dà broă lơh ai khà càn 100 rơbô tơmàn priă mờ sa priă cồng ờ uă, làng bol bal mờ anih lơh sa kă bro tàm càr Lâm Đồng neh chờ hờp ngan.

Mơya, tài ală khà bal mờ bơta ai càn priă nền nòn ir, sră nggal lơh uă bơta ir den tàng làng bol bal mờ anih lơh sa kă bro kal ke mờ broă kờ` geh càn priă do.

Tàm ală nhai do, ồng Võ Quốc Khoa, cau lơh sa suơn sre công nghệ cao mìng tam ală bơta bơkào kas priă tàm xã Dà Ròn, kơnhoàl Đơn Dương, càr Lâm Đồng lòt sùm làm gùt tiah kờ` jòi geh priă pờ ơnàng tàm broă tam bơkào tàm bă ù 10 lồ.

                                                   Càr Lâm Đồng geh uă broă tam biăp kas priă geh 500 tơlăk proă

Bu\ lah neh cri bơyai mờ ngân hàng, mơya ồng kung gam ờ gơtùi càn geh priă sa priă cồng ờ uă bơh khà priă ai càn 100 rơbô tơmàn priă bơh Chính phủ dê, mờ tơngu me tòm là tài ală khà bal mờ bơta ai càn priă bơh ngân hàng ai nền nòn ir.

-Tu\ do, bol a` kung gam lơh ngan kờ` geh càn priă, mơya ờ hềt geh. Tài ngân hàng sồr pal geh broă bơta phan ai tơl^k, mờ di lah tơl^k sră ngui ù lơh sa suơn sre den ngân hàng kờp jăt khà priă bơh dà lơgar, den tàng càn priă ờ geh uă.

Mơya mùl màl ù hơ\ di lah kờp jăt khà priă tàm drà kă bro den a` kas ngan. 10 lồ ù do a` dê tàm kơnhoàl Đơn Dương di lah blơi tu\ do di pơgăp 30 tơmàn priă.

Jăt kơrnoăt sồ 318, ngai 14 nhai 3 nam 2017 bơh Bộ Nông nghiệp mờ Phát triển Nông thôn yal, kờ` geh càn priă bơh khà priă ai càn 100 tơmàn priă, ală anih lơh sa kă bro suơn sre công nghệ cao pal lơh di pal mờ 1 tàm ală khà bè: rơndăp broă bơcri priă lơh tàm tiah lơh sa, tiah lơh sa suơn sre ngui công nghệ cao neh geh ală kơnă geh gơnoar ai lơh, ală anih lơh sa kă bro neh geh Bộ Nông nghiệp mờ Phát triển Nông thôn ai sră dờp là anih lơh sa kă bro lơh sa suơn sre ngui công nghệ cao, ală rơndăp broă lơh sa suơn sre kloh niam…

Càr Lâm Đồng tu\ do geh di pơgăp 50 rơbô lồ ù lơh sa suơn sre công nghệ cao, geh 17% khà uă ù tam phan gùt càr dê.

Tàm hơ\, geh uă broă tam biăp kas priă geh 500 tơlăk priă tàm 1 lồ, mìng is broă tam biăp mờ dà geh bơh 8 tus 9 tơmàn priă tàm 1 lồ 1 nam, bơkào geh 1 tơmàn 200 tơlăk priă… pơgồp bal tàm broă ai khà lơh sa suơn sre tàm càr do dê geh 150 tơlăk priă tàm 1 lồ 1 nam, uă rơlao ngan jăt mờ khà geh bal gùt lơgar dê.

Mơya, jăt ồng Phạm S, Phó Chủ tịch UBND càr Lâm Đồng yal, di lah ai bơh ală khà càn priă bơh khà priă ai càn 100 rơbô tơmàn priă, den gùt càr kung mìng rơ\p geh 8 anih lơh sa kă bro tơl pràn kờ` càn priă.

                                                Càr Lâm Đồng tu\ do geh 50 rơbô lồ ù tam biăp mờ công nghệ cao

-Geh khà priă ai càn 100 rơbô tơmàn priă ai broă lơh sa suơn sre công nghệ cao in, bol a` đơs là, do là bơta pràn dờng màng ngan mờ niam bơne\ ngan gơwèt mờ priă jền kờ` ală anih lơh sa kă bro lơh sa suơn sre công nghệ cao geh càn priă mờ tơnguh bơtàu.

Mơya bơh jơnau yal anih lơh sa kă bro, bol a` đơs là ală sră nggal, khà geh bal mờ broă bơcri priă kal ke ngan, den tàng mùl màl ală anih lơh sa kă bro càr Lâm Đồng tìp uă ngan kal ke, ờ hềt geh càn mờ khà priă do.

Càr Lâm Đồng bol a` kung neh lơh broă mờ ală ngân hàng, ngân hàng Dà lơgar kờ` lơh gơs ală broă ai càn priă bè lơi geh [uơn.

Ồng Trương Quốc Thụ, Phó kuang atbồ Ngân hàng Dà lơgar Việt Nam tàm càr Lâm Đồng pà g^t, tài geh uă ală anih lơh sa kă bro lơh sa suơn sre công nghệ cao tàm càr Lâm Đồng ờ geh tơl ală khà geh ai mờ bơta niam kờ` càn priă, den tàng broă bơcri priă bơh khà ai càn 100 rơbô tơmàn priă do tu\ do mìng rơ\p geh 150 tơmàn priă.

Kờ` khà priă do geh càn ai broă lơh sa suơn sre công nghệ cao in, ngân hàng bal mờ ală sở, gah lơh broă gam kơlôi sơnơng ai càn priă mờ broă ai tơl^k phan bơna bơh bă ù lơh.

-Tàm càr Lâm Đồng den anih lơh sa kă bro ndrờm tàm khà dềt, di mơ, dềt ngan mờ ală hìu nhă lơh mơ. Mơya khà geh ai kờ` geh càn priă jăt khà priă 100 rơbô tơmàn priă do là ờ [uơn.

Tu\ do, sở Tài nguyên mờ Môi trường là anih lơh broă pơgồp bal mờ Ngân hàng Dà lơgar, ală ngân hàng kă bro, Sở Tư pháp, Sở Công thương kờ` pơlam UBND càr k^ tơl^k phan bơna geh tơl khà ai càn priă là hìu jàl.

Di lah broă do lơh gơs, tu\ ngân hàng tus sền mờ ai tơl^k khà priă phan bơna, bơdìh mờ broă sền kờ` g^t khà priă ù den sền kờ` g^t tơn khà priă hìu jàl, phan bơna tơnguh uă den khà priă càn kung tơnguh sơl.

Tàm pơrjum lơh jăt broă dong kờl priă càn bơh kes priă tơnguh bơtàu anih lơh sa kă bro dềt mờ di mơ geh bơyai lơh nhai 4 lài do. Ồng Đặng Huy Thông, Thứ trưởng Bộ Kế hoạch mờ Đầu tư mờ là Chủ tịch Hội đồng atbồ kes priă tơnguh bơtàu anih lơh sa kă bro dềt mờ di mơ Dà lơgar kung neh đơs:

                                          Mơya kal ke ngan kờ` geh càn mờ khà priă 100 tơmàn priă bơh Chính phủ ai

Broă sền kờ` g^t khà priă phan bơna tàm ù kờ` geh tơl bơta ai ală anih lơh sa kă bro in geh càn priă là 1 broă pal geh lơh mờ di pal, kes priă tơnguh bơtàu anih lơh sa kă bro dềt mờ di mơ geh cri bơyai kờ` gờ` ai càn priă jăt broă lơh do:

-Bol a` geh pơgồp bal mờ ngân hàng Dà lơgar kờ` bơsong kal ke broă càn priă geh ai tơl^k khà priă phan bơna.

Ală bă suơn hơ\ cau bơcri priă mờr 10 tơmàn priă tàm 1 lồ mờ ờ geh den sền hơ\ là phan bơna tơl^k ai kờ` càn priă den a` go\ ờ di pal, den tàng pal tam gơl wơl bơta do.

Mờ broă lơh do, den a` đơs là, geh uă ngan anih lơh sa kă bro tàm Dà Làc di pal mờ khà geh kờ` càn bơh khà priă do, gơs là cau càn priă uă ngan bơh kes priă do dê.

Bơh tu\ do tus nam 2020 mờ wèt tus nam 2025, càr Lâm Đồng ai broă tơnguh bơtàu lơh sa suơn sre công nghệ cao jăt broă lơh tơl ală bơta, kơl jăp mờ lơh pa.

Lơh ngan tus nam 2020, tơnguh khà kuơ bơh broă lơh sa tàm 1 bă ù tam phan geh 170 tơlăk priă tàm 1 lồ 1 nam, mờ khà lơh sa suơn sre ngui công nghệ cao geh bơh 35 tus 40% khà lơh sa bơh gah lơh sa suơn sre dê.

Den tàng, tu\ ală bơta kal ke bè priă càn ai broă tơnguh bơtàu lơh sa suơn sre công nghệ cao geh niam, geh mhar ai geh bơta tam gơl dờng màng ngan tàm broă lơh sa, tơnguh uă khà geh kuơ bal mờ bơta niam phan geh lơh, di pal mờ broă kờ` tơnguh bơtàu lơh sa mpồl bơtiàn bal càr Lâm Đồng dê tàm broă tơrgùm bal lơh sa.

Cau cih mờ yal tơng^t Ndong Brawl